في داخلي جمر انتظارك مستعر

الضروف تحكمنا

٠
٠
•
سلطان في المستشفي في عيادته قبل يطلع بريك صلاة الظهر في المسجد دق الباب
سلطان وعيونها على حاسوبه : تفضل
فتح الباب التفتت سلطان واستغرب من الشخص اللي عند الباب كانت الدكتورة بسمه
سلطان : خير فيه شي
بسمه بخجل : ممكن اتكلم معك
سلطان : تفضلي
دخلت بسمه وتركت الباب مفتوحه وجلست قدام مكتب سلطان وكانت تنظر في يدينها اللي في حضنها
سلطان : تفضلي
بسمه : الوالده تعبانه مرة وانا ودي احجز لها موعد عندك
سلطان : عندي انا ليش
بسمه في نفسها : يعني لازم امدحك اول
بسمه : انت افضل دكتور قلب هنا ورئيس الاطباء بعد وانا اثق فيك
ابتسم سلطان : على خير جيبيها اليوم اذا تقدرين
بسمه : اليوم
هز سلطان راسه موافق ، قامت بتطلع بس وقفها كلام سلطان : بس بشرط ،
التفتت له وعيونها تقدح شرار
ابتسم سلطان وقال في نفسه : ايه هذه بسمه اللي اعرفها
عقدة بسمه يدينها على صدرها وقالت بعصبيه : انا جيتك كزميل عمل وطلبت خدمه ، لا تظن انك راح تساومني علشانها
سلطان تكى بظهره على كرسيه  : الحين انت بس تهاوشين ماتتعبين ما تملين
بسمه : هذه افض طريقه لتعامل مع الذكور اللى يظنون انهم افضل من المرأة
سلطان بصوت ضاحك : اهدى،هدى  ، الشرط بسيط ولا يمسك في شي بس اطلب انك تعاملني باحترام ولا تهاوشيني في الطالعه والنازله
بسمه : ليش انت تطلب معامله خاصه بايش تفرق
سلطان : راح اكون طبيب امك لكذا لازم تحترميني
على الاقل قدام امك علشان ماتكرهني ،لانها لو كرهتني ما راح تسمع كلامي وتتبع العلاج وايضا علشان واضعنا كذا مو طبيعي
بسمه : وش اللى مو طبيعي صاحي انت
سلطان : الحين انت تهاوشين كل الاطباء هنا مثلي ، لا طبعا ، وهذا الشي اللى مو عارف له سبب
بسمه : انت اول من بديت
سلطان : والله ماقصدت اكب القهوه بس انت تعمدت تكبينها
بسمه : خلاص ، خلاص  انسئ معاد احتاج خدمتك
سلطان بعصبية : زعلت بعد ، يا بنت الناس انت وش بلاك
بسمه : انت اللى وش بلاك
سلطان : خلاص ، خلينا نقفل الموضوع ونمسح كل المواقف الغبية اللى صارت بينا ،  انا ما احب تكون بيئة العمل سامه
بسمه : انا سامه
سلطان : انت بيئة العمل
تنهد سلطان بصوت عالي بعدين نظر في ساعة وقال : تاخرت عن الصلاة ، انتظر الوالده الساعة وحده لا تتاخرين
ووقف بيطلع بس كانت بسمه قدام الباب فقال : ممكن
بعدت بسمه وهي مصدومه منه

هيا في الرياض كانت تطبخ الغداء سمعت صوت الجرس وراح تفتح الباب بس سالة اول : مين ؟
صوت عمتها ام مصعب : هذه انا عمتك
فتحت هيا الباب ودخلتها البيت وهي ترحب فيها
دخلت ام مصعب وشمت ريحة الغداء والقهوه
ام مصعب : ما شاء الله قهوتك جاهزه
قدمت هيا لعمتها القهوة وحطت التمر قدامها
هيا : تفضلي ياعمه
ام مصعب : مصعب فين
هيا : مدري من صحيت ما حصلته
ام مصعب : ما ارسلتي له تسالين
هيا : لا
ام مصعب فتحت جوالها ودقت على مصعب
صوت مصعب : هلا يمه
ام مصعب : وينك يا بوي
مصعب : جاي تبغين شي
ام مصعب : لا ، انا عند هيا 
مصعب : جايكم قريب
سكرت ام مصعب الخط ونظرت في هيا : اخليك يا مك
هيا : تغدي معنا يا عمه
ام مصعب : لا بروح لابو مصعب ، انا جيت علشان مصعب ما مرنا اليوم
طلعت ام مصعب وجلست هيا لحالها تنتظر مصعب

مصعب كان في المحل من الصباح وبعد صلاة الظهر كان راجع للبيت ولما دقت امه عليه تذكر انه ما مرها اليوم
على طول توجه لبيت امه وابوه دخل وباس راس ابوه وامه
ابو مصعب : انت ليش طالع ما قلت لزوجتك
مصعب عقد حواجبه : ليش اشتكت لكم
ام مصعب : لا والله انا سالتها عنك وقالت مدري ، يا امك ما يصلح لازم تعلمها ، انت الحين رجال متزوج
مصعب : ان شاء الله ، تغديتوا انتم
ام مصعب : ايه وانت روح تغد مع زوجتك
دخل مصعب بيته وحصل القهوة وريحة البخور تعبي المكان ، وصوت القران في المطبخ ، دخل وحصل هيا ترتب 
مصعب : السلام عليكم
التفتت هيا بابتسامه :  وعليكم السلام ، هلا الغداء جاهز احطه
مصعب : بتروش وغير ملابسي مره معرق

في المستشفي سلطان استقبل ام بسمه كانت حرمه كبيرة في السن وتشتكي من الم في قلبها فطلب منها تسوي اشعه وحدد لها موعد بعد يومين وصرف لها مسكن
سلطان : اهم شي يا خاله ترتاحين وتبعدين عن الضغوطات
ام بسمه : وين ابعد عنها وهي صارت يوميه
سلطان : اطلعي للبحر تمشي ولا تفكرين في شي
ام بسمه بتنهيدة حزن : الله المستعان
بسمه : شكرا دكتور سلطان
سلطان : العفوا ، انت دكتورة وعارفه ان اول خطوات العلاج الراحه
بسمه في نفسها يا حبه لتفلسف
ام بسمه : ان شاء الله
طلعوا من عيادته و استقبل سلطان المريض الثاني
بعد يوم متعب رجع البيت وحصل امه تبكي في الصاله لوحدها قرب منها وسال : امي حبيبتي ليش تبكين
ام سلطان : كلمت امي قبل شوي مرة تعبانه وتتشره
التفتت لسلطان وكملت : ودي اجيبها عندي اخدمها واهتم فيها
سلطان : ليش ابوي مانعك
ام سلطان : لا والله ما منعني ، هي ما تبغي الله يهديها
مريم بتسافر مع زوجها لبرى بيكمل دراسته وراح تجلس لحالها
سلطان : انا اكلمها واقنعها ولا يهمك ، عارف كيف اجيب راسها
ابتسمت ام سلطان وسالت : كيف
سلطان : باخذها عمره اول ، تروحين معنا
ام سلطان اكيد
سلطان : خلاص الويكند ان شاء الله نروح بحجز من الحين
ام سلطان : الله يرضي عليك ويخليك لي
سلطان باس راس امه وراح لغرفته

بسمه تدور في الصيدليات العلاج اللى وصفه سلطان لامها بس ما حصلته
بسمه : هالانسان غثيث بشكل ، حتى علاجاته مثله
اخذت جوالها ودورت على رقمه في قروب المستشفي وارسلت له رساله خاصه : السلام عليكم .. دكتور سلطان انا بسمه للاسف ماحصلت العلاج اللى صرفته لامي واخاف اخذ بديل ولا يناسبها ممكن تقول اذا فيه علاج ثاني افضل
حتى في صيدلية المستشفي مو متوفر ... شكرا
بسمه : الحين ننتظر حظرته يرد
على طول وصلت لها صوت رسالة فتحت الجوال وحصلت كاتب : اسف ... نسيت ان هذا العلاج معاد يتوفر هنا .. بصرف لك واحد خفيف يناسب وضع الوالده . ثم كتب لها اسم العلاج

كان سلطان منسدح على السرير وهو يكتب الرسالة
هو تعمد يكتب لها علاج قديم يبغاها ترسل له وتطلبه
حسن بانتصار وهو يشوفها بحاجته ، قفل الجوال ونام