#التدين_المفروض
الـحـلـقـه الـثـانـيـه و الـعـشـرون 22
🔥الـكـاتـبـه صـفـاء رجـب🔥.
رهف تشوفله: انت كويس؟ ءء قصدي مش تعبان؟
فضل يشوفلها وعيونه تعبن دموع💔.
رهف معش قدرت تتحمل قربت وحضناته
فضل انصدم بس في نفس الوقت تريح وقعد يتمنا تقعد رهف حاضنته❤.
....
طارق كان مقعمز برا يرجا في تقوى ويسمع صوت وراه
تقوى بتعب: طارق
طارق صبا ألتفت ومشا شورها وحضنها
طارق بحزن: عظم الله اجرك
تقوى خانقتها العبره: اجرنا واجرك على الله 💔.
طارق يشوفلها وساكت وبرضو تقوى ماحكتش شي
طارق: تمنيت ماصارش هك في الوقت هذا
تقوى بحزن: حتى نا
طارق قرب وحضنها: ماتزعليش روحك ياقلبي وربي كلنا لها الموت مفيش حد ناجي منها
تقوى قعدت تسمع في كلام طارق ومطمنه وكأنها قاعده في حضن بوها❤.
....
ايه كانت جامده في حضن محمد من الصبح ومش عارفه شن ادير وتحس بمحمد يتحرك
محمد فتح عيونه وشاف ايه منزله راسها ابتسم ❤.
محمد بصوت مبحوح: غريبه مزلتي قاعده ولا عجبك الجو
ايه رفعت راسها وابتسمت: ماحبيتش نضايقك
محمد مبتسم: الساعه كم؟
ايه شافت لتلفونها: قريب الساعه 1
محمد صبا بسرعه: اححلفي؟
ايه انفجعت: اها وحقربي
محمد: كيف خليتيني راقد لعند توا
ايه صبت: شفتك تعبان ماحبيتش نوعيك
محمد تنهد وقرب مسك يديها: شكرا
ايه رفعت عيونها وقعدت تشوفله
محمد خنقاته العبره: شكرا على كل حاجه يا ايه
ايه معش قدرت وقربت حضناته ❤
محمد مبتسم والدموع في عيونه: صدقيني حنردلك ونعوضك على كل حاجه درتيها لي
ايه مبتسمه: انت بس خليك فرحان هذي تكفيني
ــــــــــــــــــــــــــــــــــــــــــــــــــــ
فضل فطن لروحه وبعد من رهف
فضل بصوت مبحوح: بسرعه كلميلي محمد.. وطلع
رهف تشوف لفضل وهو ماشي: ايمتا يحن قلبك علي... ويقاطعها صوت محمد وايه وراها
ايه: محمد تبي حاجه كلمني
محمد شافلها وابتسم وجا بيطلع وسمع رهف تعيطله
رهف: محمد قالك فضل تعال نبيك
محمد مشا وماردش عليها
رهف شافت لأيه: شن صار في دخلتكم مشت على خير؟
ايه تضحك وخبطتها: لنقنكك فاشلهه
رهف تضحك: يرا لنقنك محظوظه قدرتي عَ محمد نا فضل يزعم الكبد
ايه مبتسمه: ربي يجيبه لك فضل ههذا
رهف: ان شاءلله
ــــــــــــــــــــــــــــــــــــــــــــــــــــ
خش محمد للخيمه وقعمز جنب فضل
فضل يهمس: خمس دقائق وألحقني...وطلع
محمد هز راسه
وفعلا عدو خمس دقايق ومحمد طلع ورا فضل
محمد: ها؟
فضل تنهد: واضح عليك تأثرت ع بوك؟
محمد بهزوه: فضل مخاطريش نضربك
فضل: حكيت لتقوى؟
محمد ببرود: مستحيل نحكيلها
فضل: ايوه خلي الخبر الي داره بوك بيني وبينك
محمد رقرقن عيونه: ياريت ماسمعت منه شي
فضل تنهد: الله غالب هذا حال الدنيا
محمد حط يده على كتف فضل: انت خش ارقد واضح عليك الارهاق
فضل يثاوب: لنقنه بلكل يراجل
محمد: ارقا لداري توا تلقا مرقدي واتي خش ارقد فيه وتوا نوعيك ع 7 هك
فضل: تمام... وخش من باب الجنان وشاف رهف وتقوى
فضل: تقوى فضيلي الطريق نبي نرقد
تقوى بتعب: تمام.. وخشت جوا
رهف قعدت متوتره انها تحكي مع فضل
رهف: ءء كليت ولا لا؟
فضل رفع عيونه فيها: عليش تسألي؟
رهف انحرجت: لا ما عشان شي
فضل ابتسم بتعب: ماكليت شي جيعان
رهف ابتسمت: نديرلك عشاء؟
فضل: ياريت
رهف فرحانه: تمام توا نجيبه لك فوق... وقاطعت كلامها تقوى
تقوى: بسرعه ارقا
فضل رقا لدار محمد ورقد فيها بتعب ويراجي في رهف تجيبله حاجه ياكلها
تقوى مستغربه: لمن السندويشات هذن؟
رهف ابتسمت: لخوكك
تقوى تنهدت وجت بتحكي وتقاطعها سماح
سماح تشوفلها: عظم الله اجرك
تقوى: اجرنا واجرك على الله
سماح شافت للسفره الي في يد رهف
سماح: غريبه ماحسبتيش مرات بوك الله يرحمه
تقوى بأستفزاز: الحوش حوش امك وعدي ديريلها بروحك... وتسمع صوت طارق وراها
طارق منزل راسه: تقوى تعالي شوي
تقوى شافت لنظرات سماح وطلعت مع طارق
رهف بمكر: توا نجيبلها نا امك تقدري تطلعي
سماح طلعت وكانت مقهوره من تقوى وكيف قعدت مرات طارق راجلها وكانت مليون فكره تخطر على بالها💔.
أنت تقرأ
التدين المفروض
Mistério / Suspense🔥الـكـاتـبـه صـفـاء رجـب🔥. رافع راسي للسقف والدمعه في عيني قاعد مزلت مش مصدق كيف كنت مقتنع انه الي صار كله حلم وكيف كنت هبل ومصدق الشي هذا كان عقلي مشوش ومفيش شي في بالي كل مانغمض عيوني يخطر عليا كيف ماتت امي كيف كانت تعيط و. 💔💔
