في داخلي جمر انتظارك مستعر

كيف انساه

٠
٠
•
هيا منسدحه ومغطيه وجهها بالبطانية وتبكي ، عقلها واقف تماما عن التفكير ومشاعرها ملخبطة ، ماتدري تفرح او تزعل ، تخاف او تحس بالامان
مسحت دموعها وقالت لنفسها : هيا ، ربي كريم ويعرف العبد الصابر ، وانت صبرتي سنين وخبيت في قلبك كثير
والحين جاء وقتك ، حقك من الدنيا ، فرصتك في تحقيق حلم كان مستحيل ، ليش خايفة ، لو مو ناسيها ماخطبك
ولا فكر في الزواج ، هيا انت تلعبين على عقلك هذا انت ما نسيت رغم السنين والضروف ، واكيد مصعب مانسى فايزة

سعد جالس لوحده قدام باب البيت يفكر مو قادر ينام يحس سكاكين تقطع قلبه من بعد ما سمع امه تقول لابوه
طيب من يقعد مع سعد وعمي اذا هيا اعرست
ابو سعد : نزوج سعد قبل هيا
ام سعد : ماهو راضي
ابو سعد : هذاك اولا ، الحين بعد ما رده عمه عبد الرحمن اكيد بيرضي
ام سعد : اجل نخطب له سحر اخت مصعب
ابو سعد : لا ما تصلح له ، بنت متربيه على الدلال
دوري له من بنات الديرة تعرفنا وتعرف طبعنا
تنهد سعد بقهر ، وش يسوي ، اكيد راح ترفض هيا تتزوج علشانه هو وجده ، وهو ما وده يصير اناني ويضيع نصيبها ، مصعب رجال تحمل الكثير وهو حلف له انه نسى ويبغى يبدء من جديد حياته مع هيا
تنهد سعد اخخ يا سعد ، ليش ، ليش تسلم قلبك وعقلك لمرأة
التفتت على صوت وشاف مصعب يطلع من الملحق ، وهو يمدد يدينه
سعد بحزن : كيف قدرت يا مصعب تنسي ، تكفي علمني