في داخلي جمر انتظارك مستعر

سوال ماله اجابه

٠
٠
•
على صلاة الفجر صحت غاليه واستعدت للجامعة وانزلت تحت وشافت سلطان جالس يشرب قهوة ويتصفح جواله
غاليه : صباح الخير
سلطان : صباح النور ، طلعت الموافقه على تطبيقك عندنا
ان شاء الله
غاليه بسعادة : والله ، الحمدالله اخيرا مابغوا يوافقون
سلطان : مستشفانا يحرص على المتفوقين علشان جودة العمل عنده
دخلت حور معصبه : فين امي
غاليه : اكيد تبغين تغيبين
حور : لا بس المدرسه طالبه امي تجي
سلطان بابتسامه : وش المصيبة اللي مسويتها
حور ببراءة : ما سويت شي والله ، المعلمة تقهر والله حاطه دوبها من دوبي
غاليه : ليش ما قلتي لامي امس
حور : ما كانت موجودة ونمت وهي باقي ماجات
سلطان : خلاص انا بمر مدرستك و اتفاهم مع المعلمة
حور : مشكو اخوى سندي ربي يخليك لي . وباست راسه
سلطان : قولي لها الساعة ٩ راح يجي ، مع ان حارسكم غثيث مره بيقعد يطلب له مواعيد وواسطات
ولا اقول عطيني رقم المدرسة اكلم وانا في الدوام اخاف ما اقدر اطلع
طلعت حور جوالها وارسلت الرقم لسلطان
غاليه : حور انتبهي تاخذين جوالك
حور : اعرف ، مو غبيه انا علشان ياخذون جوالي ويكسرونه

نورة صحت من النوم وجهزت الفطور لبوها ولنايف وريم
ريم : صباح الخير ، فين امي
نورة : تعبانة خلوها تنام
حطت الفطور في الصالة قدام ابوها
ابو سعد : تسلمين يا بنيتي
نايف : انا ما ابغي افطري خلينا نروح قبل الزحمه
نورة : انا بعد ما ابغي وجاهزه
لبست نورة عباتها وقبل تطلع ناداها ابوها وطلع من جيبه خمس ريال : مصروفك
ابتسمت وهي تاخذ المصروف اللي ما يجيب لها لو كوب شاي في الجامعة بس مستحيل تقول لابوها وتضيق خاطره ، باست راسه وطلعت مع نايف
صحت ام سعد : طلعت نورة
ريم : ايه سوت الفطور وطلعت توها
ام سعد : وليش ما صحيتوني
ابو سعد : ارجعي نامي البنات الحين كبار يعرفون يسوون امورهم
ام سعد : وانت من يسوي امورك
ضحك ابو سعد وقال : انت

في المستشفي الساعة تسعه طلع سلطان للحديقة يكلم معلمة حور
سلطان : انا متاكد ان اختي عاقله اكيد احد استفزها
المعلمة : البنات هنا يجرون بعض ويشجعون بعض على التمرد
سلطان : البنات يحتاجون حب وتفهم ، مو تعنيف مستمر
المعلمة : احنا هنا نتعامل مع اعداد كبيرة صعب نقدر نحتوي الجميع
سلطان وقف ومشي للكفتريا ولا كان منتبه للموجودين
قال : التفاهم والحب مو مادة تعطي لا احساس يشعر به اللي حولك لو من كلمة
المعلمة : على خير ، بس ارجوكم انتم بعد كلموها وفهموها
سلطان : ولا يهمك انا اتصرف ، بس انت المره هذه مشيها
التفت سلطان وشاف الطبيبة بسمه عاقده يدينها على صدرها وتعابير وجهها واضح انها كانت تسمع ايش يقول
فابتسم لها وحرك راسه بمعني : فيه شي
بسمه هزت راسها وصدت عنه
سلطان قال متعمد : شكرا يا استاذة تاكدي ان حور ما راح تتعبك بعد اليوم
قفل المكالمة وتنهد ثم نظر لماريا اللي تبيع في الكفتريا وقال : ماريا تعرفين ايش يقول المتنبي
هز ماريا راسها بالنفي
سلطان : وهو ياخذ كوب قهوة ويطلع : يقول

إذا ساء فعلُ المرءِ ساءتْ ظنونُه
وصدَّق ما يعتادُه مِن توهُّمِ
وعادى محبِّيه بقولِ عُداتِه
وأصبح في ليلٍ من الشكِّ مظلمِ
فهمت بسمه عليه وقالت : من تقصد بكلامك
سلطان ببراءة : اي كلام
بسمه : قصيدة المتنبي اللي قلتها
سلطان سفها ومشي وهي ما قدرت تلحقه علشان فيه كثير اطباء ومرضي حولهم ، لكن توعدت فيه : انا اعرف كيف اربي امثالك

وقف ابو سعد قدام مدرسة ريم ينتظرها تطلع
اول ما شافها تقدم لها وشال شنطتها وهو يسال : كيف الشيخه ريم
ريم بتعب : الحمدالله ، اخيرا خلصت الاختبارات
ابو سعد ركب السيارة والتفت لريم : عساها زينه
ريم : ايه الحمدالله
ابو سعد : زين ، عاد نهاية الاسبوع نروح الديرة لنا ثلاث اسابيع ما رحنا بسبب اختباراتكم اكيد هيا متولعه
ريم : ايه والله مره مشتاقه لهيا
تنهد ابو سعد وهو يحس بعبره تخنقه

في الليل
على العشاء جلس ابو سلطان مع عياله على الطاولة
سلطان : يبه ، فيه مؤتمر طبي في الرياض بروح له ان شاء الله مدته اسبوع
ام سلطان : خذني معك بروح لامي
ابو سلطان : لا خليك بنروح الديرة هذا الويكند
حور بسعادة : ايه تكفي يبه لنا اكثر من شهرين ما رحنا مشتاقه لبنات عمي ، حتى وهم هنا ما زرناهم
ابو سلطان : ما دريت انكم تبغون تزورونهم
غاليه ناظره في امها وقالت : ودنا يبه بس بيتهم صغير ونخاف نضايق عمي
ابو سلطان : وهو الله يهديه رافض يزورنا باقي زعلان علينا
ام سلطان : انا ما ابغي اروح الديرة بزور امي من زمان عنها
ابو سلطان : تو مالك اسبوعين جايين من الرياض
ام سلطان : امي ضعيفه معاد تصبر عنا
ابو سلطان : خير ، روحي وبعد ما تجين نروح الديرة
تاففت حور فنظرت امها لها بنظرات حاده سكتتها
حور بعناد المراهق وتمرده : يبه ليش عمي زعلان ، وليش جدي قال لنا ذلك الكلام
سلطان بعصبيه : سكري فمك
حور : سالت ابوي ما سالتك
ابو سلطان رفع يده يسكتهم : علشان رفضت زواج سلطان من هيا وغاليه من سعد
حور : ليش وش فيهم علشان ترفضون
انصدموا كلهم من سوال حور اللي ما يعرفون كيف يجاوبون عليه
حور : مسكينه هيا ما تستاهل
سلطان : حور الزواج ارتباط عمر ما يصلح فيه مجاملة
ام سلطان بعصبيه : فكونا من هذا الموضوع ، ما صدقت ينتهي