وهج نار الانتقام

22

البارت الثاني والعشرون.
.
.
.
الكاتبه: سرسبيل.
~•~•~•~•~•~•~•~•~•~•~•~•~•~•~•~•~•~.

واثق::- 
ضحك عليه ركضت يمه الحك بي هو ركض كدامي بقت مسافه بيناتنه ستوني اريد اوصله فجئه ماحس غير صوت تريله زرفت أذني وعيوني غوشن بسبب التراب .

حطيت ايدي على عيوني امسح التراب فتحتهن كوه واني ادحك المكان كله تراب صحت على علي بصوت عالي.

صديت وجهي ادور عليه اشوف ناس ملتمه انقبض گلبي واني اصيح على علي رحت يمهم اشوف بس الدم وعلي بلكاع.

ركضت عليه شلته هو يرفس كوه يتنفس::- لا علي لاتعوفني ،، يرجف جوه ايدي كوه يتنفس كمت ما اشوف شي كدامي بس احجي وياا.

واثق: علي اهدى واحجيلي شوجعك كلي.

هز براسه هو يرجف بقوه صحت عليهم واحد ياخذني المستشفى اجتي سياره وكفت شلته وحطيته بسياره.

خليت راسه بحضني واني ميت بجي عليه هو بس يرجف::- لا علي بروح امك لتعوفني اني صديقك.

نطق الكلمه كوه يكول::- احلى صديق مانساك ابد .

واثق: اسكت لاتحجي لضل تمسلت راح نوصل المستشفى.

هز راسه هو يرفس كوه مثبته::- لا امي واثق امي اني الوحيد اخواتتيي.. سكت جر النفس كوه .. بطني توجعني.

واثق: اشش مابيك شي ... ادحك عليه السياره مليانه دم مسحت دموعي كتله::- انت مو كلت ماتعوفني والله شتريد سوي حتى على ضهري اصعد بعد مارزلك.

بكوه ضحك هو مغمض عيونه::- انت مو تكول ثور.

نزلت دمعتي::- اني الثور والله بس صير بخير شتريد اسوي سوي مامنعك وربي بس لاتعوفني بروح امك.

علي:امي وحدها اخواتي منو يمهن.

واثق: انيي وانت والله لتخاف تكوم ميصير بيك شي يمك اني.

ابتسم ورفع ايدي باسها بخمول وغمض عيونه بثكل وسكت دحكت عليه مسحت دموعي واني احرك براسه::- علي اكعد .

احرك براسه مايكعد اتخبلت كمت اطبطب على خده واحجي وياا::- علي بشرفك كوم افتح عيونك خالي استعجل راح يروح .

طول الطريق كلبي منقبض عليه وامسح بدموعي
لما وصلنه شلته وركض واصيح بلمستشفئ هرجتها هرج لما اجوي ممرضين.

آخذو مني ودخلو الغرفه سدو الباب كعدت بلكاع ابجي عليه وادعي مابي شي::- يارب دخيلك طلعه سالم ماعندي غيره يارب هذا اخوي دخيلك يالله.

ضليت منتضر على اعصابي واني ابجي وامسح بعيوني خسارته جبيره علي غالي عليه حيل .

شويه واشوف ابو كريم يركض وخايف اجه يمي هو مرعوب::- علي وين شبي احجي.

واثق: مادري عمي مادري بعدهم يمه.

ابو كريم: فهمننيي اصار شلون هيجج ؟؟