في داخلي جمر انتظارك مستعر

اختاريني

٠
٠
•

وصل سعد الدمام وراح شقة اهله دخل البيت وحصل ابوه جالس لحاله : السلام عليكم ، كيفك ابو سعد
ابو سعد : وعليكم السلام ، هلا ومرحبا
باس سعد ابوه ومد له وثيقة التخرج : هذه شهادتي يبه
اخذها ابوه وصار ينظر فيها والدموع في عيونه : مبروك يابوك مبروك
بعدين حضن سعد بحب وفخر وهو يضرب على ظهره بشويش
دخل نايف ووراء امه واخواته وهو شايل اكياس معه
رمها على الارض بتعب وجلس ينظر في سعد : اخيرا جيت علشان تستلم مهمة السائق
حضن سعد امه وباسها راسها ويدينها  : كيفك يالغاليه ، عسى ماتعبوك  البنات
ام سعد : الحمدالله طيبه ، اخخخ من البنات وحوستهن سقا الله ايام هيا من مشورا واحد خلصنا امورها
سلم سعد على اخوتها ونظر في نايف : قم قم ، سلم على المحامي
نورة بحماس : يبغي لك حفله كبيرة
سعد : مايحتاج فرحتكم لي هي حفلتي
حضن نايف سعد : من اليوم انت مسؤول عنهم تعبت ابغي اتفرغ للاختبارات

سلطان دخل غرفة امه وحصلها تقرأ في القران جلس بجنبها حتى خلصت
سلطان : تقبل الله
ام سلطان : منا ومنك صالح الاعمال
مسك سلطان يد امه وباسها : كيفك يالغاليه
ام سلطان : بخير دامك بخير انت وخواتك
سلطان : يمه ، ابغاك تخطبين لي
ام سلطان بسعادة وفرح : اكيد يانور عيوني اخطب لك واسوي لك افخم عرس ، بس اخطب لك وحده انا مختارتها ولا انت مختار وقاضي
ابتسم سلطان : تعرفين بسمه ، الدكتورة
ام سلطان : ايه ، ونعم البنت تهبل والله ذوق واخلاق وجمال بعد تبارك الرحمن
سلطان باسعاده واضحه  : عاجبتك اجل
ام سلطان : زين ماخترت والله ، متى تبغاني اروح لهم ، اكيد انك تتواصل معها ، ياعيار
ضحك سلطان بخجل ، بعدين صار وجهه جدي وقال : قبل نروح لهم ، فيه موضوع لازم تعرفينه ، بسمه مطلقه
اختفت ابتسامة ام سلطان وقالت بصدمه : مطلقه
سلطان : ايه كانت متزوجه ولد عمها وطلقها ، ما بينهم اطفال
ام سلطان : لا ، ولا تفكر فيها ابدا ، انا ولدي ما يتزوج مطلقه
حاول سلطان يتكلم بس امه طلعت من الغرفه وتركته لوحده
تبعها سلطان وحصلها في الصاله مع  جدته وغاليه ، لكذا سكت

دخل مصعب وحصل هيا تبكي وهي شايله ولدها قرب منها بخوف : هيا ياقلبي وش فيك
هيا : تعبانه ، مو قادره انام او اكل او اهتم في نفسي ، احس معاد اقدر اسوي شي
مصعب : بسم الله عليك ، ليش ياقلبي
اخذ ناصر منها وجلس بجنبها ولف يده على ظهرها
هيا : احسك معاد تحبني ، بس طالع من البيت ولاعاد تجلس معي مثل اول ، اكيد علشان جسمي وشكلي تغير
باس مصعب راسها وقال بحنيه وحب : لاتقولين كذا ، والله احبك واغليك ولا اشوف غيرك في الدنيا انت ونصور ، وجسمك عاجبني مره . غمز وهو ياشر عليها : فيه انتفاخات جديده عاجبتني
ضربته هيا على صدره وهي تبكي
مصعب : انا اسف ، اعرف اني انشغلت عنكم في العمل تعرفين ضغط جديد على لاني احاول اختصر الوقت واصل لنتائج سريعة ، بس اوعدك كلها اسبوعين واخلص واخذك شهر عسل ان شاء الله
انصدمت هيا وحست باحراج : شهر عسل الحين
مصعب : انت في عيني دائما عروس ،و لاتنسين انا مارحنا شهر عسل
هيا : رحنا مكه والمدينه وهذا افضل مكان
مصعب وراح اوديك مكان ثاني جميل بس ما راح اقولك الحين ، الحين روحي تسبحي والبسي ملابس حلوه بنطلع نتعشي ونصور بوديه لامي
هزت هيا راسها بموافقه وقبل يطلع مصعب قالت : بعطيك شنطته واغراضه
انتظرها مصعب وهو يسولف معه : يالحمار ليش متعب امك ، ليش تزعل زوجتي وحبيبتي وروحي ، خلك عاقل لا تخليني اضربك .. باس خده وشم ريحته : يافرحت ابوك الله يحفظك لنا