البارت 28🤍📍
داز الوقت ......
كانت فلاشومبر ديالها كتعشا وشادة تيليفون مكونكطية مع فؤاد حتى طلع ليها كيصوني ابيل فيديو هزات منديل ورقي مسحات فمها وجوباتو ....
نور : بونسواغ
فؤاد : صافا نور
نور : وي ونت لاباس عليك ؟
فؤاد : صافا بيخير ... كيداز اول نهار
نور : اووووف منعاودش ليك شحال عييييت اليوم
فؤاد : هه عادي دبا تولفي
نور : ان شاء الله .. اوا اشكتعاود
فؤاد : توحشتك خليتي بلاصتك العفريتة
نور : هههه ضرب شي دورة المحمدية منها نيت نشوفك
فؤاد : بغيتي الواليد يجري عليا من الكلينيك
نور : وعفااااك قوليه غادي لشي خدمة واجي نشوفك
فؤاد : يكون خير .... كيجاتك المدينة ولفتي شووية تما
نور : المدينة زوينة بزاف وصغيرة ماشي بحال كازا رتاحيت فيها
فؤاد : يكما خصاك شي حاجة
نور : لا ماخصني والو
فؤاد : عارف وخا تكوني مزيرة مغتقوليهاش ليا
نور : فؤاد وخلينا مزيانين انا وياك
فؤاد : اوكي ... اوكي ... هانا ساكت ماقلت والو
نور : تعطل الحال نخليك انعس دابا
فؤاد : تصبحي على خير
نور : تصبح على خير
قطعات عليه رمات تيليفون وكملات عشاها .....
بعد مرور خمسة أيام ...
فاقت صباح كيف عادتها ناشطة خدات فطورها دغيا وطلعات تلبس حوايجها جهزات راسها ونزلات تلاقات بنعيمة طالعة
نور : صباح الخير
نعيمة : صباح النور ا نور
تخطاتها نور وخرجات وهي متبعة ليها العين تاخرجات ونزلات تبعاتها طلات عليها غير من شقة دالباب حتى تأكدات انها طلعات فطاكسي عاد طلعات لشومبر
البارت29🤍📍
وصلات الكافي ودخلات تلبس حوايجها كيف العادة وخرجات تشوف خدمتها .... بدات تسربي فالكليان لي دخلو من طبلة لطبلة حتى وقف عليها واحد سيرڤور
- : ختي نور عفاك خودي 3 نوغمال دراري لي فالمحال لي قدامنا
نور : وخا
مشات نور هزات بلاطو بين يديها وكتعوج بداك شبر تاع طالون لي لبسة ومرة مرة تمد يدها تجبد جيب لقصيرة لي لابسة تنزلها من لور شعرها مجموع لفوق كعكة مهملة وصدرها كتبان شقة تاعو من شوميز لي لبسة اللبسة الرسمية لكافي لي هي خدامة فيها ولات مضطرة تلبسها باش تبقا فهاد الخدمة باش تستر فيها وتلقا باش تصرف حيت دكشي لي فكونطها مكفيهاش هي مكانتش كتجمع فلوس كانت مشتتة وكانت غير كتشري فالحوايج ومكياج وروايح عاد دبا وصلات على هدرت فؤاد لي كان كيقول ليها تجمع راسها ودير بحق الزمان والوقت نور مكانش فراسها بلي غدي اوقع معها لي وقع وحياتها اتقلب وغدي تخصر ماماها ودارهم وتشرد فزنقة عمرها ضنات بلي غدي تخلي خدمتها وتخلي المدينة تعها وتغرب فمدينة اخرا شافت راسها اش لبسة واش هازة بين يديها تفكرات فاش كنت كتلبس اللبسة تاع انفيغمييغ واش كانت كتهز معها ديك ساعة ... زمان غدار ولوقت كدور والحياة كتختبرنا كدوزنا من اختبرات .... وصلات نور لوجهة تعها وهي غادية كتخمم فماضيها وحاضرها شافت حوانت قدمها ذهايبية ولي كيبيعو لباس تقليدي دكشي لغالي بانو ليها دراري لي جلسين مجمعين صحاب المحلات هوما لي طلبو الكافي وصلات عندهم وهي تحنا كتحط ليهم دكشي فوق طبلة صغيرة جنبهم بلا متهز عنيها فيهم دارت جيهة اخرا باش تحط اخير طاس دالقهوة وهي تسمع استغفر الله فودنيها خرجات من فم شخص لي كان جلس قالها بهمس وجات فودن نور شي لي خلها تهز عنيها فيه وهي مزال محنية باش تحط طاس هو بدورو خطف فيها نضرة جات عينو فصدرها شي لي خلاه استغفر ودور وجهو عليها
نور شافت ليه جنب وجهو لحيتو كيف مطرسية ولحمو كيف نقي وريحت برفان عاطية منو تغلغلات فجيوبها الأنفية حسات براسها تزيرات بعدات من حداه دغية ووقفات ردات بلاطو ورا ضهرها ونطقات بصوت شبه مسموع
نور : واش خصاكم شي حاجة اخرا
بدون شعور منها عنيها مشات شافت جهت شخص لي كان يستغفر كلما شفها مجا فبالها غير زكرياء حسات بقلبها كيضرب كلما شافت شحد بحال زكرياء كتبغي تلاح عليه تخنقو الف خنقة وتعدبو كيف تعدبات ماماها وهي وسط العافية لي شعلها فيها زكرياء بلا رحمة بلا شفقة بدات تسوط نفس بجهد شي لي لاحضو يونس لي كان جلس اونفاص معها
يونس : واش صافا باش كتحسي
نور بدات تنش لهوا على رسها : والو بخير ... واش نجيب ليكم شي حاجة اخرا
عصام كيطلعها ويهبطها : لا غير واحد شوية جي دي هدشي
نور شافت جيهت شخص تالت لي دور وجهو عليها بحلا واقفة قدامو شي جرثومة منطق بوالو عرفاتو مبغا والو وهي تمشي فحالها بزربة وطرمتها كتلعب موراها غادية وكتنش لبرد بيدها على رسها باش تنفس حيت كلما شافت شحد فكرها ب زكرياء كتجي بين عنيها غير صورة ماماها وهي محروقة
مشات نور وبدر الدين شاف جيهتها فاش غادية وبدا كيدعي فنفسو ويطلب ليها الهداية
بدر الدين هز طاس دالقهوة ومشا دخل لمحال ديالو من بعد مستأذن من دراري دخل جلس بوحدو وصورة نور بين عنيه هو ستغفر حيت فاش قربات جنبو جات عينو نيشان فصدرها وعاد ريحتها لي تغلغلات لنيفو حس باحساس فشكل وتما ستغفر ونعل شيطان باش ابعد عليه وسواس شيطان
بدر الدين : يارب نسألك الهداية وتوبة للاخت يارب اهديها وردها اليك ردا جميلا
بقا بدر الدين كيدعي مع نور بالهداية وتوبة ويستغفر ليها بان ليه كليان دخل عندو وقف مشا اشوف اش بغا
#عند نور
كانت واقفة حاسة براسها تزيرات بزاف من صدرها حسات بالخنقة خصوصا فاش شافت كيف قلب بدر الدين وجهو عليها وفاش كيستغفر بحلا مشمئز منها كلما شافت شي حد ملتحي كتفكر غير موت ماماها على يدين دوك سلفيين
دخلات الحمام كتنفس بجهد وكتلتخ فوجها بالما باش تبرد شوية سلات وبدات كتشوف رسها فالمريا حتا وسعات عنيها على وسعهم فاش بان ليها عمر مول الكافي كان واقف ورها مباشرة وكيشوف فيها بشي شوفات لي مخفاوش على نور شوفات ديال ديب ناوي يفتارسها دارت دغية وقفات كتشوف فيه
نور: سي عمر اش كين
عمر : مالك جيتي لهنا بنتي ليا داخلة ماشي هي هديك وجيت نشوف مالك
قري ليها وحط يدو على دراعها كيحاول اتلمس فيها نور نترات منو وبعدات عليه رجعات جوج خطوات لور
عمر : نور مالك كتهربي مني
أنت تقرأ
ثبت على يديه
Short Story#قصة_دينية #قصة_مغربية_بالدرجة #قصة_رمضانية ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، لا يلعب بك الشيطان، ويبعدك عن باب الت...
