في داخلي جمر انتظارك مستعر

وش سويت

٠
٠
•
سعد رجع البيت ونزل نورة وقال : انا رايح الديرة
راح سعد لديرة وهو يفكر في الكلام اللى قاله عمه له
واول ما وصل دق على عساف ولد عمته
عساف ضابط يشتغل في مكافحة المخدرات
عساف : هلا ومرحبا بصديقي ، كيفك بشرني عنك
سعد : ماني طيب
عساف : افا ، ليش ، لا تقول موضوع غاليه
سعد : لا ، الموضوع اكبر من كذا
عساف : خوفتي وش فيه
سعد : عمي ابو سلطان في مصيبه والسبب نسيبه فراج
عساف : وش مصيبته
سعد : غسل اموال والتجارة بالمخدرات
عساف  توفي ابوه وعمره خمس سنوات واخته فرح سنتين وعاش مع جده ابو راجح وتربي مع عيال ابو سعد وبعد الثانوية راح الرياض عند عمه علشان الجامعة ونقلت امه واخته معه وبعد التخرج سكن في الرياض توظف في مكافحة المخدرات واخته تزوجت ولد عمها

دخل سلطان ابوه لغرفة علشان ينام بعد ما رفض يروح للمستشفي
ام سلطان جالسه على طرف السرير تبكي وبناتها واقفات وراها
ابو سلطان : بعدين معكم ، الواحد ما يمرض عندكم
سلطان : يمه خلاص تكفين ، الحمدالله ابوي الحين افضل
خلوه ينام براحته ، يمه روحي عند جدتي هي خافت مره عليك
ابو سلطان : روحي عند خالتي انا طيب
طلعت ام سلطان مع بناتها وبق سلطان مع ابوه
سلطان : يبه ، وش صار
ابو سلطان : مالي حيل اتكلم الحين ، بكره اقول لك كل شي
سلطان : طيب ، نام الحين واذا احتجت شي انا برى
ابو سلطان : سعد ما قصر معي يا بوك واللى سواه كان الافضل
سلطان : يبه قفل عليك ومنع خواتي يشوفونك ، وطرد فيصل ، هذا مجنون
ابو سلطان غمض عيونه وانام
طلع سلطان وتوجه لغرفة غاليه دق الباب ودخل
سلطان : فيصل كلمك
غاليه : لا ، حتى ما يرد على رسايلي
سلطان : غريبه حتى انا
جلس يتصفح جواله بعدين سال : ايش كان يقول ابوي
غاليه : يقول ذبحته ، مات وهو زعلان على ، راح حلالي
سلطان : الله يستر
غاليه : ليش ما تكلم سعد يم....
قاطعها سلطان : مستحيل اكلمه الكلب

عساف دخل مكتبه وتفاجا بمديرة جالسه ينتظره
عساف : خير طال عمرك فيه شي
ابو ماجد : سكر الباب وتعال اجلس
سكر عساف الباب وجلس قدام ابو ماجد ، مد ابو ماجد ملف لعساف وهو يقول : هذه اوراق قضيه جديدة يشتغل فيها رعد وياسر ، وللاسف فيها اسم شخص يقرب لك
عساف : خالي عبدالرحمن ، صح
ابو ماجد : تعرف
عساف : امس كلمني ولد خالي  وخبرني ان خالي عبدالرحمن متورط مع واحد اسمه فراج
ابو ماجد : متاكد ان خالك برئ
عساف : متاكد مليون بالميه
ابو ماجد : للاسف هذا مو اول مره يذكر اسم عائلة خوالك في قضيه زي كذا ، سبق وذكر خالك راجح
عساف بصدمه : كيف

وصل سعد لرياض وتوجه على طول لبيت عساف
اللى استقبله وكان مصعب موجود
سعد : مو قلت لا تعلم احد
عساف : مصعب مو غريب ، بعدين ابو مصعب يعرف بسالفة خالي راجح
دخل سعد البيت وسلم على مصعب
مصعب : وش السوات الحين 
عساف : ابو ماجد يقول بكره يقبضون على عمي
التفت سعد مصعب وسال : ابوك وش يقول
مصعب : يقول ان خالي راجح سافر مع فراج واخوه وصار عليهم حادث ولما جات الاسعاف والشرطه حصلو في السيارة مخدرات ، وبما انها السيارة كانت لخالي راجح ، سجلت باسم عمي للاسف ، و فراج طلع منها لكذا جدي يكرهم ومقاطعهم ، طبعا ما كان احد يعرف غير جدي وابوي علشان عمي زيد كان الضابط المسؤل
عساف : لو جدي تكلم من البداية وعلم خالي عبدالرحمن يمكن ما كان تورط
سعد كان يفكر في غاليه ، ايش راح يصير فيها لو عرفت ان عائلة زوجها مجرمين وتجار مخدرات

ابو سلطان جالس مع سلطان لوحده : كل الاوراق فيها توقعي انا متورط تماما وفراج المجرم ماعليه اي دليل
واللى يثبت اكثر على ملف راجح اخوي
سلطان مصدوم : يبه كيف كذا قدر يخدعك
ابو سلطان : مدري ، كان تفكري بس في الاموال اللى حصلت عليها
سلطان : نحتاج محامي قوي يثبت براءتك ، عندك اوراق او رسائلي تساعدك
ابو سلطان : محادثات الواتس بينا والحساب اللى احول له المبالغ
سلطان : ان شاء الله نقدر نطلع منها
ابو سلطان : غاليه ، وش نسوي فيها
سلطان : يطلقها غصب عنه  ، الحمار ما يرد على

دق باب الغرفه بقوة وصوت ام سلطان تنادي : سلطان الحق علينا
فتح سلطان الباب بسرعة وسال : وش فيه
ام سلطان : غاليه مدري ايش صار فيها
ركض سلطان وابوه لغرفة غاليه وحصلوها تصيح وتكسر الاشياء
سلطان حبس غاليه بين يديه وجلس على الارض وهو يقول : بسم الله غاليه وش فيك
غاليه : دمرني الحيوان دمرني
سلطان : خليك منه بقلعته المجرم ، بكره تتزوجين احس منه
ام سلطان : وش فيه ليش تقولون كذا
مدت حور جوال غاليه لسلطان : شوف
اخذ سلطان الجوال وانهبل لما شاف فديو سعد وهو رافع ثوبه ويلحق غاليه صاح : والله لذبحه الحيوان
ثم التفت لغاليه واعطاها كف : وش سويتي
غاليه : والله ما سويت شي ، بس هربت منه كان يبغي يضربني
سلطان : الحيوان والله لذبحه
قرب ابو سلطان واخذ الجوال وشاف الفديو وطاح على الارض