#التدين_المفروض
الـحـلـقـه الـخامـسـه و الـعـشـرون 25 ( الاخـيـره )
🔥الـكـاتـبـه صـفـاء رجـب🔥.
طارق تنهد: بكرا كلمي نرجس وشهد.. وطلع خش لداره
تقوى تفكر: ازعما شن بيدير؟
ايه بمكر: مافيش قدامه حل الا انه يحكي
تقوى تنهدت: ان شاءلله خير وخلاص
ايه قعدت تفكر وتفكر نين خذاها النوم
ــــــــــــــــــــــــــــــــــــــــــــــــــــ
نرجس مبتسمه وتشوف لمصطفى
مصطفى مستغرب: في حاجه؟
نرجس ماسكه ضحكتها: لا شي
مصطفى قرب بمكر وحضنها: ضحكتك ههذي في وراها حاجه
نرجس خذت نفس: نا حامل
مصطفى منصدم: ككيف؟
نرجس قعدت تشوف لرده فعله: ءء اها
مصطفى قرب منها والملامح يتغيرن لملامح فرح
مصطفى مبتسم وحضنها: قولي وحقربي؟
نرجس ابتسمت: واللهي
مصطفى فرحان وقاعد مش مصدق: واخخيرا
نرجس تضحك: مش على اساس ماتبيش؟
مصطفى يضحك: ماتصدقينش
ــــــــــــــــــــــــــــــــــــــــــــــــــــ
الساعه 1 فِ الظهر
البنات في مكالمه
شهد: ينعليي ححي يابنات قلبي يوجع في
نرجس: نسيت نقوللكن
شهد: كنك؟
ايه: ان شاءلله خير؟
نرجس ابتسمت : بتقعدن خالات
تقوى ابتسمت: مشاءالله ممبروك
نرجس: يبارك فيك لعقبالك
شهد : ينعليي واخخيراا
نرجس تضحك
ايه: يييي معليش يانرجس بس لما تجيبي خطي وجي انت وولدك
نرجس تضحك: متخافيش مش حنجيبه لك
ايه: اييوه المهم ههيا ألبسن وتعالن
شهد: تمام... وسكرن المكالمه
تقوى: طارق ماطلعش من داره
ايه توترت: خليه بروحه
ــــــــــــــــــــــــــــــــــــــــــــــــــــ
كانت نرجس في الكوجينه وتحط في غداء لمصطفى
خشت سماح: مبروك ياسلفتي
نرجس بمجامله: يبارك فيك
سماح: اهمم
نرجس قعدت ساكته وتتحرك في الكوجينه
سماح: شكلك كنتي حالفه
نرجس استغربت: على شنو
سماح ابتسمت بمكر: على انك تجي للعائله هذ
نرجس ابتسمت: اها
سماح قعدت مقهوره من برود نرجس وجت بتحكي وتسمع صوت مصطفى وراها
مصطفى: حبيبي بسرعه عشان عندي شغل
نرجس: مصطفى نبي نمشي لحوشنا
مصطفى: عليش في حاجه؟
نرجس: لالا بس هك مرايفتلهن خواتي
مصطفى ابتسم: تمام حبيبي خلاص وتي روحك نشيلك توا
نرجس ابتسمت وحطت السفره قدامه ورقت فوق تجريي
ــــــــــــــــــــــــــــــــــــــــــــــــــــ
الساعه 4 في العصر
سعاد بتعب: كيف حالك
فضل استغرب: الحمدلله وانتي؟
سعاد تكح: الحمدلله
محمد قاعد يسمع وساكت
سعاد الدموع في عيونها: سامحوني
محمد وفضل شافو لبعضهم
سعاد منزله راسها: مش عارفه ليش نحس روحي انتهيت بعد بوكم
محمد بهزوه: ندورلك عريس؟
فضل فنص فيه
سعاد ابتسمت: مش عارفه ليش حنرايفلك
محمد شافلها وسكت
فضل: تودعي انتي ولا شنو؟
سعاد تنهدت: الانسان مش ضامن حياته ومش ضامن انه بعد كم سنه حيكون عايش عشان هك نطلب منكم تسامحوني
محمد تنهد: صاح مانحبكش ولا حنتقبلك بس الله يسامحك
فضل بهدوء: الله يسامحك
سعاد حست بخنقه: الله يربحكم دنيا واخره
فضل قعد يشوفلها وانصدم من الكلمه هذي لانه عمره ماسمعها لا من ام ولا من اب💔.
محمد ابتسم: ايمتا تكملي عدتك؟
سعاد: مزال شهرين.. عليش؟
محمد مبتسم: نبيكم تخطبولي
سعاد ابتسمت: ومن هي نعرفوها؟
محمد: اها اخت طارق
سعاد: ايه؟
محمد: اها
فضل ابتسم: يرا كنك مستعجل
محمد تنهد: مش عارف فكرت نستقر
سعاد: كان في وحده في بال فضل نخطبولكم مع بعضكم
فضل ابتسم: لنقنه في مانكذب عليك بس اجلوها شوي نأسس شغل ونستقر فيه
سعاد: ان شاءلله على خير
أنت تقرأ
التدين المفروض
Mystery / Thriller🔥الـكـاتـبـه صـفـاء رجـب🔥. رافع راسي للسقف والدمعه في عيني قاعد مزلت مش مصدق كيف كنت مقتنع انه الي صار كله حلم وكيف كنت هبل ومصدق الشي هذا كان عقلي مشوش ومفيش شي في بالي كل مانغمض عيوني يخطر عليا كيف ماتت امي كيف كانت تعيط و. 💔💔
