التدين المفروض

الـحـلـقـه الـثـانـيـه عـشـر 12

#التدين_المفروض

الـحـلـقـه الـثـانـيـه عشـر 12

🔥الـكـاتـبـه صـفـاء رجـب🔥.

ايه تخش جوا وتنفجع تشوف شهد راسها دم
ايه عيطت: ككنهه رااسكك؟!
شهد حاطه يدها ع راسها: طاح علي دولاب الكوجينه
ايه تشوفلها وقلبها ينبض بقوه: فجعتيني.. وين طارق؟!
شهد: ججوا في داره
ايه عدت لدار طارق وتشوف طارق ماسك بنت صغيره ويلعب معاها قعدت منصدمه وترجا فيه يحكي
طارق يضحك: خخير
ايه ساكته وتشوف للبنت
طارق: كنك قالبه وجك
ايه: من هذي
طارق: بنت جيرانه
ايه: وكنها قاعده؟
طارق: صارلهم ظرف سيبوها عند شهد هي والعيل
ايه قلبت عيونها وعدت خشت للدار

.....

طارق: كنها ايه؟!
شهد: كنها؟
طارق: حسيتها قالبه وجها
شهد: منيش عارفه
طارق: ونرجس ماكلمتيهش؟
شهد: لالا
طارق: كلميها وحطيلي الغداء ججيعان .. وعدا
شهد قاعده في الكوجينه وتفكر شن حيصير في قصه سماح

.....

ايه: ها كنك؟
محمد: ايه شن صاير معاك؟
ايه: شي بس شن تبي
محمد: قصدي جديات اسمعي كان متبيش تحكي معاي قوليلي
ايه تنرفزت: اها توا غير عرفت انه منبيش نحكي معاك
محمد يسمع وساكت
ايه: قصدي اخر همي نحكي معاك انت بالذات
محمد بدون ولا كلمه سكر المكالمه
ايه استغربت بس برضو تريحت منه وقعدت تفكر شن حيصير بعدين وتراجي في اختها نرجس بفارغ الصبر

ــــــــــــــــــــــــــــــــــــــــــــــــــــــــ

الساعه  11 فِ الليل

تقوى: وين باتي؟
سعاد: مش عارفه ربك يستر من الصبح طلع معد جا
تقوى: اهها ان شاءلله خير...  سكتت شوي وحست روحها خلاص تبي اطربق من الكساد
تقوى: به وسماح وين؟
سعاد: في الدار
تقوى: نمشي نحكي معاها بلكي نغير جوي... وعدت
سعاد استغربت بس مركزتش
تقوى رقت لسماح فوق وطقت وخشت
تقوى: خخير ياححنه
سماح: خيرات خشي
تقوى: كسدت قلت نجي نحكي معاك
سماح راقيتلها: خير مادرتي
تقوى قعمزت: وبهه شنجوك
سماح: تمام وانتي
تقوى: الحمدلله حال القرايه
سماح: شن جو مستواكن انتي وايه
تقوى: الحمدلله كل يوم اصعب من يوم بس عادي
سماح: اممم وشنجو البنات وشن دايرات اكيد متريحات بلاي
تقوى: مش مغير حتى التلفونات دارلهن تخيلي
سماح فتحت عيونها بقوه: ككيففف؟
تقوى بحقاره: اححا مكنش لازم نحكي صاح
سماح: لا عادي بس احكيلي كيف دارلهن تلفونات
تقوى: عادي خوهن دارلهن تلفونات
سماح منقهره: اهمم به كويس
تقوى: ازعما نرن عليها نبحتو شن اخبارهم اليوم
سماح: اهها رني
تقوى قبل ماترن دزت رساله وبعدها رنت وفتحت المايك وتراجي في ايه ترد
تقوى: خير شخبارك
ايه: تمام الحمدلله شخخبارك انتي
تقوى: يييي اخبار العدو ككساد وماعندي ماندير
ايه: امم قالك نحنا عليك جوو الكساد معش نعرفوه
تقوى: اها به كويس.. وتسمع اصوات جنب ايه
تقوى: من عندكم؟
ايه: عندنا ضنا جيرانه بنت صغيره عمرها شهور وعيل كبير شوي قولي ست سنوات حاجه زي هك ويلعب معاهم طارق توا عليك جو دايرينه
سماح تسمع ومنصدمه
تقوى: اها اكيد عنده لهفه يشيل ضناه بين يديه
ايه: اكيد لاكن الله غالب بس وحياتك خوي لو اضطريت نزوجه اخره ععادي عشان يفرح
تقوى: قصدك مرتكم تبوش تردوها
ايه: مانضنيش اصلا طارق حسيته متريح معانا
تقوى: اهمم به توا نكلمك بعدين هيا اوكي.. وسكرت
تقوى: نا نبي نمشي لداري حسني كسدت.. وطلعت
سماح مزالت مش مستوعبه كلام ايه وقررت انها ماتسكتش

.....

ايه تضحك: تتستاههل الحيوانه
تقوى: تحسيها مش حتسكت
ايه: مش عارفه شن تبي ادير بس اعلى مافي خخيلها تركبه
تقوى: مالنا ومالها غير احكيلي شن قصتك انتي اليوم؟!
ايه: نحكيلك بس متضحكيش
تقوى: بهه احكيلي
ايه: مش قتلك عندنا ضنا جيرانه؟؟
تقوى: اها
ايه: منقبلش العويل الصغار
تقوى تضحك: تكذبي قصدك جدياتت طبيعيه انتي؟
ايه بهزوه: يرا وحقربي صاح منقبلهمش
تقوى: تافهه معنديش مانقولك
ايه: قتلك محمد وين؟
تقوى: في داره تقريبا.. ليش؟
ايه: قعدت تحكيله...
تقوى: حرام عليك وحقربي اكيد زعل وبعدك زعلته واععره
ايه: شن ندير ياتقوى وهو منرفزني
تقوى: خلاص فوتيه واحذفي رقمه وتوا نحذف رقمك من عنده
ايه مش مصدقه: تحكي جديات؟
تقوى: اها صاح انتي صاحبتي بس حتى هو خوي منرضاهش فيه
ايه: بلا جوو خلاص
تقوى: به
وقعدن يحكن..

🔥الـكـاتـبـه صـفـاء رجـب🔥.

ــــــــــــــــــــــــــــــــــــــــــــــــــــــــ

 

نرجس تضحك: تعال ارقد معاي
علي متحشم: لالا راجل نا
نرجس: ينعليي به ياراجل تعال ارقد هن
علي: عندكم نت؟!
ايه رفعت عيونها بهزوه
شهد: ايه عندك صاح!
ايه قلبت عيونها: ربطتله
شهد: عطيني تلفونك شوي
علي عطاها وقعد يشوفلها
شهد مستغربه: عندك وتس مشاء الله... وخشت عليه ولقت عرمم رسائل من فرج وخشت عليهن وشافاته متصل
شهد تحشمت وماردتش بس بالصدفه بعتلها
فرج: "يفرخ رد"
شهد ابتسمت: "معاك شهد"
فرج: "واخيرا من بدري منشغل معش عرفت كيف نوصل فيكم"
شهد: "ماكنتش عارفه انه فاتح وتس"
فرج: " ماقتلك من بدري كان تبي حاجه رني علي "
شهد: "بيش نبي نرن عليك🙂"
فرج: "به المهم شن اخباركم"
شهد: "كويسين وانتو مش جايين؟!"
فرج: "كيف ضايقوك ولا شن؟"
شهد: "لا والله يهبلوو وهاديين بس مستغربه"
فرج: "نبصر معاك😂"
شهد:"علي يبي التلفون نتلاقو"
فرج:" لالا فوتيي وخليك "
شهد شافت ل علي
شهد: عدي اقعد مع ايه شوي
ايه شهقت: شننو
شهد غمزتلها: شوي بس
ايه تشوف ل علي الي جا جنبها وحط راسه في تلفونها
ايه: ايش نحطلك؟
علي: على اليوتيوب نبي شفا
ايه: شفا هذي ايسما
علي: قاعده في اليوتيوب را
ايه: تعال نبحتولها وقعدت تتفرج معاه ومنسجمه

....

نرجس صبت وكانت تبي تمشي تبحت للبنت وطارق
نرجس: ها ياطارق عطيها لي توا نرقدها معاي
طارق: لالا خليها ترقد معاي اليوم
نرجس: متأكد؟
طارق: اها
نرجس: افطنلها يا طارق اصحا ترقد عليها وتخنقها
طارق: لالا تمام.. ورد يلعب فيها
نرجس عدت وشافت شهد في المخزن تحكي مكالمه مع فرج وايه ماده وجها مع علي وقررت تخش ترقد

...

بعد دقائق نرجس تحس بيد تحرك فيها تفتح عيونها....

ــــــــــــــــــــــــــــــــــــــــــــــــــــــــ

الساعه 2 فِ الليل

سعاد في الصاله وترجا في مهدي يجي وجنبها محمد
محمد كان قالب وجه وقاعد عَ النت
سعاد سمعت الباب يطق بقوه مشت تجري فتحت الباب
مهدي يخش عيونه حمر
سعاد: ينعلي وين كنت شغلتني عليك
مهدي تجنبها بس سعاد قعدت مصره انها تستجوبه وبدون اي حركه يجيها كف من حيث لا يحتسب.... يتبع