التدين المفروض

الـحـلـقـه الـخـامـسـه عـشـر 15

#التدين_المفروض

الـحـلـقـه الـخامـسـه عشـر 15

🔥الـكـاتـبـه صـفـاء رجـب🔥.

عند حوش مهدي

جت الساعه 11 في الليل والحوش فاضي مفيش الا تقوى وسعاد يضمن في الحوسه وفضل ومحمد في المربوعه

سمعو الباب يخبط طلع فضل فتح الباب ويشوف بوه قدامه عيونه حمر وبنته معفنه انصدم فضل من حال بوه وقعد يشم في بنته
فضل فتح عيونه: وين كنت
مهدي ساكت وخش بدون مقدمات لداره وقفلها
محمد: كنه راجلك؟!
سعاد شبحتله بنص عين وعدت
فضل قعمز وحط راسه بين يديه: ححيي شكله يزرط ههذا
محمد: كيف يزرط؟!
فضل: يتعاطى يَ حاجج
محمد: اححلفف؟! وانت شن عرفك؟!
فضل توتر: بنته يراجل بحتله وشمه
محمد: مستحيل يراجل باتي صح منحبش بس متدين را
فضل: اسس ماتشككنيش في روحي ايوه
محمد: بالعقل واحد متدين "سلفي" قاعد يتعاطى كذبه هذي
فضل: ماهو نفكر في هذ نا اصلا
محمد: نسألوه؟!
فضل: فوت امه خليه توا نراقبه واصحا تحكي حاجه لتقوى ولا سعاد
محمد: به

......

ام خالد: السرافه الي جايبها لنا متزوجه ومطلقه عليك الصايعه هذ
اخت خالد: يحظها نعن مرض جابت واحد صغير ماشورها بلكل
ام خالد: حظوظ المزيتات ديما هك
مصطفى'اخ خالد': خلاص يمي البنت تزوجها ويبيها ايش دخلكم بيه
ام خالد: وربي لما نندمها المعفنه هذ
مصطفى راقيتله: كنك دايره جو العمه الواعره خليهم في حالهم  ... قربع الباب وطلع
ام خالد'بسمه': يرا كنهم ضناي نا هكي
بنتها'رهف': مدرعنهم عد

" عائله الحاج ابراهيم مرته بسمه وعنده بنت رهف  وولدين الي هم مصطفى و خالد كانت رهف بنته الصغيره عمرها 17 سنه ومصطفى عمره 25 وخالد عمره 23 "

ــــــــــــــــــــــــــــــــــــــــــــــــــــ

جت الساعه 10 فِ الصبح

شهد: قصدك تبي تغيبي انتي خلاص را طارق قعد يشك
نرجس: اه طالعه في جرتك
شهد: تمام البسي بسرعه الحافله تبي تجي.. وطلعت
صبت نرجس وماعندهش نيه لشي لبست عبايتها وخمارها ودارتت ايلانير لعيونها "وكانت شهد زيها بالخمار طبعا" وطلعت
شهد: ايوهه هذي اختي الي نعرفها
نرجس: هيا نطلعو
طلعن شهد ونرجس للجامعه
شهد: ماشيه للمحاضره اوكي.. وعدت تجري
نرجس شافت شهد خشت قسمها فاتت محاضرتها وقعدت تتمشا وسارحه وقررت تمشي للكافي
قعمزت وطلبت قهوه لروحها وكانت سارحه وتحس بخبطه وحاجه ساخنه انكبت عليها
نرجس عيطت ورفعت الخمار: ووووكككك ينعلييي
الشاب خايف: اءء حي علي... جاب مناديل وقعد يبي يمسحلها
نرجس: ينعلي ياراسي ووككك تحرقق
الشاب قعد يشوفلها ويشوف لعيونها وكيف تتألم
الشاب مرتبك: ناخذك المستشفى؟!
نرجس حاطه يدها على راسها: جيبلي ثلج بس
الشاب عدا يجري جاب ثلج في كيس وعطاه لها
نرجس خذاته وحطاته على راسها وكانت تبي تبكي بس ماسكه دموعها
الشاب قاعد يشوفلها بطريقه غريبه
نرجس رفعت عيونها وكانت ناسيه انها بلا خمار
الشاب ابتسم: اسف واللهي ما كنش قصدي نكبها على راسك
نرجس ابتسمت: ولا يهمك عادي كانت لازمتني
الشاب قعد مبتسم ويشوفلها: شن اسمك؟!
نرجس: نرجس
الشاب: ونا مصطفى
نرجس: تشرفت
مصطفى: وبيك زاد الشرف... قعد شوي بعدها حكا
مصطفى: في اي قسم تقري؟!
نرجس: في علم نبات سنه ثانيه
مصطفى: اها كويس تخصصك
نرجس: وانت؟!
مصطفى: متخرج
نرجس: وعليش جيت
مصطفى: خوي عريس قلت ناخذله اذن وجو هذ
نرجس: اها مبروك لعقبالك
مصطفى: ولعقبالك حتى انتي..لازم تكون عندك محاضره توا؟
نرجس تنهدت: معنديش جو نحضرها
مصطفى: عليش
نرجس ابتسمت بحزن: عقلي مش معاي عشان نركز
مصطفى: امالا من مع
نرجس اذكرت خالد: واحد خاني وتزوج
مصطفى قعد يشوفلها: واعره صاح؟!
نرجس: اها بلكل
مصطفى: نحسابك مخطوبه
نرجس عقدت حواحبها: ليش؟!
مصطفى: عشان انتي متخمره
نرجس ارتبكت واذكرت انه الخمار مش محطوط على وجها وخافت تنزله طول مصطفى ينحرج
نرجس: خوي مخمرني
مصطفى: وليش؟!
نرجس: متدين خوي
مصطفى: ومتريحه؟!
نرجس ضحكت: لالا بس الله غالب
مصطفى: بما انك مكسده وتبيش تشوفي محاضراتك تقدري تهدرزي معاي
نرجس بدون ماتفكر: اها عادي
مصطفى صبا ونرجس صبت معاه وحولت الخمار
نرجس: هك احسن
مصطفى ابتسملها: نمشو غادي صاح؟!
نرجس: اها
مصطفى كان عنده مليون حاجه بس قرر يسيب كل حاجه ويقعد مع نرجس