التدين المفروض

الـحـلـقـه الـسـابـعـه عـشـر 17

#التدين_المفروض

الـحـلـقـه الـسـابـعـه عشـر 17

🔥الـكـاتـبـه صـفـاء رجـب🔥.

ابراهيم'اب مصطفى': على البركه ان شاءلله
بسمه شهقت: ينعلييي يا مصطفى مش من جدك تمشي تتفق مع خوها قبل مانشوفو البنت
مصطفى: يممي وربي حتعجبك
سماح كانت قاعده وتسمع وتبي تموت عشان تعرف من الي خطبها مصطفى
ابراهيم: وشن حكيت مع خوها
مصطفى: الفرح بعد اسبوعين بالضبط
بسمه صبت تندب: ووووك عليي بتهبلني انت يوم عطيب هذا فرح را مش لمه ولا فاتحه بس
مصطفى يضحك على امه: غير عارفك قدها يمي
بسمه: هيا نطلعو توا الله يربحك
مصطفى يضحك: يمي الساعه 10 توا اين نطلعو؟!
بسمه صبت: يا رهف جيبي عبايتي اجريي
رهف جابت العبايه: ينعلي يميي مصطفى خطب اخت صاحبتي
مصطفى: من قالها لك
رهف: كلمتني توا كنا في مكالمه نا وصحباتي قالتها لي
مصطفى: صار تعرفي اختها؟! شن رايك فيهم
رهف: تهبل اخختها وحقربي
مصطفى: عارف ذوقي
بسمه: هيا اطلع قدامي
ابراهيم يضحك: الفلوس في درج دار النوم
بسمه متلخبطه: قبل بنطلع بلاهن.. وخشت تجري جوا تجيب في الفلوس
مصطفى يهز في راسه ويضحك: امي دايمه ذاهبه شيرتها
بسمه جت: سقد روحك هيا
مصطفى صبا: هيا اوكي.. وطلعو هو وامه
سماح جت قعمزت جنب رهف
سماح بلطافه: شن اسمها اخت العروس والعروس لعيت من؟!
رهف قلبت عيونها: توا تعرفيها يوم الفرح.. وعدت تحكي مع ايه وتقوى مكالمه
سماح في خاطرها: هالفرخه هذ ينعلي تخيلي تجي اسمح مني ووكك بعدها تاخذ النوره هيي
سماح صبت: تبي حاجه يا عمي
ابراهيم: لا سلامتك
سماح: هيا اوكي.. ورقت لشقتها

.....

ايه: نجكلي يا ثعلبب
رهف: ايمتا تبن تجن تخطبنها تقوى؟!
ايه: نحكو مع بوها قبل
تقوى: تجيني طبعا يا رهف
رهف تضحك: ماتخافيش مش دايره غيبه
ايه: عليك قهره من يقول مانشوفش طلبتك
تقوى: حتى انتي واخذتني لخوك
رهف: ونا من ياخذني
تقوى: ناخذك لخوي محمد
ايه تنرفزت: تقوى
تقوى تضحك: نبصر خلاص
رهف: شورك يا ايه؟!
ايه: يس ههذا البوي فرند متاعيي
رهف: معندكنش اخ واحد اخر؟!
تقوى: عندي فضل بس مستحيل يبحت فيك
رهف: ماهو عارفته بختي
ايه: المهم رهف شن تبو اديرو انتو
رهف: امي توا طلعت تجيب في دبش
ايه تضحك: ينعلي توا؟!
رهف: اها زعمت كبد مصطفى عشان تطلع تجيب على الاقل نصه اليوم
ايه: مزلنا ما وتينا شي نحنا
رهف: شن اصلا تبو اديرو
ايه: هذا يا حنه بعد اسبوعين والثالث هو اسبوع الفرح تمام
رهف: تمام!!
ايه: اول يوم في اسبوع الفرح نجو نفرشو الشقه الي هو يوم الاحد
رهف&تقوى: وبه
ايه: ويوم الاثنين فاضي
رهف: به
ايه: ويوم الثلاث السياق
رهف: تمام
ايه: ويوم الاربعاء الفاتحه
رهف: ايوهه!!
ايه: ويوم الخميس الفرح والجمعه الصباحيه وانتهت
رهف: اها فهمتك توا جو مليح بلكل
تقوى: ونا شن تبو اديرولي؟!
ايه: انتي نخطبوك الايام هذي نديرو جو تلبيسه تمام
تقوى: به؟!
ايه: وبعد فرح نرجس بمده نديرو فرحك
تقوى: وفرح شهد؟!
ايه: مزال عليه شهر
تقوى: تعرفي توا تجيكم عين ثلاث فروح خلال شهرين
ايه: تعاتها تجي العين الحافظ ربي
رهف: ههي والله صدقتي
ايه: هيا وجوكن زوزي خش عليا انتظار معاكن.. وسكرت في وجوهن
تقوى: قليله ادب
رهف: قتلك يا تقوى
تقوى: ها؟!
رهف: راضيه بأخ ايه؟!
تقوى: من ناحيه جمال وفلوس لنقني راضيه لاكن خايفه يحكمني بما انه متدين
رهف: الخوف ديما منهم
تقوى: منكذبش عليك حتى بوي متدين بس خوتي طالقيني على راحتي
رهف: ربي يكون في عونك
.... وكملن سهاري