#التدين_المفروض
الـحـلـقـه الـسـادسـه 6
🔥الـكـاتـبـه صـفـاء رجـب🔥.
في المخزن
ايه: ينعلي خرابه المكان .. خليني نلقا الباور ونطلع.. قعدت تدور وتدور ولقت صندوق واضح عليه جديد وقررت تفتحه
فتحت الصندوق ولقت فيه صور وحاجات قديمه قعدت تشوف لصوره وشافت وحده نسختها وتشبهلها قعدت سارحه ومستغربه من هذيي؟؟
بعد دقائق تسمع صوت وراها وتلتفت وتشوف طارق وراها رعشت وارتبكت ومعش عرفت تحكي
طارق بصوت ضخم: فيش اديري؟
ايه صبت: اءء لا شي كنت ندور في الباور
طارق قرب وشاف الصندوق مفتوح وعيونه ولو حمر
طارق: من قالك افتحيه؟
ايه خافت ومعش عرفت تحكي
طارق يعيط: نحكي نا
ايه قريب تبكي: كنت ندور في الباور نحسابه هن
طارق نزل علي الارض بهستريه وقعد يلم في الصور وكل شي طالع منه وياخذه معاه ويطلع
ايه طاحت على الارض تتنفس بقوه وكانت اول مره في حياتها تشوف طارق بالطريقه هذ
ـــــــــــــــــــــــــــــــــــــــــــــ
الساعه 1 في الظهر ع سفره الغذاء
طارق منزل راسه: وين ايه؟
سماح رفعت عيونها بتعب ونزلتهن بدون ماتحكي ولا كلمه
طارق رفع عيونه في نرجس
نرجس: قاعده راقده من امس
طارق سكت وقعد ياكل
....
في الدار
ايه خانقتها العبره: ياتقوى قسمابالله خفت بطريقه غريبه
تقوى: بس من الي في الصوره؟
ايه: مش عارفه
تقوى: ازعما وحده يعرفها؟
ايه: عقلي مشوش مش قادره نركز في شي وماطلعتش من الدار
تقوى: انتي كان تحقي مرت باتي شادتها دموع من امس
ايه: وعليش؟
تقوى: مش عارفه
ايه: دايره عركه مع بوك؟
تقوى: شكله جوهم مش تمام بس مش لدرجه تبكي
ايه: شن قالولك وافقو على الزرده؟
تقوى: اها خلاص بكرا را
ايه: وحقربي متحشمه من طارق
تقوى: اطلعي ولا كأنه اي شي صار تمام وانسي ونا متاكده طارق ناسي
ايه: ازعما؟
تقوى: اسمعي كلامي وعدي بس
ايه: هيا طالعه... وسكرت
..
طلعت ايه
ايه: السلام عليكم
طارق والبنات: وعليكم السلام
ايه قعمزت جنب شهد ومنزله راسها ومتحشمه
طارق: مش على اساس راقده؟
ايه: اها بس وعيت صحصحت
طارق: اهمم
نرجس قاعده تشوف لسماح الي مش معاهم ابدا
طارق: شن درتن للزرده
ايه محكتش شي منزله راسها.. ومفيش حد رد عليه
طارق بصوت ضخم: نحكي نا
سماح تشوفله: ءء ها؟
طارق شاف لأيه ورفع حاجبه: متبنش تمشن؟
ايه بأرتباك: لا نبو وقلت ل تقوى صاحبتي عشان نتلاقو
طارق: اهمم كويس.. شن ناقصكن
ايه شافت لنرجس
نرجس: توا نكتبهن لك في ورقه
طارق: تمام
سماح: الحمدلله.. وصبت
طارق استغرب كنها ماكلت شي وبرضو ما اهتمش
ايه: وين ماشيين بكرا
طارق: نمشو لمكان عام زي الغابه
ايه: اها به
أنت تقرأ
التدين المفروض
Mystère / Thriller🔥الـكـاتـبـه صـفـاء رجـب🔥. رافع راسي للسقف والدمعه في عيني قاعد مزلت مش مصدق كيف كنت مقتنع انه الي صار كله حلم وكيف كنت هبل ومصدق الشي هذا كان عقلي مشوش ومفيش شي في بالي كل مانغمض عيوني يخطر عليا كيف ماتت امي كيف كانت تعيط و. 💔💔
