التدين المفروض

الـحـلـقـه الـثـالـثـه عـشـر 13

#التدين_المفروض

الـحـلـقـه الـثـالـثـه عشـر 13

🔥الـكـاتـبـه صـفـاء رجـب🔥.

سعاد: ينعلي وين كنت شغلتني عليك
مهدي تجنبها بس سعاد قعدت مصره انها تستجوبه وبدون اي حركه يجيها كف من حيث لا يحتسب
سعاد ومحمد منفجعين ويشوفو ل مهدي
مهدي بدون ولا كلمه خش لداره
محمد معش صدق انه صاح بوه ضرب سعاد ولا في خلل في عيونه وسعاد معش عرفت وين تحط وجها وعدت تجري لبنتها

ــــــــــــــــــــــــــــــــــــــــــــــــــــــــ

بعد دقائق نرجس تحس بيد تحرك فيها تفتح عيونها
نرجس نخلعت: هاا ايش؟
شهد: كنك رقدتي نبي نحكي معاك
نرجس صحصحت: في شنو؟
شهد: في قصه سماح
نرجس: والله نا بروحي مزلت مش عارفه شي شهد: عندي لك راي؟
نرجس: شنو؟
شهد: نزوجو طارق
نرجس: بلا هبال كنك متخلفه انتي
شهد: مافيهش هبال فكري فيها بس
نرجس: ومن الي توافق ع واحد متزوج
شهد: واجد وبعدها ندورو وحده نضمنوها
نرجس قعدت تفكر في كلام شهد ومقتنعه بيه
شهد: هها شن قلتي؟
نرجس: تمام بس طارق؟
شهد: توا نلقوله حل
نرجس: ايه وين؟
شهد: مع علي يتفرجو
نرجس: المهم نرقد نا نعسانه خلاص بكرا محد يوعيني نبي نغيب
شهد: بهه
نرجس حطت راسها على المخده وقعدت تفكر وتفكر ويجي في بالها خالد الي كانت مستاحشته بطريقه غريبه بس كانت تتجنب الشي هذا

ــــــــــــــــــــــــــــــــــــــــــــــــــــــــ

الساعه 10 فِ الصبح

نرجس فتحت عيونها وتسمع في صوت وشافت شهد راقده في مكانها وايه حاضنه علي ومرقدين
طلعت نرجس وتشوف طارق على الغاز وفي يده البنت الصغيره
نرجس: فيش ادير؟
طارق: في رضاعه للبنت نعسانه
نرجس ابتسمت: اسمها وتين
طارق شاف للبنت: مشاء الله اسمها ججميل
نرجس: خلاص قعمز توا نديرها نا
طارق: لالا خلاص قريب تسخن الميه
نرجس: به نبي نرد نرقد نا اوكي... وعدت

.....

بعد الظهر

محمد حاط التلفون على وذنه ويرن على فضل الي ماسمعوش عليه اي حاجه
تقوى: ها شن صار رد؟
محمد: لالا
تقوى: ربك يستر
محمد: حقيتي باتي امس شن دار في سعاد؟
تقوى: شن دار؟
محمد بحقاره: شلفطها بكف يمسح الكبد
تقوى شهقت: تككذببب
محمد: وحقربي صاح
تقوى: ينعلييي مش من جده باتي
محمد: لا من جده
تقوى: وعليش ضربها؟
محمد: لصقه بسلامتها استلماته من لما خش تحساب روحها شايخه
تقوى: ربي يهدي وخلاص
محمد: هالتيس مابش يرد
تقوى: حي كان يسمعها باتي يقتلنا
محمد: ان شاءلله خير
تقوى: ان شاءلله... وقعدت ساكته شوي
تقوى: محمد قتلك
محمد: همم
تقوى: في حاجه بينك وبين ايه؟
محمد: اين ايه؟
تقوى: ايه صاحبتي
محمد قلب عيونه: لا منعرفهش
تقوى قعدت تشوفله ومستغربه وفي نفس الوقت ماحبتش تخليه يلاحظ