البارت الثاني عشر.
.
.
.
الكاتبه:سرسبيل. البارت طويل مو تنسون التصويت.
~•~•~•~•~•~•~•~•~•~•~•~•~•~•~•~•~•
واني وكاعده حسيت صوت من جوه الكاع
والغراض يهتزن وصوت البنكه من تتحرك.
كمت بساع اشوف البيت كله يهتز سمعت صوت وتين تصرخ بصوت عالي. صوتها فوك ماهو يرج رجته::-ووووووههههههههجججج.
ركضت عليه ستوني طلعت من الباب انطفت الكهرباء
صحت عليها تطلع والبيت كله يهتز ماكدر اسيطر على نفسي.
وهج: تعالي وينج ضلمه ماشوف ااااطلعيييي من الغرفه ووويييينننج.
اجاني صوتها وهيا تبجي وتحجي برجفه::-وهج اني خايفه تلفوني مادري بي وينن راح اوكع الغراض وكعن.
طلعت على غرفتها فتحتها وهيا تبجي بي شويه ضوه من الشباك اشرتها تجي اجتي حضنتني وهيا تبجي.
صوت باب الكنتور هو يركع والباب والبنكه والكهرباء وتين تبجي وضلمه حسيت بخنكه وطلعت من البيت
وكفنه بره.
وتين حاضنتني وهيا تبجي وتستغفر ربها وتحجي ادعيه.
وهج:كافي هدت ماكو شي.
وتين:ييممه هززه ياربي دخيلك استغفر الله استغفر الله استغفر الله.
حضنتني بقوه وهيا تبجي وتقره قران وأحاديث
وتزيد بلبجي شويه وانفتح الباب الخارجي دخل واثق وصهيب يركضون .
صهيب:بيكم شي ؟
هزيت راسي وتين حضنت واثق وهيا تبجي وهو يهدي بيها::-مصار شي يله امر ربج.
رفعت راسها ومسحت وجهه وخشمها وهيا تشهك::-ونعم بالله.
لزمها من وجهه وقلد حركاتها وهيا ضحكت .
صهيب:ماكو شي هزه بسيطه وراحت .
مسحت وجهه جاب كراسي وكعدنه بطرمه
وتين كلساع تستغفر وتدعي واثق فاتح تلفونه
هو وصهيب ويكلب بي .
صهيب:شبساع الفيس انكلب كلاب على الهزه.
واثق: حتى يمي.
وهج:ناس بطرانه ماعدها شغل وعمل.
وتين:بدال ماتكوم تصلي وتسبح هذا عقاب من الله الله يعلم شمسوين جوه حتى هيج صار يارب عفوك ورضاك وانت ارحم الراحمين دخيلك ياربي.
واثق:هم صدك صلاه العشه مامصليها وماضل وكت.
صهيب:واني نعست يله كومن .
كمنه وتين مجلبه بواثق اني وامشي اجه صهيب علك ايده على جتفي صديت عليه خازرته وهو يبتسم.
دخلنه جوه وتين ختمت القران ختم من الخوف
دخلت الغرفه ولحكني صهيب بساع ذب فالينته
وذب نفسه على الجربايه .
رتبت الغراض على الامرايه ورحت تمددت بصفه
غمضت عيني شويه وتقرب مني بزياده وحضني.
نفخت::-تالي عاد مانام.
أنت تقرأ
وهج نار الانتقام
Mystery / Thrillerفي كل منزل هناك شخص ليس له قلب ولا ضمير لديه التحكم والعنف لكن ماذا سينتج هذا العنف ؟؟... روايه تتكلم عن اثنين اخوات واخ التي ليس لديهم حظ يواجهون حياتهم المجهوله في بدايه عمرهم.
