#التدين_المفروض
الـحـلـقـه الـتـاسـعـه9
🔥الـكـاتـبـه صـفـاء رجـب🔥.
عدن ايه وشهد لدار سماح وطارق وطاحن فيها تفتيش على امل يشوفن الصندوق ويسمعن صوت سماح وراههن
سماح: فيش اديرن؟!
ايه خايفه: شي ندور في صندوق خذاه مني طارق
سماح توترت: وشن تبي فيه الصندوق؟!
ايه: سماح خلينا واقعيين الصندوق فيه صور و وحده من الصور هذن فيها وحده تشبهلي نبي نعرف من؟؟؟!
سماح قربت منها وبهدوء حطت يديها على كتوف ايه: ي عممري انتي تبي تجيبي اخرتك؟!!
ايه وشهد يشوفن لبعضهن؟!
سماح: خليكن عايشات بهدوء بدون لف ودوران واخر مره تفتشن حاجه من ورا طارق
ايه: ماتبيش تحكي؟؟!
سماح: لا اكيد بس ننصحك نصحيه ماتحاوليش تفتحي الموضوع هذا مع اي مخلوق حتى مع طارق بروحه لأنه حينقلب لشيطان
ايه خافت وقعدت ساكته
سماح: وتقدرن تطلعن توا
طلعت شهد وايه منصدمات من كلام سماح وكيف كانت تحكي بثقه وكان كلامها يخوف
ــــــــــــــــــــــــــــــــــــــــــــــــــــ
نرجس قاعده في البلكوني وتراقب في جيت طارق وتشوف سياره خالد
نرجس: حيي علما شن جابه هذا.. وقعدت تراقب فيه وتشوف حاجه صدمتها ... نزلت للدار تجري والدموع سابقاتها وشافت خواتها قدامها
شهد خايفه: كنك شن صارلك؟!
نرجس ترعش: توا كنت فوق
شهد: وبه؟!
نرجس تبكي: ونشوف سياره خالد برا
شهد: ححي جا عشان يصالحك؟!
نرجس زادت تبكي: لالا لقيت وحده راكبه معاه تخيلن يابنات نقهرتت
ايه تسمع وساكته ومتأثره وشهد برضو معش عرفت شن ادير قربت منها وحضنتها
شهد: بلكي فاهمه غلط
نرجس تبكي: مش عارفه لاكن شن يبي في وحده عقاب الليل وبرا اخره؟!
ايه ببرود: خلاص يانرجس وياشهد مفيش حاجه تنفهم بالغلط خليك قويه وفوتيه نحنا مش هدفنا الراجل بس
نرجس نزلت راسها: بس حبيته💔
ايه: فوتي قسما بالله مع الايام تنسي وتقولي وين كان عقلي لما بكيت عليه
قعدن يواسن الليل كله في نرجس الي رقدت والدموع في عيونها ومعش تذكرن موضوع سماح ابدا
ـــــــــــــــــــــــــــــــــــــــــــــــــ
الساعه 7 في الصبح
طارق فرحان: خلاص هيا مربوحه
ايه تضحك: تمام اوكي
طلعت ايه وتراجي في صاحب الحافله عشان المدرسه وماجاهش ... قعدت تراجي وتسمع صوت سياره برا وطلعت تفتح
تقوى تشيرلها بمعنى تعالي
ايه لما شافت محمد رقيتلها واضطرت تسايره
ركبت ايه مع تقوى
ايه: كنه ماجش صاحب الحافله؟!
تقوى: حيوان اليوم فاتنا
ايه: عليك سريب.. ورفعت عيونها للمرايه وتشوف محمد يشوفلها ورافع حاجبه استغربت وقعدت ساكته الطريق كلها
...
وصلن للمدرسه ونزلت تقوى وجت بتنزل ايه
محمد: اسمعي
ايه تشوفله
محمد: خشي شعرك جوا را خيرلك
ايه قلبت عيونها وعدت وسيباته يتخبط ويعيطلها
....
أنت تقرأ
التدين المفروض
Mystery / Thriller🔥الـكـاتـبـه صـفـاء رجـب🔥. رافع راسي للسقف والدمعه في عيني قاعد مزلت مش مصدق كيف كنت مقتنع انه الي صار كله حلم وكيف كنت هبل ومصدق الشي هذا كان عقلي مشوش ومفيش شي في بالي كل مانغمض عيوني يخطر عليا كيف ماتت امي كيف كانت تعيط و. 💔💔
