في داخلي جمر انتظارك مستعر

هيا

٠
٠
•
ابو راجح : ابوك بيجي في نهاية الاسبوع
سعد : والله مدري
ابو راجح : طولوا ما جو
سعد : اخواني عندهم اختبارات لكذا ما جو
ابو راجح : ليه هنا ما يقدرون يدرسون
سعد : النت هنا ضعيف وهم يحتاجون في الدراسة
ابو راجح : الله يوفقهم
صوت من برى : اهل البيت
فز سعد وهو يقول : اقلط حياك وطلع للحوش وحصل عمتة ام مصعب وولدها مصعب الكبير و ناصر الصغير
دخلوا وسلموا على الجد وجلسوا معه
سعد دخل لهيا وقال : جهزي القهوة عمتي ام مصعب وعيالها عندنا
قبل يجلس سعد سمع صوت ابوه ينادي : اهل البيت
طلع سعد بسرعة وهو يقول : ارحبوا حيالله ابو سعد
ثم سلم على ابوه وباس راسه ويده وقال لامه : ادخلوا فيه رياجيل في المجلس
حضن نايف وقال بسعاده : كيف المهندس
نايف بعتب : ليش ما تسال
سعد : ما ودي اشغلك على اختباراتك

هيا في المطبخ التفتت وشافت امها واقفه عند باب المطبخ بكت وهي تركض تحضنها
ام سعد : كيفك يمه يا هيا
هيا :طيبة دامك طيبه
حضنت نورة وريم وبدوا يبكون
دخل سعد وحضن امه وباس راسها وهو يقول : حيالله ام سعد حيالله الحبيبه
ام سعد ودموعها ما وقفت : كيفك يابوي
سعد :كلنا بخير
سعد يسلم على اخواته ويحط يده على كتف ريم : كيف الدمام
ريم وهي تبكي : خايسه ، ليت قعدت معكم انت وهيا
سعد يهزها : بلا دلع ، خليك هناك علشان تدخلين الجامعة بعدين
دخل نايف وحضن هيا وباس راسها
سعد : ترى عمتي ام مصعب فيه