في داخلي جمر انتظارك مستعر

ماشكيت بعدك

٠
٠
•
تخرج سعد اخير واخذ وثيقة التخرج وهو فخور بنفسه
قابل عساف وطلب منه يدبر له مكتب محامي شاطر في الدمام على شان يشتغل عنده ويكون قريب من اهله لانه طفش من البعد والغربة
عساف : الحين عاد ما بقي غير العرس
سعد بغضب : عساف ، فكني من كلامك ، يكفي امي كل ما شافتني رشحت لي بنت
عساف : ما مليت من الانتظار ، ماتعبت
سعد : ما شكيت لاحد
عساف : بس كلنا حاسين فيك وحاسين في الجمر اللى في داخلك
سعد : تكفي فكني
عساف : اخطبها لك انا
سعد بعصبيه : عساف ، لا تتدخل الله يخليك
عساف : البنت بتروح منك وانت ساكت
سعد : خلني اعيش على امل القاء افضل من قطع الرجاء

سلطان جلس مع غاليه كان مرتيك وطول الوقت يطقطق اصابعه
غاليه كانت خايفه انه جايب لها عريس كذا استعدت علشان تهاوش وتصارخ
سلطان : ايش رايك في ...
غاليه بغضب: لا
سلطان باستغراب : وش اللى لا
غاليه : لا ، للى بتقوله
سلطان مسح جبته بقلق : ليش
غاليه : ما ابغي ، كذا
سلطان بعصبيه : وانت وش دخلك
فزت غاليه بغضب : وش اللى وش دخلني ، بتغصبني
سلطان بحده : اغصبك على ايش
غاليه بصوت باكي : ما بغي تكفي سلطان معاد ابغي اتزوج
انفجر سلطان ضحك : خبله ، والله خبله
غاليه تبكي بقهر : ايه خبله
وقف سلطان ضحك وسحب غاليه لحضنه  : لا تبكين دمعتك غاليه عندي
غاليه : طيب خلنا نسكر الموضوع تكفي
تركها سلطان وجلس : هو فيه موضوع زواج بس مو لك
غاليه : ياويل قلبي ، حور
سلطان بعصبيه : حور صغيره
شهقت وحطه يدها على فمها : امي
سلطان فتح عيون وصرخ : وجع بنت انهبلتي
غاليه : سلطان تكلم
سلطان : انا ، انا ، يا الهبله
غاليه : انت ، تبغي تتزوج
سلطان : ايه
غاليه بابتسامه : وش المطلوب مني ، ومين سعيدة الحظ
سلطان : اسمعي لا تعلمين احد ، اول ابغي اعرف رايها قبل اخطبها رسمي
غاليه : مين هي
سلطان : بسمه ، الدكتورة بسمه
غاليه بابتسامة : يا ولد ، طلعت تحب
سلطان : واششش ، بلا كلام فاضي
غاليه : طيب المطلوب
سلطان : لمحي لها ، لا تقولين بصراحه علشان اذا رفضت ، ما اتفشل
غاليه : وهي تطول يخطبها سلطان ال سعد
سلطان : وهي بسمه بنت ابوها
غاليه : بصير مرسول حب
سلطان : غاليه ،خلي عنك الكلام وابدي شغلك
غاليه : الحين
سلطان : ايه اعزميها في اي  مكان
غاليه : على حسابك
سلطان : عائله ماديه ..طلع بوكه من جيب بنطلونه وفتحه وطلع بطاقته الصرافه ومدها لها
اخذتها غاليه وهي تضحك : جاد الله عليك ، عقبال ذبايح عرسك
سلطان : امين
اخذت غاليه جوالها ودقت على بسمه وهي تنظر في سلطان : مرحبا بسمه ، كيفك وكيف الوالده .... انا طفشانه مره ودي اطلع معك مكان ايش رايك .... ايه زعلانه ...سلطان مزعلني
فتح سلطان عيونه واشر لها يعني اضربك ، ضحكت
اذا قابلتك اعلمك .. خلاص . مع السلامه
ناظرت في سلطان بتحدي : ما اكون اخت سلطان ان ما ضبطتك
باس سلطان راسها وطلع

دخل نايف البيت وحصل ريم ونورة جالسين قدام التلفزيون : مساء الخير ، ليش سهرانين
نورة : ماورانا شي
نايف : ماعندكم مدرسه
ريم : انا بغيب بكرة
نورة : انا اف بكره
نايف بعد ما شاف امه تطلع من المطبخ : ابوي نايم
ام سعد : لا ، راح بيت عمك ابو سلطان
نايف : ليش وش عنده
ام سعد مدري 
دخل ابو سعد : السلام عليكم ، ليش ما نمتوا للحين
نايف : يبه ، فين كنت
ابو سعد : سلطان عزمني على العشاء
نايف : وش عنده
ابو سعد : ماعنده شي ، ناموا لاتسهرون
دخل ابو سعد المجلس وافسخ ثوبه وانسدح
دخلت ام سعد تسال : تبغي شي
هز ابو سعد راسه بالنفي واطلعت ام سعد وسكرت الباب عليه
ودخلت غرفتها مع بناتها ونامت
كانت شقتهم عباره عن صالة ومجلس وغرفتين غرفه لنايف  وابوه وغرفه لام سعد وبناتها ، بس ابوه بفضل ينام في المجلس
انسدح ابو سعد وهو يحس بحزن وقهر كان يتمني انه ما راح ولا سال، تنهد وقال لنفسه : يحلها لك ربي يابوك