التدين المفروض

الـحـلـقـه الـرابـعـه 4

#التدين_المفروض

الـحـلـقـه الـرابـعـه 4

🔥الـكـاتـبـه صـفـاء رجـب🔥.

شهد: وحده منكن تجيب اميه وحقربي عطشانه
ايه: نبي نرقد نا... وتغطت
شهد: صبي يانرجس
نرجس صبت بدون ماتحكي شي وعدت للكوجينه وطلعت كبايه وقعدت تسمع في صوت في الجنان قربت من الباب وقعدت تشوف في سماح حاضنه طارق

سماح صوتها مخنوق: يا طارق خلاص وحقربي تحرق فيا بدموعك خلاص انسا وعيش حياتك الدنيا ماتوقفش على كم قصه صارت من قبل
نرجس قاعده تستوعب في كلام سماح ومستغربه
طارق يشهق: كل مانحق ايه تخطر عليا واعره والله مش قادر ننساها ملامحها ضحكتها كل حاجه مرايفلها وحقربي
نرجس خافت يشوفوها وخشت للدار ترجف في يدها كبايه اميه
شهد: دزيتك لتركيا نا؟؟ كنك طولتي؟
نرجس: شي امسكي .. وقعمزت في مرقدها وتفكر بعمق في كلام طارق ومن كان يقصد بكلامه وايه شن دخلها قعدت الليل كله تفكر

ـــــــــــــــــــــــــــــــــــــــــــ 

الساعه 2 في الظهر

شهد: عليش راقده لعند توا
نرجس بأرهاق: ماجانيش نوم
ايه: واضح عليها مش راقده
نرجس: اها
شهد: امس ماحكينش على قصه سماح
ايه: ماشفقتش عليها بلكل نا
نرجس: بالعكس تأثرت
شهد: حتى نا
ايه: بسرعه ماتنسن ياما دارت فينا هذي دارتنا خدم وقعدت تعامل فينا معامله حقيره بلكل نا متأكده جتنا عشان تجيب في اخبارنا وبعدها تبيعنا
شهد: كلامك كله صح بس عليش النذاله؟
نرجس: بنات راهي يتيمه خلاص
ايه: استغفرالله قسمابالله عممري ما ننسا كل حاجه دارتها
شهد بهزوه: الي خلت خونا يلبسنا نا ونرجس خمارات شن يبي يطلع منها؟
نرجس: بالنسبه ليا خالد كان يبيني نلبسه ومقتنعه بيه بس كان صبرت شوي وفاتت الفتنه
شهد: تمام انتي مرتبطه وعندك حد يحبك وتحبيه بس نا شن ذنبي؟؟ قوليلي لا مرتبطه لا شي تلفون شريته ب250 عطيب حتى في استعماله
نرجس نزلت راسها وسكتت
ايه: هذا الحسد را وحقربي افطنن استغفر الله توا تحقن كيف لما تتزوجن وتحملن كيف تنقهر احتمال حتى تسحركن
شهد: نا نتزوج بس وحقربي ماعد نجيكم بلكل ولا نعرف عليهم البيئه
ايه تضحك: هبله وحقربي
نرجس تضحك: وكان قالك كنك ماتمشي لهلك
شهد بهزوه: نلهيه نين ينسا موضوعهم ولا ناخذ واحد واعر لا يحب الطلوع لا شي
ايه: ربي يقوي نصيبنا
نرجس قعدت سارحه في ايه وتفكر بعمق
شهد: وحقربي مضايقه
ايه: كلنا
شهد: قصدي شوفي روتينا البايخ نوعو نلمو وناكلو ونقعدو في الدار قصدي شنو ههذا؟؟
ايه: لنا سنين مسكتين جت على هالايام
نرجس مبتسمه وسارحه: شن رايكن نهربو؟
ايه وشهد نصدمن ويبحتن في بعضهن مش مصدقات
شهد: تحكي من جدك؟؟
نرجس شافت ملامح الخوف عليهن قعدت تضحك: نبصر يوم عطيب
ايه تريحت: نححسابك تحكي جد قريب نجلطت
شهد: اقتنعت بيها
نرجس بجديه: عمركن ما اديرنها يا بنات تهربن مع واحد ولا تنزلن روسنا الله الله ماتخلنهش وصيه
شهد: اكيد مستحيل نديرها مغير نخرف تلاك
ايه: توا سماح قاعده عند صاحبتها ليش مانمشو ونجو على صحباتنا
شهد: ماعندنش صحبات بلكي انتي عندك تقوى كويسه لاكن نحنا مفيش بلكل
نرجس: شن رايكن نكلموها؟؟
ايه: مافي شي نستقبلوها بيه بلا حركات
نرجس: عندنا عصير ومزال ماجت العشيه وندزو على حاجات من المحل
شهد: ومن يبي يمشي؟
نرجس: انتي وايه؟
شهد: وواككك في عينك نخاف نطلع
نرجس: غير هيا عندي مبلغ كويس توا
ايه: نكلمها؟
نرجس: اها كلميها نمشي نطلع الفلوس ونبدا ندير شي نوع ولا نوعين موالح وهك
شهد: دزي ايه بروحها للمحل
نرجس: لالا عدي معاها انتي فكيني من الجو وماتمشيش بخمار
شهد: ححي قلبي طاح من توا
ايه: نمشي نرن عليها وعلى طارق نقولها له عشان ماتجيش سماح وتفتنه
نرجس: احسن راي هيا عدي
ايه عدت وشهد قعدت تلبس في عبايتها ونرجس في الكوجينه.....

ايه: طارق قالي باهي بس ماقلتلش بنمشو للمحل
نرجس: تقوليها يقتلنا
شهد: وتقوى؟؟
ايه: قالت نقولها لباتي وتوا نرد عليك
نرجس: بوها مايبي يقول شي غير هيا بس
شهد: ايش نجيبو؟
نرجس: نوعين شوكلاطه على عددنا وجيبي مشروب مع الموالح وجيبي مناديل و.. إلخخ
شهد: تمام هياا
ايه طلعت قدام شهد وقعدن خايفات بس يحاولن يجربن
ايه تمشي ومنزله راسها: كنهم يبحتو هك العرب؟؟
شهد: دبشنا فيه حاجه؟؟
ايه بهزوه: من هالدبش را عباياتت
شهد: باه اسكتي وامشي قدامي.. وخشن للمحل والكل قاعد يشوفلهن باستغراب