ثبت على يديه

الجزء 12🤍📍

البارت 30🤍📍
نور : سي عمر لاش جاي لهنا دبا اجي شي حد ويفهمنا غلاط

عمر : ماعند حد مايفهمنا غلاط نتي غير فهمني وارحمني ا نور

قرب عندها كثر وهي كتبعد لور وحبساتو بيدها

نور : سي عمر لزم حدودك عافاك انا هنا باش نخدم بدراعي ...  ماشي بحال داك نوع لي  كتعرفهم

عمر : نور شوفي عطني فرصة ميخصك حتا خير معيا صراحة نتي ماشي ديال  تكرفيس بلاصتك ماشي هنا نتي خاصكي تكوني اميرة فدارك يكونو عندك الخدامة  دايرين بيك اخدموك وانا لي انحقق ليك هداشي ا نور غير تيقي بيا

كيهدر معها كيحاول اخدرها بديك لهدرة لي موالف ادوخ بيها  كاع لبنات لي كيعانيو من قلت شي لي كيتكرفسو فالخدمة وفميناج كيدوخ عليهم بديك لهدرة ويخليهم اسرحو بخيالهم حتا اقضي غرضو فيهم ويرميهم ولاكن لي قدامو نور ماشي اي بنت نور لي مدوزاتش قليل فدنيا   نور لي كانت هي الراجل تاع دار هازة خوها وماماها بدراعها وعمرها دخل عليها درهم من الحرام  مغديش تجي حتا دبا وضيع كولشي وتبدا تفسد

هزات يدها حتا سما  وجمعات معاه بتسرفيقة  حتا ضار وهي دفعو حتا بعد عليها وهزات  صبعها فوجهو  بتهديد

نور : قلت ليك لزم حدك وانا ماشي من نوع لي كتعرف  ويديك لاباقي تحطات عليها نقطعها ليك آخر مرة تعاود تقرب لجيهتي

عمر زير على فكو وكيحاول ميبينش العصبية على وجهو ونطق من تحت سنانو : سيري شوفي شغلك

تخطاتو وخرجات وهو ضار من موراه كيشوفيها وفنفسو كيتحلف عليها

خرجات نور من تما ونزلات لتحت تكمل خدمتها لي صبرات فيها بزز غير بينما لقات البديل   هي ممرتحاش فيها ولكن خاصها تصبر حتى تلقى ماحسن

بقات نور غادية كدور من طبلة ل طبلة وتسربي فالكليان وتمسح طبالي وصبرات لتحرش لي كتعرض ليه من طرف رجال كلما جات تسربي شي واحد كتسمع شي كلمة من عندو وخا هكاك صابرة على ود خدمتها  باش متخسرهاش حتى تلقى خدمة خرى بقات هكاك حتا ضربات لحداش  دليل عاد طلعات بدلات حويجها ويلاه جات بغات تخرج  وهي تلقا عمر واقف فوجها

البارت 31🤍📍

نور شافت فيه بشك : وي سي عمر اش كاين

عمر : مكين والو غير جيت نتفاهمو على تصرفيقة لي عطتني عند بالك غندوزها ليك  بساهل   (قرب عندها وهي رجعات لور وعمر دفع لباب  برجلو حتا تسد وكيطلع ويهبط فيها بشهوة )

نور : بعععد من قدامي و خلني نخرج

عمر: اتخرجي ولكن تاتخلصي   ديك تصرفيقة لي عطتني باش مرة خرا تعلمي تهزي يديك على سيادك 

نور سرطات ريقها وقلبها كيضرب  : اتقرب مني  والله تانغوت نجمع عليك ناس  وندير ليك الشوهة هنايا