#التدين_المفروض
الـحـلـقـه الـثـالـثـه3
🔥الـكـاتـبـه صـفـاء رجـب🔥.
محمد يسمع فيهم وساكت
مهدي رفع عينه في محمد ألي يفنص فيه
مهدي:فوتيها اليوم تقوى ديري بروحك
سعاد تشوفله وفاتحه فمها من رده فعله
محمد قعد مبتسم ويشوف لمرت بوه: الله يساعدك
سعاد ماردتش وخشت تخبط جوا
محمد: تقوى هيا
تقوى: هيا هيا
طلعو تقوى ومحمد ومشو لحوش طارق
محمد: ههذا الحوش؟؟
تقوى: اها راجي ننزل نطق عليهن
محمد طفا السياره: هيا بسرعه
نزلت تقوى وقعدت تطق وفتحتلها نرجس
تقوى ابتسمت: واتيات؟
نرجس: اها هيا
قعدت نرجس تعيط لشهد وايه وطلعن
تقوى حضنت ايه: واخخيرا
ايه تضحك: ماتقولش كنا نحكو امس
تقوى: سخخيفه .. ههيا اركبن
ركبن السياره ومسكتات وايه وتقوى يحكن
محمد: ماعندكنش محلات معينات
تقوى: لا في هيا بس
ــــــــــــــــــــــــــــــــــــــــــــــــ
فضل: ايش عندك اليوم؟
سعاد قالبه وجها: بوك عنده اليوم عشاء جمعيه
فضل: اهمم وشن تبي اديري؟
سعاد: نبي ندير رز وعصبان ونوعين موالح وسلاطات
فضل: ديري سلاطه الكوسه
سعاد: به
فضل: وديري بطاطا امبطنه
سعاد: كنك تشرط؟
فضل: لانه الي اديري فيها سمحه
سعاد ضحكت: سلمك
فضل: هيا يا سعيده موفقه.. وطلع وكان يضحك على اهبالها وكيف صدقت
ــــــــــــــــــــــــــــــــــــــــــــــــ
محمد: ها شن صار لقيتن حاجه؟؟
تقوى: لا مالقينا شي
شهد بأستغراب: وين ايه؟
محمد قعد يدور فيها ومش عارف شكلها
تقوى: مش عارفه
نرجس: حي وين مشت؟
تقوى: نمشو ندوروها نحنا.. وعدن هي والبنات وسيبن محمد الي مش عارف ربي وين حاطه
محمد: السريب الاسود مدرعن وين عدت
قعد يدور فيها ويحس بحد مسك يده
ايه: جيت مع خوي
الامن: انت خوها؟
محمد مش فاهم الوضع: اهها
الامن: اسفين.. وعدا
محمد ألتفت وشافلها وقاعد يركز في ملامحها
محمد: من انتي؟؟
ايه: نا ايه صاحبت تقوى
محمد يشوفلها: ندورو فيك وين كنتي؟
ايه: كنت قاعده في المحل بروحي الامن يحسابوني جايبه دعوه معاي
محمد يضحك: باه هيا امشي قدامي
تقوى: وين كنتي؟
ايه: في المحل
نرجس: نحنا كملنا نبو نركبو السياره
محمد : تمام هيا.. وعدا مع نرجس وشهد
تقوى: وين نمشو نحنا؟
ايه: مش عارفه تخيلي مالقيت شي
تقوى: عليك سريب هيا نشرو اي حاجه
ايه: هي
ـــــــــــــــــــــــــــــــــــــــــــــــــــ
سماح: خلاص الساعه 6 المغرب كنهن طولن
طارق متوتر وساكت
سماح: رن على ايه
طارق: رنيت مرتين ماردتش... ويقاطع كلامه صوت التلفون يرن يرفعه ويشوف ايه ترن ويرد طول
طارق بعصبيه: وين انتن
ايه: هيا كملنا توا يا طارق ماقبل لقينا حاجه كويسه
طارق: كنك ماتردي من بدري؟
ايه: درته صامت مافطنتش
طارق: روحن بسرعه
ايه: تمام.. وسكرت
نرجس: ها شن قالك؟
ايه: يهزب ينعليي
شهد رفعت راسها: حتقعد ليله سوده
ايه: ان شاءالله خخير بس
محمد يسمع فيهن وساكت ورفع عيونه في المرايه ويشوف ايه تشوفله ونزلت ععيونها ابتسم وقعد يسوق...
نرجس: بارك الله فيك
محمد منزل راسه: وفيك
نزلن البنات واستقبلتهن سماح رافعه خشمها
سماح: وين كنتن لعند توا؟
ايه بحماس: تعالي نوريك دبشي... ومسكت يد سماح وخشت جوا تجري ولقت طارق في الصاله
طارق بعصبيه: معقوله المعيله هذي كلها وتجن ع المغرب وانتن طالعات من الظهر
نرجس وشهد مسكتات
ايه: طارق والله مالقينا محلات كويسات ماعجبني شي نا الي طولت
طارق عيونه حمر ويبي يهزب بس ماسك روحه
ايه ابتسمت: تعال نوريك دبشي
قعمزت على الارض وطارق على الصالون وقعدت توري فيه دبشها وأدواتها وطارق نسا كل حاجه وقعد لاهي معاها وفرحان عشان هي فرحانه ❤.
أنت تقرأ
التدين المفروض
Mystery / Thriller🔥الـكـاتـبـه صـفـاء رجـب🔥. رافع راسي للسقف والدمعه في عيني قاعد مزلت مش مصدق كيف كنت مقتنع انه الي صار كله حلم وكيف كنت هبل ومصدق الشي هذا كان عقلي مشوش ومفيش شي في بالي كل مانغمض عيوني يخطر عليا كيف ماتت امي كيف كانت تعيط و. 💔💔
