البارت السابع عشر.
.
.
.
الكاتبه:سرسبيل.
~•~•~•~•~•~•~•~•~•~•~•~•~•~•~•~•~
- شفتك بالحلم فزيت مرعوب
-مالحكت اشوفك مسرع جدام
- نذر، نذر نذر .
- لو ملتفتلي جان حنيت.
-من اطراف جدمي لـ شعره الهام .
....
دك تلفوني فتحت الخط مجرد ماحجه انترسن عيوني دموع حطيت ايدي على حلكي حتى مابجي بصوت عالي هو يكول::- حبيبتي وتين مشتاقلج.
حجيت بصوت مخنوك::- بابا ؟
كاظم: عيونه الابوج اني اسف حبيبتي لان عفتج هناك.
وتين: ليش بابا ليش هيج ضيعتنه دمرتنه وعمي اخوك.
كاظم: لحضه غضب واني اسف واثق شلونه ؟
وتين: مو زينين بابا احنه ضايعين وهسه أباذر كاعد يدور عليك .
كاظم: أسمع لاتكولين الاحد خابرتج انتي بنيتي حيل مشتاقلج بس شسوي صارت بعد اريد اكلج شي اسمعيني زين.
مسحت دموعي واسمع اله::-شوفي بس خلي تعدي هاي الايام بخير اجيبج يمي .
فتحت عيوني بصدمه::-مستحيل اعوف اخواني هنا ماكدر بابا.
كاظم: لاتشلعين گلبي اجيبج انتي واثق اعيشكم بدال بربج انتي المدلله يمي هيج يصير بيج.
وتين: بابا وهج ماكدر اعوفها فدوه بابا ليش اسوي هيج.
كاظم: غير اخاف عليج وانتمناج يمي انتي بنتي والله حيل مشتاقلج.
وتين: اني هم مشتاقتلك هواي بس ماكدر .
كاظم: مالج دخل يمي السالفه تحملي جم يوم عيوني انتي خوش بويه ؟
سكتت ماحجيت شي جنت بضياع وكلامه الي رجع كال::- طمنيني عليج ولا تكولين الاحد خابرتج خوش حبيبتي ؟
وتين: اي حاضر.
كاظم: عفيه بنيتي دير بالج على نفسج.
سديت الخط منه مسحت دموعي صديت وجهي شفت وهج وراي فزيت وهيا عاقده حواجبي .
.....
بلسم::- محاول نسيان الماضي صعب شكد ماتحاول ماتكدر تنسى ولا تتخطى محد ينسى اذيته.
اني جنت معلمه الابتدائيه هو أصلاً مو تخصصي بس اني احب ادرس الجهال الصف الثاني والثالث احب اعلمهم جنت معلمه علوم .
اقري صف الثاني واحب اشاقه وياهم واسويلهم فعاليات واوزعلهم جكليت اذا جاوبو هما يحبون درسي هما وصف الثالث ابتدائي.
جانت صديقه وياي معلمه انكليزي بس وكحه وتعيط على الجهال واني دائماً اكللها وهيا تكول اذا مو بلعين الحمره ميخافون اسمها بسمه.
صارت اقرب وحده الي نطلع ونطب سوه حتى بيناتنه عزائم بلمدرسة المدير يكول ماتشبعن اربعه وعشرين ساعه بس تحجن واحنه نضحك عليه.
أنت تقرأ
وهج نار الانتقام
Mystery / Thrillerفي كل منزل هناك شخص ليس له قلب ولا ضمير لديه التحكم والعنف لكن ماذا سينتج هذا العنف ؟؟... روايه تتكلم عن اثنين اخوات واخ التي ليس لديهم حظ يواجهون حياتهم المجهوله في بدايه عمرهم.
