#التدين_المفروض
الـحـلـقـه الـثـامـنـه عشـر 18
🔥الـكـاتـبـه صـفـاء رجـب🔥.
سماح خانقتها العبره: شفتي يميي كيف دارلها
سعاد: وانتي مالك ومالهم
سماح: مادارش ليا الخبر هذا
سعاد: يملحو اهو خالد قاعد يعوضك عليه
سماح: يممي اول مره نشوفه هك ينعليييي
سعاد: وشن تبي اديري؟.
سماح: تتوا تشوف الحيوانه وحقربي مش مهنيتها
سعاد تشوف لحقد بنتها ومنفجعه
سعاد: انت شندخلك؟! خليها البنت في حالها
سماح: يمي خطي وجي... وخشت مرقدهاــــــــــــــــــــــــــــــــــــــــــــــــــــ
الساعه 8 فِ الصبح
ايه عيونها متورمات
ايه تثاوب: مارقدت الا الساعه 4 تخيلن
تقوى تضحك: طح سعدك وكيف تبي تركزي في الامتحان
ايه: مش عارفه وحقربي راسي يوجع في وماقريتش كويس
رهف: يا بنات خلاص اسبوع ونكملو ونقعدو سنه ثانيه ثانوي
تقوى تضحك: واخخخيرا
ايه حطت راسها على كتف رهف: بنرقد نا خلاص
رهف صبت: خلاص الابله جت وايه تتأفأف ومش عاجبها الوضعــــــــــــــــــــــــــــــــــــــــــــــــــــ
فِ الجامعه
نرجس: متوقعتش الصراحه
مصطفى مسك يدها وابتسم: تعرفي الحق نا بروحي مش مصدق انه خلاص بنتزوج بس المهم مع وحده عارف انه بنتريح معاها
نرجس نزلت راسها: حتى لو قلبها مع شخص واحد اخر
مصطفى ابتسم: الحب يجي مع الايام
نرجس كانت خايفه تقول لمصطفى انه تحب خوه خالد بس قررت تسكت ع الشي هذاــــــــــــــــــــــــــــــــــــــــــــــــــــ
طارق خش للكوجينه ويثاوب وشاف شهد
طارق: كنك مش قاعده في الجامعه؟!
شهد: ماجتنيش نيه نمشي اليوم واصلا الدكتوره قالتلي بنغيب
طارق قعمز: اها به ديريلي فطور
شهد تحوس في الكوجينه: حكيت مع مراتك؟!
طارق رفع حاجبه: تقوى؟!
شهد: اها
طارق: لالا عليش
شهد شهقت: طيح سعدكك كنك ماتحكي معاها راهي قعدت مراتك
طارق: مش ضروري... "وكان بينه وبين روحه بيموت عشان يحكي معاها"
شهد: حرام البنت يا طارق خليها تعيش جو الخطوبه شوي
طارق قعد يفكر: وكيف تبيني نحكي معاها
شهد: انت حتى النت مانك فاتح
طارق: قصدك لازم نفتح؟!
شهد: اكيد يوم عطيب توا تضحك عليك البنت لما تعرفك بدوي
طارق: وكنهم البدويه مافيهم شي عيب
شهد زارتها الضحكه: لا ماكنهم بس لازم تتحضر شوي وتفتح نت
طارق: تلفوني لمس نا نقدر نفتح صاح؟
شهد: اها تقدر
طارق: خلاص تعالي افتحيلي
شهد: تحسابها ساهله؟!
طارق: ههها؟!
شهد: را النت مايجيش ببلاش لازم تعبي رصيد وتشترك ومره مره دزلها رصيد عشان تشترك البنت
طارق رفع حاجبه: تمام بس تعالي وريني كيف ندير
شهد قعدت من الساعه 8 للساعه 1 فِ الظهر وهي تعلم في طارق على النت
أنت تقرأ
التدين المفروض
Misterio / Suspenso🔥الـكـاتـبـه صـفـاء رجـب🔥. رافع راسي للسقف والدمعه في عيني قاعد مزلت مش مصدق كيف كنت مقتنع انه الي صار كله حلم وكيف كنت هبل ومصدق الشي هذا كان عقلي مشوش ومفيش شي في بالي كل مانغمض عيوني يخطر عليا كيف ماتت امي كيف كانت تعيط و. 💔💔