في داخلي جمر انتظارك مستعر

ابوك مجرم

٠
٠
•

الكل جالس في المجلس ابو سلطان يفكر وعاجز
اذن الفجر وصلوا جماعه في البيت
ابو سعد : بنروح لعبدالرحمن انا وعبداللطيف وانت ياسعد روح للبيت
سلطان : وبس ، هذا اللى طلع معكم
ابو بدر : سلطان هدى وانا عمك ، الموضوع يحتاج وقت
سلطان : وقت لين تنتشر الفضيحه
ونظر في سعد بحقد وكره واحتقار
ابو سعد : اول نشوف موضوع ابوك

سعد اخذ عساف ومصعب ونايف للبيت
وسلطان دخل غرفته تروش ولبس وراح للمستشفي لابوه
ابو سعد و ابو بدر سبقوه

سعد دخل العيال وراح يجيب لهم فطور وطلب من نورة تسوي شاي لهم ، بعد الفطور نامو من التعب

رجع ابو سعد وابو بدر للبيت وناموا مع العيال
سلطان عند ابوه نام من التعب على كرسي الانتظار
مرت من جنبه بسمه ولما شافت حالته رحمته قرب تبغي تصحيه بعدين غيرت رايها : وش دخلني فيه
وراحت وتركته

بعد ساعه صحي سلطان على صوت رجال يقول : سلطان عبدالرحمن
فز سلطان من النوم وحصل ثلاث ارجال مع عسكرين واقفين قدامه
سلطان : نعم ، تبغون شي
قدم وحد من الرجال اوراق لسلطان ، سلطان قرأ الاوراق
امر قبض واحضار
الرجل : معك الضابط عامر ، عرفنا ان الوالد في المستشفي
سلطان : نعم ، للاسف في غيبوبة
الضابط : احنا بنحط عند الوالد عسكرين علشان هو مطلوب الان
سلطان يلتفت حوله ويقول بصوت خفيف : عفوا هذا مستشفي وايضا مكان عملي ارجوكم ما يحتاج الفضايح
الضابط : تعلمنا شغلنا
سلطان : لا ، بس تكفي علشان صورتي
الضابط : ابوك مجرم مطلوب ، كان الاول هو يحافظ على صورتك
التفت الضابط للعسكرين : خلوكم هنا ، لا تسمحون احد يدخل عنده ، غير ولده هذا
العسكرين بصوت واحد : امرك سيدي
مشي الضابط واللى معه لحقه سلطان : لو سمحت الوالد برئ للاسف خدعه شريكه
الضابط : هذا الكلام ينقال في المحكمه مو هنا
ومشي وترك سلطان
سلطان دق على عساف
رد عساف : هلا سلطان
سلطان : عساف تصرف تكفي حطوا عند ابوي عسكرين
عساف : انا جاي
وقف عساف ودخل الحمام يتروش وطلع ولبس ثوبه
صحي سعد : وين رايح
خبره عساف بكلام سلطان وبعدين قال : انت هذه الفترة لا تجي ولا تقابل سلطان لين يهدى ، بروح بتكسي
هز سعد راسه موافق وطلع عساف

مسك سعد جواله ودخل الواتس وارسل لهيا يخبرها باللى صار له مع غاليه وطلب تكلمها
هيا : مو الحين انتظر يهدى الجو
سعد : ودي اعرف كيف وصل الفديو للكلب فيصل
هيا : سعد لا تتدخل ابدا ، خل سلطان يحل الموضوع
سعد : طيب بطلبك تكفين لاترديني
هيا : تامر على قلبي يا خوي
سعد : عطيني رقم غاليه
هيا : سعد وش فيك بديت تخبط ، وش تبغي في رقمها
سعد : بكلمها ، بعتذر منها
هيا : هي عارفه ان الموضوع مافيه اي غلط بس انت لا تسوي شي وتقلبه ضدك