#التدين_المفروض
الـحـلـقـه الـتـاسـعـه عشـر 19
🔥الـكـاتـبـه صـفـاء رجـب🔥.
تقوى: نبيك تخشش نرجس للكوشه جوا حرام عليك يا طارق انت خوها والبنت تبيش تخش بروحها
طارق يشوفلها بحب وقرب منها: وشن ناخذ نا؟
تقوى قعدت تشوف في حركاته واعظامها رقدن
تقوى: كان متبيش عادي را
طارق عطاها تلفونها ونزل على وذنها: مفيش شي بلكل؟؟
تقوى ترجف: شن تبي!
طارق ابتسم وحضنها: دقائق بس
تقوى بادلاته الحضن وفرحانه وخايفه وفعلا فاتن دقائق
طارق في حضنها: ماخاطريش نطلقك
تقوى ابتسمت: خلاص هيا وقت على اختك
طارق بعد عليها: ههيا خشي قدامي
خشت تقوى وكانت الفرحه ماليه وجها
نرجس: هاا شن صار؟!
تقوى بحماس: وافق وافق... قاطعها طارق
طارق: ءءحمم هيا
ايه كانت تشوف لطارق ونرجس وشهد وقريب تبكي قعدت مقعمزه وساكته
طارق استغرب وضحك: كنك انتي ولا تبي تتزوجي!
ايه ابتسمت مجامله وصبت وخشت للصاله تراجي في خشتهم
طارق خاف: كنها ايه مريضه؟!
تقوى: مدرعن
طارق مسك يد نرجس وابتسم ويهمسلها
طارق: راا وافقت بعد ستين ألف واسطه
نرجس ضحكت ❤.
وفتحو باب الصاله وخشو طارق الي منزل راسه ونرجس الي الناس انصدمت بجمالها ❤.
قعدت ترقا من عند الدروج وماسكه في ذراع طارق الي طالع جنتل بكل معنى الكلمه وماننسوش المصوره الي ما هلبت ولا لقطه
وصلت للكوشه وباس على راسها ورفع عينه شاف تقوى غمزلها بمعنى ألحقيني وطلع
....
نرجس قعمزت على الكوشه وتسلم على الناس الي جتها وفي ناس عرفتهم وفي ناس لا
....
طارق: ايه وين؟!
تقوى: مش عارفه
طارق: أخلقيها لي توا
تقوى: عليش شن صار
طارق وجه حمر: كلميها
عدت تقوى تدور في ايه وشافتها مقعمزه على طوله بروحها والدموع في عيونها💔.
تقوى شهقت: ححييي كنك!!
ايه تمسح في دموعها: مكنيش.. ها شن تبي؟
تقوى: خوك يبيك
ايه: فوتيهه منبيش نجي
تقوى: ععليش!
ايه مخنوقه: هك
تقوى رفعت تلفونها ورنت عليه: قالتلك منبيش نجي.... يا طارق مش بالغصب.... تمام هيا .. وسكرت
تقوى: قالك اطلعي را نخش عليك
طلعت ايه تتأفأف ولحقتها تقوى
خشت ايه على طارق: هها كنك؟!
طارق شافها منزله راسها: عليش قالبه وجك؟؟ في واحد مزعلك؟
ايه قعدت تبكي: محد مزعلني خلاص
طارق قرب حضنها: كنها بنيتي!
تقوى تشوفلهم وتأثرت
ايه: مش هك بس مش عارفه كني
طارق ابتسم: خلاص معش تزعلي نرجس مش رايحه را
ايه ماسكه عبرتها: تمام
طارق يضحك: اسكتي بيش نزوجك
ايه ضحكت: تاافهه
طارق: خلاص خشي هيا... وفعلا خشت ايه وكانت تقوى سارحه في طارق وتفكر كيف انه حنون وعصبي وواعر ومتدين وطيب وانه الصفات هذن كلهن في شخص واحد
طارق: اوييي
تقوى ابتسمت
طارق: تبي حاجه كلميني
تقوى: تمام... وخشت وهي مبتسمه
أنت تقرأ
التدين المفروض
Mystery / Thriller🔥الـكـاتـبـه صـفـاء رجـب🔥. رافع راسي للسقف والدمعه في عيني قاعد مزلت مش مصدق كيف كنت مقتنع انه الي صار كله حلم وكيف كنت هبل ومصدق الشي هذا كان عقلي مشوش ومفيش شي في بالي كل مانغمض عيوني يخطر عليا كيف ماتت امي كيف كانت تعيط و. 💔💔
