#التدين_المفروض
الـحـلـقـه الـعـاشـره 10
🔥الـكـاتـبـه صـفـاء رجـب🔥.
بعد ساعه ونص البنات خشن لدارهن ويسمعن الروشن يطق
نرجس: من؟!
شهد: ماتفتحيش غمي
ايه: ينعليي خخفت.. نمشي لطارق!!
نرجس: لالا اصبري.. وقربت من الروشن
نرجس: من؟!
خالد: حلي
نرجس: من انت؟!
خالد: نا خالد
نرجس إلتفتت لشهد وايه وقعدن يشوفن لبعضهن بدون كلام
نرجس فتحت الروشن: نعم؟!
خالد: كنك حاطتني حظر؟!
نرجس: شن تبي يا خالد؟!
خالد: مرايفلك
نرجس: معليش نا معش نعرفك انت اكبر غلطه درتها وياريت تنسا حتى انك حكيت معاي
خالد: معقوله يانرجس ترخي بيا؟!
نرجس بهزوه: مدرعن من رخا بمن فلذلك عدي مربوحه
خالد توتر: خوك ومرته وين؟!
نرجس: عليش تسأل؟!
خالد: لا شي بنقولك حاجه اصلا
نرجس: خوي راقد جوا ومرته عند هلها
خالد: هلها؟! قصدك سماح عندها هل؟!
نرجس: اها
خالد: حرجانه؟!
نرجس: اها المهم احكي شن تبي؟!
خالد بدون ولا كلمه عدا وسيب نرجس تفكر فيه
...
شهد: كنه المعاق!!
نرجس: مش عارفه
قعدن نرجس وشهد يحكن وايه تشوف تلفونها يرن رقم غريب
ايه: شوي ونجي.. وطلعت من الدار وردت
ايه: ايوه؟!
محمد: قصدك انتي خفيفه تردي على الارقام الغريبه من اول مره
ايه: من؟!
محمد: معاك محمد اخ تقوى
ايه: شندخلك كان قعدت خفيفه ولا لا؟!
محمد: دخلني مش شورك انتي
ايه: به كنك شن تبي؟!
محمد: نبيك نبي نحكي معاك
ايه تنهدت: احكي ها نسمع فيك
محمد: غريبه ماسكرتيش في وجي توا
ايه: تبيني نسكر توا نسكر عادي
محمد: صايره معاك حاجه؟!
ايه: لا ليش؟!
محمد: اول مره تحكي ببرود
ايه: وبه
محمد: وبه
ايه: شنو الجو عندكم بعد ما جتكم سماح
محمد: ييي من يقول سماح تقعد بنت مرت باتي؟!
ايه: حتى نا مستغربه
محمد: خوك طارق طردها؟!
ايه: لالا قاللها اقطعي صلتك بأمك بس سعاد قالت بنتي وجو هذ وخذتها
محمد: ماتبوش تجو تاخذوها؟!
ايه: لا خلوها عندكم جربوها
محمد: من قالك نبوها نحنا ناقصنا لفعه وحده اخره
ايه تضحك: سمها مش زي سم امها
محمد: نحكي جديات ماتبوش تردوها؟!
ايه: لالا
محمد: سريب وحقربي
ايه: اههمم تقوى وين؟!
محمد: راقده
ايه: اهاا به
محمد: توا نبي نسألك
ايه: ها؟!
محمد: مش عاجبك نا؟
ايه: لا مش عاجبني
محمد بهزوه: ءءححم
ايه ضحكت: بلا براده
قعدو يحكو ويتعرفو اكثر
ـــــــــــــــــــــــــــــــــــــــــــــــــــــ
الساعه 1 في الظهر عَ سفره الغداء
سماح جت جايبه السفره من بعيد ومش لابسه وشاح على راسها وكلهم مقعمزين
مهدي رفع راسه ونزله طول: اسغفر الله.. وطلع برا الصاله ولحقه فضل
سماح: كنهم؟!
محمد مبتسم: مش في حوشك را تلبسي زي ماتبي
سعاد تحشمت: عدي حطي وشاح على راسك حرام يحقو شعرك
سماح تنرفزت ورقت لدار تقوى وقعدت غادي
محمد: بنتك مش عارفه الحرام من الحلال
سعاد: ماتزيدنيش
محمد يعيط: تعالو عدت.... بعد دقائق خشو مهدي وفضل و مهدي في يده عصا
سعاد انخلعت: شن صاير
مهدي بدون مقدمات يقعد يلحق في محمد بالعصا ومحمد يجري
محمد: كنك يا باتي شن درت؟!
مهدي داهش: يا فرخ كنك ماطلعت قعدتلي مع عيت حنه خساره مانك ولدي يا حيوان
محمد: شن دخلني من قاللكم جيبوها
مهدي تنرفز وقعمز على الصالون ورفع عينه في سعاد
مهدي: كلمتين وحطيهن في وذنك بنتك علميها انه الي كانت ادير فيه في حوش راجلها ما اديرش هنا فاهمه؟!
سعاد تهز براسها
فضل حاط يده على فمه وماسك ضحكته
سعاد عدت لفوق وسيبتهم
فضل: نموت ونعرف ليش جبتوها
مهدي: حتى نا فرخ الي درت جو الحنيه والطيبه
محمد: يعني مش بس نا الفرخ في الحوش
مهدي يطلق السباط في محمد: تفو عليك
محمد يضحك: خلاص نبصر معاك
فضل حس بتلفونه يهز وطلع برا
......
سعاد: مش معقوله يابنيتي اديري هك قدامهم توا خليتيهم يتشمتو فينا
سماح: يمي شنو هذا قصدي كنهم هك تحسيهم مش متحضرين قصدي عادي توا البنت تطلع بشعرها
سعاد: لا حرام عندنا وبعدها تحملي شوي وتوا تنحل القصه
سماح: اكيد حماواتي فرحانات عشان نا مش قاعده
سعاد: عليش قصدك يكرهنك؟!
سماح: اها عداوه
وقعدت تحكيلها ع علاقتها مع خوات طارق
ــــــــــــــــــــــــــــــــ
البنات مقعمزات في الصاله ويحكن ويسمعن صوت سياره طارق
ايه: اهو جا عدن حطن الغداء
شهد: عليك سريب.... وعدت
خش طارق عليهن
طارق: السلام عليكم
نرجس و ايه: وعليكم السلام
طارق قعمز بتعب: تغديتو؟!
ايه: اها عقبنالك
طارق تنهد: به
نرجس قعدت ساكته وكان معندهش الجراءه تحكي مع طارق
ايه: غريبه جيت بدري اليوم
طارق: معنديش ماندير خلاص كملت
ايه: اها به كويس
نرجس: طارق نبي نقولك
طارق رفع حاجبه: ها؟!
نرجس: في الجامعه ناخذو في محاضرات طوال ولازم نكتب كل كلمه يقولوها الاستاذين عشان مانفوتش حاجه عليا
طارق: وبه؟!
نرجس: ونا منقدرش نكتب في الكراس كل حاجه يقولوها لانه تعب ونفوت حاجات واجد
طارق ببرود: والحصيل؟!
نرجس: نبي تلفون نسجل بيه المحاضرات لانه جديات تعبت ونا كبيره يعني عارفه الشي هذا مش حيعجبك بس حاول تقدرني
طارق تنهد وسكت وجت شهد بسفره الغداء وشافت الوضع متوتر وقعمزت جنب ايه...
بعد دقائق بالضبط من الهدوء
طارق: خلاص توا نجيبلك واحد انتي وشهد
ايه ابتسمت
نرجس: شكرا يا طارق نعنك ماتغيب
طارق صبا وسيبهن وخش لداره
شهد: شنو الي يجيبها لنا؟!
نرجس: تلفونات
شهد قعدت ترطز: وااخخخخيرا
نرجس تنهدت وابتسمت وخشت للدار واذكرت خالد قعدت تبكي💔
🔥الـكـاتـبـه صـفـاء رجـب🔥.
ــــــــــــــــــــــــــــــــ
فضل: ياباتي نا كبير خلاص
مهدي راقيتله: كبير في عينك
محمد: قصدي عليش الشورخ خليه يمشي
مهدي: معنده وين يمشي
فضل: زارد مع اصحابي لمكان بعيد وبايت اسبوع فيها حاجه؟!
مهدي تنرفز: تمام عدي ... وطلع برا الحوش
محمد: متاكد انها زرده بس؟!
فضل: يرا خطاني.. وعدا لداره
......
الساعه 12 في الليل
تقوى: يا ايه ثاريتها مخربه عليكن الثعلب سماح
ايه: مش مغير وحقربي خلاص نا فرحانه حسيت حياتنا اححسن لما عدت
تقوى: خطتكم وجتنا نحنا الحيوانه سماح
جت ايه تبي تحكي ويخش عليها محمد انتظار
تقوى: من يرن عليك؟!
ايه: خوكك من غيره
تقوى: ححي عليك سكري توا يقتلك
ايه: تمام هيا.. وسكرت وردت على محمد
محمد: مع من انتظار؟!
ايه: العرب تقول خير ومرحبا والو انت تبدا طول
محمد: ايه منبيش نهزبك احكي مع من
ايه: مع اختك
محمد تريح: به تمام
ايه: قصدي جديات شن يفرق كان لقيتني مع واحد
محمد:....
......
تقوى سكرت من ايه ومشت للكوجينه وتسمع صوت همس وتحس بحركه وخافت
قربت شوي وتسمع سماح تحكي
سماح: قتلك فتره بس وبعدها توا نلقا حل
-: دبري راسك واطلقي ماصدقت جت اللحظه هذي
سماح: تمام يقلبي والله حاضر بس الصبر
تقوى ترجف:.... يتبع
أنت تقرأ
التدين المفروض
Mystery / Thriller🔥الـكـاتـبـه صـفـاء رجـب🔥. رافع راسي للسقف والدمعه في عيني قاعد مزلت مش مصدق كيف كنت مقتنع انه الي صار كله حلم وكيف كنت هبل ومصدق الشي هذا كان عقلي مشوش ومفيش شي في بالي كل مانغمض عيوني يخطر عليا كيف ماتت امي كيف كانت تعيط و. 💔💔
