#التدين_المفروض
الـحـلـقـه الـرابـعـه و الـعـشـرون 24
🔥الـكـاتـبـه صـفـاء رجـب🔥.
تقوى: احكيلي يا طارق من الي في الصوره وليش كل ما ايه تحاول تعرف الموضوع تمنعها
طارق عيونه حمر ويشوف للسقف: تقوى الاحسن انك ما تسأليش
تقوى حست طارق اضايق حضناته: تممام ❤.
ــــــــــــــــــــــــــــــــــــــــــــــــــــ
فضل: رافع راسي للسقف والدمعه في عيني قاعد مزلت مش مصدق كيف كنت مقتنع انه الي صار كله حلم وكيف كنت هبل ومصدق الشي هذا كان عقلي مشوش ومفيش شي في بالي كل مانغمض عيوني يخطر عليا كيف ماتت امي كيف كانت تعيط وتستنجد بيا ... قعد سارح ويفكر ومليون فكره تجيب فيه وتودي فيه💔.
....
رهف قاعده على التلفون وتقرا في محادثاتها هي وفضل وكان الندم ياكل فيها... طفت تلفونها وقعدت فاتحه ععيونها فِ وسط ظلام الدار وتحس بضي يطلع من التلفون
رهف رفعت التلفون وتشوف رقم يرن عليها... طفت التلفون وردت لأفكارها وتشوف التلفون يرن اخره.... بعد كم مكالمه رفعت تلفونها وتشوف رسائل
-: "ردي نبيك ضروري متخافيش"
رهف بهزوه بينها وبين روحها: ماناقص غير نخاف منك.. ورنت ععليه
رهف ببرود: الو؟
فضل تنهد وسكت
رهف بملل: تبي تحكي انت من ولا نسكر؟
فضل بحزن: شنجوك؟
رهف زبطت صوته وقعدت ساكته
فضل: كنك سكتي؟
رهف تسمع وساكته
فضل تنهد: اسف وحقربي عارف روحي غلطان بلكل
رهف: وبه؟
فضل ابتسم: جديات مش عارف شن خطر عليا نقول هك لتقوى بس الحاجه الي كنت نعرفها مانبيش حد يعرف انه نحكي معاك
رهف بصوت مخنوق: اسمع نا لما حكيت معاك حكيت معاك ونيتي صافيه قصدي لا حب ولا شي لاكن احسن جت منك انت خلينا نفوتو بعضنا احسن
فضل: مش مستعد نخسرك
رهف: خلاص يافضل اوكي... وسكرت
فضل حس بشعور مش سمح وقعد يفكر فيها
اما رهف تفكر وتفكر وتتمنا يرن عليها اخره💔.
ــــــــــــــــــــــــــــــــــــــــــــــــــــ
فاتو اسبوعين وجا فرح شهد❤.
ايه بحماس: ينعليي لعقبالي يارب
شهد مبتسمه وساكته
نرجس شافتلها: بكرا عد تسيبي الحوش وتعدي
شهد رقرقن عيونها: به سكري فمك محد قالك احكي
تقوى تضحك: خناق العرايس
ايه ابتسمت: متزعليش لما تكسدي كلميني وتوا نجيك
شهد تكابر: اصلا عادي
تقوى حست تلفونها يهز: طارق يبيني شوي ونجي.. وطلعتله
نرجس تضحك وغمزت لشهد
شهد شافتلها بحقد: كنك قليله ادب
ايه تضحك بصوت عالي: نسيبكن تنصحن بعضكن.. وطلعت
نرجس قعمزت جنب شهد وماسكه ضحكتها
شهد بملل: ماعندك عليش تنصحي في نعرف نتصرف
نرجس مطربقه ضحك: ينعليي نا... وقعدت تحكي مع شهد❤.
ــــــــــــــــــــــــــــــــــــــــــــــــــــ
تقوى مشت لطارق وتشوفه معطيه بظهرها
تقوى مبتسمه: ججيت
طارق ألتفت وقرب حضنها وقعد ساكت
تقوى استغربت: طارق في حاجه؟
طارق بصوت مخنوق: الحوش بدا يفضا علي
تقوى مبتسمه: ونا وايه قاعدات
طارق: ايه سيورها تعدي
تقوى: ونا قاعده
طارق ابتسم: وهذا الي مخليني صابر
تقوى قعدت تحكي مع طارق وتواسي فيه❤.
أنت تقرأ
التدين المفروض
Mystery / Thriller🔥الـكـاتـبـه صـفـاء رجـب🔥. رافع راسي للسقف والدمعه في عيني قاعد مزلت مش مصدق كيف كنت مقتنع انه الي صار كله حلم وكيف كنت هبل ومصدق الشي هذا كان عقلي مشوش ومفيش شي في بالي كل مانغمض عيوني يخطر عليا كيف ماتت امي كيف كانت تعيط و. 💔💔
