#التدين_المفروض
الـحـلـقـه الـخـامـسـه5
🔥الـكـاتـبـه صـفـاء رجـب🔥.
تقوى قعدت تحاول تذكر وين شايفته وغمضت عيونها بقوه وبرضو ماتذكرتش وين شايفته من قبل ..
محمد: غيرتي جوك؟
تقوى ابتسمت: اها الحمدلله ججو سمح توقعتك تجي بدري
محمد: لا عرفتكن تبن تحكن وجو قلت نجيها على المغرب
تقوى: اها كويس
محمد: نبي نسألك
تقوى بأنتباه: ها؟
محمد: ايه مرتبطه؟
تقوى ابتسمت: اها ليش؟
محمد فنص عيونه فيها: اححلفي؟
تقوى تضحك: نبصر كنك
محمد: يرا بصارتك كيف وجك
تقوى: عليش تسأل؟
محمد: لا شي
تقوى: عجباتك؟
محمد ابتسم: من ناحيه عجبتني لنقنها عجبتني
تقوى تضحك: حتى انت عاجبها
محمد بأنفعال: اححلفيي؟
تقوى: واللهي
محمد: شن حكتلك وكيف قالتها لك؟
تقوى: مش عارفه عاجبها بس مش حتفكر فيك را بقصه الارتباط وجو هذ
محمد رفع حاجبه: عليش؟
تقوى: لانه عارفتك صايع ومافي وحده مش مرتبط بيها
محمد: تحكيلها طبعا انتي
تقوى تضحك: لا والله قاعدات البنات يجني قدامها ويسألن فيا عليك
محمد: عليك بخت توا تقول صايع
تقوى تضحك: تقول فيها اصلا
محمد تغيرن ملامح وجه وقعد مركز في الطريق كان اول مره ينقلب جوه عشان بنت
ركزت تقوى انه محمد تغير جوه وفضلت انها تسكت
ــــــــــــــــــــــــــــــــــــــــــــــــــــــــ
طارق: الي عدت توا صاحبتك؟؟
ايه: اها
طارق: اهممم به
ايه: طارق نبي نقولك حاجة
طارق: ها؟
ايه: ارجوك لنا زمان ماطلعنا للبحر ولا طلعنا زرده طلعنا يوم الجمعه
طارق نزل راسه: مش فاضي
نرجس وشهد مسكتات ويسمعن بس
ايه: عشان خاطري والله لنا زمان ماطلعنا من بعد ما ماتو امي وباتي
طارق رفع عينه فيها وقعد يفنص
ايه خافت وسكتت
عم السكوت بينهم لدقائق..
طارق خذا نفس وطلقه: خلاص يوم الجمعه توا نزرد بيكن
نرجس مش مصدقه قاعده تشوف بفرحه لشهد الي ابتسمت بفرحه
ايه حضنت يد طارق: نجكليا شكرا واجد
طارق مبتسم: هيا نبي نخش نرقد نا تصبحي على خير
ايه: وانت بخير... وعدا طارق
ايه صبت وقعدت ترقص من الفرحه وتحضن في خواتها
شهد: مش مصدقه وحقربي وواككك
ايه: نبي نبكي من الفرحه
نرجس بعد فرحه دامت دقائق تغيرن ملامح وجها واستغربت كيف طارق يوافق ومليون سؤال خطر على بالها ومافيش ولا اجابه
ــــــــــــــــــــــــــــــــــــــــــــــــــ
سعاد: نورتي ياحنه
تقوى: بنورك
مهدي بصوت هادي ومنزل راسه: كنك طولتي؟
تقوى جت تبي تحكي ويقاطعها محمد
محمد: نا طولت عليها كنت مع الجماعه
مهدي رفع عيونه الي كانو حمر وسكت
محمد عرف انه بوه مش فاطن لروحه وغمز لتقوى تخش لدارها
تقوى عدت بدون ولا كلمه وسعاد قالبه وجها ومش قادره تحكي
أنت تقرأ
التدين المفروض
Mystery / Thriller🔥الـكـاتـبـه صـفـاء رجـب🔥. رافع راسي للسقف والدمعه في عيني قاعد مزلت مش مصدق كيف كنت مقتنع انه الي صار كله حلم وكيف كنت هبل ومصدق الشي هذا كان عقلي مشوش ومفيش شي في بالي كل مانغمض عيوني يخطر عليا كيف ماتت امي كيف كانت تعيط و. 💔💔
