البارت الخامس عشر .
.
.
.
الكاتبه:سرسبيل.
~•~•~•~•~•~•~•~•~•~•~•~•~•~•~•~•~•
::- يمعودين محد حاس بحساسي.
- يمعودين ماناسي وكلت ناسي.
- وبراسي سوالف مالهن رداد.
-على ياساعه افرغ مخزن براسي .
وهج::-
انسجنت نص من حكمي واليوم راح اطلع انقرف من كلشي هنا حتى من اكلهن شكد يسون اكل ويكعدن
يلتمن وياكلن ولا اكل منهن.
اكو شرطيه اجيبلي اكل ودائماً تسئلني على وضعي
وهيا جبيره بالعمر تنطيني اكل وتخلين اروح الحمام نضيف حتى اغسل واسبح بعيده عنهن.
واليوم راح اخلص كمت احضر بغراضي هنا
واكفات وصافنات عليه.
- اي بلخير عليج.
وهج: شكرا.
- ادعيلنه بلكي الله يرزقنه شخص مثل نقيبكم ويطلعنه.
صديت عليها انطيتها نضره ورجعت اعدل ملابسي وحجت وحده جانت تسوي باضافرها.
- انتي سامعه المثل الي يكول حض العواهر جواهر مو هيج يكولون ؟
رديت عليها واني اعدل ملابسي ::- لعد وانتي شنو ماعندج حض جوهر ؟
- لا يحسره منين ؟
وهج:مع الاسف كح** مثلج ماعدها جوهر بس يله هي كل كح ** كح**.
كملت ملابسي واجتي شرطيه صاحتلي وصلت الباب
وصديت على البنيه::- مره الثانيه صيري كح** معدله عود يجيج الحظ.
- قصدج مثلج.
وهج: اني مو كح** مثلج بس اذا على كولتج الكح** عدهم حظ اني ماعندي حظ
عفتهن وطلعت وره الشرطيه استلمت غراضي وفتحتلي الباب وابتسمت بوجهي..
- الحمدلله على السلامه.
هزيتلها راسي بخفه وطلعت برا السجن تحررت وأخيراً تنفست براحه اخذت نفس قوي حتى الهوى يختلف داخل السجن.
طبكت سياره أباذر ونزل هو مبتسم اجه يمي واخذ الجنطه من ايدي هو يكول::- الحمدلله على السلامه ذيبه.
هزيت راسي بخفه وهمست::- شكرا.
أباذر: هااا ؟
رفعت راسي دحكت عليه ::- شنو .
أباذر:شكلتي ماسمعتج.
وهج: راح تبقه واكف هنا ؟
أباذر: لا عمي امشي .
عفته ورحت ركبت بسياره اجه ركب وساق .
أباذر:اشغلج اغاني ؟
وهج:ماريد .
صد عليه::- افااا شو مفرحانه ولج ؟
وهج: وين رايحين؟
أباذر: البيت يعني وين؟
وهج: راح انعيش يمكم ؟
أباذر: لعد وين لاتخافين حضرتلج غرفه فوك وحدج اعرف بيج ماتحبين تنامين يم احد.
أنت تقرأ
وهج نار الانتقام
Mystery / Thrillerفي كل منزل هناك شخص ليس له قلب ولا ضمير لديه التحكم والعنف لكن ماذا سينتج هذا العنف ؟؟... روايه تتكلم عن اثنين اخوات واخ التي ليس لديهم حظ يواجهون حياتهم المجهوله في بدايه عمرهم.
