Past Means Traumatic Story(Complete)

17

" ငါတို့အခုဘယ်ကစပြီး ဘယ်လိုလုပ်ကြမလဲ"

3ယောက် ကော်ဖီဆိုင်မှာခေါင်းချင်းဆိုင်ပြီး ဆွေးနွေးနေတာအတန်ကြာသည်ထိ ဘာအကြံမှထွက်မလာသေးတာကြောင့် Jungkookမှ မေးလိုက်ခြင်း။

"ဘာလုပ်ရမယ်ဆိုတာထက် အကိုသိချင်တာက Hanလေးကဘာလို့ အလောင်းမရှိဘူးဆိုတာ တပ်အပ်ပြောနိုင်ရတာလဲ"

"Kamက အသက်ရှိစဥ်ထဲက မျက်ကြည်လွှာလှူထားခဲ့တယ်။သေပြီဆိုတဲ့သတင်းကြားတော့ တာဝန်ရှိသူတွေက ထုံးစံအတိုင်းလာခဲ့ကြတယ်။ဒါပေမဲ့ Binnတို့က ဘယ်လိုလုပ်လိုက်လဲမသိဘူး။အဲ့လှူတဲ့ကိစ္စက ဖုံးသွားတယ်။နောက်တော့ အသုဘအခမ်းနားစီစဥ်ပေးတဲ့ထဲက ခင်နေတဲ့အသိတစ်ယောက်ကို မသိမသာလေးစကားနှိုက်ကြည့်တာ အလောင်းပါမလာဘူးဆိုတာပဲသိလိုက်ရတယ်"

"ဒါဆိုတကယ်မသေတာမျိုးရောဖြစ်နေမလား"

"မဖြစ်နိုင်ဘူး..Kamနဲ့နောက်ဆုံးအချိန်ရှိခဲ့တာကျွန် တော်ပါ။Kam ကိုယ်ခန္ဓာတစ်ခုလုံးအေးစက်တောင့်တင်းနေတာ တကယ်သေသွားခဲ့ပြီ။ကျွန်တော်ကိုယ်တိုင်သူ့ကို.."

"ရပြီ။အကိုသိပြီ.."

စိတ်လှုပ်ရှားကာပြောလာသော Jungkookကြောင့်
Jungkookလက်လေးတွေကိုJimin ဆုပ်ကိုင်ကာ အားပေးအပြုံးလေးပြုံးပြလိုက်တော့ Hanလေးဟာ တစ်ဖက်ကိုမျက်နှာလွှဲသွားသည်။

"မသင်္ကာတဲ့အရိပ်ယောင်မျိုးရော သတိထားမိကြလား"

"အကိုတော့အခုထိသတိမထားမိဘူး။Jeonရော.."

"ကျွန်တော်လဲ.."

ငြင်းဖို့စကားမဆုံးမီ သတိရသွားသော အကြောင်းအရာကြောင့် Hanလေးရော Jiminရော မျက်နှာတွေ သူ့ဆီအနည်းငယ်တိုးလာကြသည်။

"တစ်ခုခုမသင်္ကာတာရှိလို့လား"

"မသေချာပေမဲ့ အကိုပျောက်သွားတုန်းက Binnတို့အိမ်ကို ငါတို့သွားတော့ Binnအမေက တော်တော်ကြောက်လန့်နေသလိုပဲ။မဟုတ်တာလုပ်ထားတာကို သိသွားမှာဆိုးတဲ့ပုံမျိုး"

Jungkookစကားကြောင့် Hanလေးဟာ တွေးတွေးဆဆဖြစ်သွားခဲ့ပေမဲ့ Jiminကတော့မျက်နှာမကောင်းတော့ပေ။မေမေကဘာလို့များ ကြောက်လန့်နေရတာလဲ။