البارت الثالث والعشرون.
.
.
.
الكاتبه:٠سرسبيل.
~•~•~•~•~•~•~•~•~•~•~•~•~•~•~•~•~•~
ركضت حتى اطلع برا ادور على طيف بالي يمه مانحس غير تحاصرنه بكل الجهات وصار يرمون طلق
عشوائي..
ركضت ختلت وره برميل ومدنجه راسي وساده اذني بقوه وبالي يم طيف شويه وكفو رمي واحد كال::- الك يطلع يسلم نفسه المكان محاصر بسرعه.
كعدت نفس مكاني واني اشوفهم اطشرو ياخذون بأشخاص آخرين اجه شرطي لزمني من ايدي بقوه ورفعني.
صفنت واني ارجع لذيج الايام الي دخلت بيها لسجن يعني هم راح انسجن؟
يجر بديه واني ادحك على المكان ادور طيف سحبونه وحطونه بسياره وره واني التفت ادور على طيف.
كعدن البنات يبجن هنا يتوسلن بشرطي هو كلساع يسكتها بالي يم طيف وين راح هسه ماكو هنا ؟.
لما وصلنه المخفر نزلونه وحد وره واحد دخلونه بغرفه بيها مكتب بس مجتفينه واني ساكته لاخايفه منهم ولا عندي شي بداخلي كاعد افكر بطيف بس.
دخل ضابط علينه واحد واحد راد اسمائنه كعد يفتح ملفات وحوارات ويحجي واني مامركزه ويا مدري شنو يحجي.
الضابط::- تاخذوهم تحاليل وشوفون شنو تأثير هذا السم عليهم قبل كلشي صيحلهم يجون يشرفون.
دكله تحيه وراح وصد علينه وكال::- انت بنات اهلجن وين هذا الي كاعد اسونه محرم سوه دين أو قانون يتحاسب عليه المتهم حاله حال القتل والجرام.
ابنيه كامت تبجي وتكول والله ضحكو علي فدوه اروحلكم طلعوني منا بعد ماسويها والنبي.
الضابط: ناخذلج تحاليل ونشوف وضعج ذاك الوكت نكدر نحاسبج.
سكتت وهيا بس تشهك اندك الباب وياريت مانفتح من دخل أباذر صديت وجهي واني تهت ماريده يعرفني .
نعلت حضي بوقتها.
صاح عليه الضابط الف وجهي لما كال::- نقيب أباذر لزمنه اشخاص قليلين والباقي مايفلتون ضاميهم بجيب.
أباذر: خليني اني اهتم بيهم .
الضابط::- براحتك سيدي .
جان واكف يمي ولد عسني بجتفي حتى اصد خنزرت اله لما صاح الضابط بيه صديت وجهي رفعت عيوني خليتها بعيون أباذر.
وكف مصدوم فاتح حلكه وعيونه هو يدحك بصدمه نطق بستغراب::- وهج !!!.
نزلت عيوني منه هو بعد مصدوم لما كاله الضابط::- تعرفها سيدي ؟
ماسمع كلامه وضل يدحك علي لما الضابط فر وجها.
ضابط: سيدي احجي وياك تعرفها؟
صد عليه وكال::- نكدر نحجي وحدنه.
هز براسه وطلعو هو بعده بداخل صدمه فركت وجهي ولعنت حضي حيل ضجت والي يمي بس يدحكون عليه بستغراب.
أنت تقرأ
وهج نار الانتقام
Mystery / Thrillerفي كل منزل هناك شخص ليس له قلب ولا ضمير لديه التحكم والعنف لكن ماذا سينتج هذا العنف ؟؟... روايه تتكلم عن اثنين اخوات واخ التي ليس لديهم حظ يواجهون حياتهم المجهوله في بدايه عمرهم.
