التدين المفروض

الـحـلـقـه عـشـرون 20

#التدين_المفروض

الـحـلـقـه الـعـشـرون 20

🔥الـكـاتـبـه صـفـاء رجـب🔥.

طارق راقيتله
ايه: المهم انه ماتبيش تقولك را
طارق صبا وطلع والنار والعه فيه وكان مش ناوي ععلى خخير
اما ايه رنت على تقوى
ايه: افزعيي طارق عرف نا حكيتله كل حاجه وشكله مشا لبوكك
تقوى شهقت: عليبوك يا ايهه
ايه: الله غالب ماقدرتش نسكت
تقوى سكرت وقعدت تبرم في دارها ورفعت تلفونها ورنت على طارق
طارق بهدوء: شنجو
تقوى مستغربه: تمام وانت؟!
طارق: ميه ميه
تقوى: وين قاعد!
طارق: في الطريق
تقوى: اهمم به
طارق قعد ساكت وبرضو تقوى ساكته وكل حد يرجا في الثاني يحكي
تقوى: المهم مانعطلكش نا تبي حاجه
طارق: انتي وراك حاجه؟!
تقوى: لالا
طارق: خلاص خخليك في المكالمه
تقوى ابتسمت: به
طارق: مفيش حاجه تبي تحكيها
تقوى: وانت مفيش حاجه بتقولها لي؟
طارق: نراجي فيك تحكي
تقوى تنهدت: طارق ماشي لبوي؟
طارق: اهممم
تقوى: تقدر تأجلها اليوم وتحكي معاه بكرا
طارق وقف السياره وعيط: ككيفف بكرا طبيعيه انتي يمد يده ععليك وانتي على ذمه راججل كيف جت ههذي مش دايرلي ححساب
تقوى سكتت وقعدت تسمع فيه بس
طارق تنهد وقعد ينتفس بقوه وراقيتله
طارق: احكي
تقوى استغربت: شنو؟
طارق: اول حاجه وين قاعده
تقوى: في حوشنا
طارق استغرب: حوشكم وين
تقوى: خوي فضل باني حوش لنا وجينا فيه
طارق: وبوكم؟
تقوى: متحكيليش عليه يا طارق
طارق تنهد: به... وقعد ساكت شوي
طارق: اسفف
تقوى استغربت: على شنو؟
طارق: عشان نا كنت سبب زعلك وسبب طلعتكم من الحوش
تقوى بهزوه: لو اللوم بينحط على حد حيكون على سعاد
طارق: حسبي الله فيها شندخلها بنعرف؟
تقوى: انت طليق بنتها ونا بنت راجلها يعني مستحيل تريحني
طارق: اسمعي
تقوى: نعم
طارق: قولي لفضل بكرا جاي طارق بيحدد الفرح
تقوى نصدمت وسكتت
طارق: نا غلطان اصلا كنت من البدايه نحدده وننهي القصه بس ان شاءلله نعوض الغلط هذا
تقوى ساكته وتسمع بس
طارق: كنك سكتي؟
تقوى: لا شي بس نفكر
طارق ابتسم: حنعوضك على كل حاجه وعد مني
تقوى ابتسمت: وان شاءلله حنسعدك معاي
طارق مبتسم ويسمعلها: مفيش حاجه بتقوليها اخره
تقوى: زي شن؟
طارق: اممم خلاص خخليها تجي بروحها
تقوى: توا شن تبي ادير؟
طارق: ماشي للحوش تعرفي تعبان بلكل وبكرا ججاي لخوك فضل اما بوك معنديش معاه كلام من يوم وغادي
تقوى ابتسمت: به
وقعدو يحكو وحست تقوى انها جديات محظوظه فِ طارق❤. 

ــــــــــــــــــــــــــــــــــــــــــــــــــــ

الساعه 2 فِ الظهر

مهدي قاعد على سفره الغداء وسارح
سعاد: كنك ما تاكل؟
مهدي يفكر: ازعما وين العويل كنهم ماجو؟
سعاد: ينعليي بعد هذا كله تبيهم يجو نعنهم مايروحو
مهدي شافلها بطريقه خلتها تتمنا الموت
مهدي: سكري فمكك را تلحقيهم
سعاد حمقت و سكتت
مهدي رفع تلفونه وقعد يرن على فضل