-
Nagising ako dahil sa sobrang sakit ng aking ulo at lamig ng kwarto. Kulang nalang magkaroon ng snow dito sa loob dahil sa sobrang lakas ng aircon. Pagsilip ko sa bintana ay malakas ang buhos ng ulan, kaya naman pala parang iba ang lamig ngayon dahil umuulan. Pinatay ko ang aircon, inayos ang higaan bago lumabas ng kwarto at nagtungo sa kusina. Ito ba 'yung sinasabi nilang hangover? Hindi naman ganito ka grabe no'ng una akong uminom pero mas masakit na ngayon.
Hindi ko naabutan ang apat kagabi nakauwi, siguro tulog na ako agad pagkatapos maubos ang smirnoff. Habang umiinom ng kape binisita ko ang page ng PU- tama nga ako, cancel lahat ng klase ngayong araw sa lakas ba naman ng buhos ng ulan. Pasado alas nuwebe na pero dahil sa bagyo ay nagmukha ng gabi ang kalangitan, pumasok kaya ang iba sa mga trabaho nila? Kung gano'n dapat mag-ingat sila at mag dahan-dahan sa pagmamaneho.
Binuksan ko ang TV, sakto ang pagbaba ni Miss Kate, naalala ko 'yung usapan naming dalawa. Agad akong tumayo upang salubungin sya at binigyan ng morning kiss.
"Good morning, kamusta po lakad nyo kagabi?" Tanong ko at bumalik sa aking pwesto.
"Cadell,"
"Yes po?"
"Next time, don't drink." natigilan ako sa pag inom ng aking kape dahil sa kanyang sinabi.
Nalaman niya na uminom ako? Pilit kong inaalala ang nangyari dahil baka tulad ng nauna, maalala ko rin ang mga naganap pero kahit anong isip ko'y wala akong maalala.
"Pasensya na po, nasarapan kasi ako sa lasa ng smirnoff at hindi namalayang naparami na pala ang inom ko." May pasabi pa ako sa sarili na hindi na iinom pero naulit ko.
"Good morning, Babe." Bati ni Miss Thalia, kakababa lang din ng hagdan.
Agad itong lumapit sa akin at humalik sa aking pisngi. "Good morning po, nag enjoy ba kayo kagabi?" Tanong ko sa kanila ngunit saglit pa nagkatitigan ang dalawa bago ko nasilayan ang ngiti sa labi ni Miss Thalia.
"It was lovely." Sagot nya sa aking mga mata.
"Mabuti naman, gising na po ba ang iba o pumasok? Magluluto lang ako para sabay na tayong lahat kumain." Sabi ko pagkaubos ng kape at agad nagtungo sa ref para kumuha ng ingredients.
"Kris, ang aga mo nagising, tulungan na kita." Biglang sulpot ni Rhea sa tabi ko habang gumagawa ng salad sandwiches.
"Ang sakit kasi ng ulo ko tapos malamig ang kwarto. Rhea gawa ka nga sinigang, nag crave ako."
"Sige-naalala mo na ba ang lahat kagabi?" Tanong niya, umiling ako, hindi ko kasi talaga maalala.
"May ginawa na naman ba ako? W-Wag mo sabihin binalak ko ulit tumalon ng pool?" Kunot noo na tanong ko.
"Hindi-wala naman, natulog ka lang kaagad kagabi." Sagot niya, nakahinga ako ng maluwag. Alam kong totoo ang sinasabi kapag galing mismo sa mga bibig ni Rhea.
Nag excuse muna ako sa kanya upang ihatid itong mga gawa kong sandwiches sa dalawang babae na nasa sala at nanonood ng balita.
"So frustrating." Narinig kong sabi ni Miss Thalia bago ibinaba ang hawak na phone at sinabing may shoot sila ngayon.
"Kain po muna kayo. Nagpaluto ako ng sinigang, masarap 'yun lalo ngayon maulan-anong ibig mong sabihin? Aalis ka po ngayon kahit na bumabagyo?" Tanong ko, and she frustratedly sigh bago tumango ng ulo.
