52✨
محجوبة : ها علاش انا كنغوت عليك باش تستري باش منطيحوش فشي مشكيل قدام شي واحد
نور كتمد ليها الحبة : انا لباسي هاكا داير .. هاكا ولفت نلبس
ربيعة : راكي مسلمة وخاصكي تستري راسك الله سبحانه وتعالى وصانا باش نسترو راسها وعورتنا
نور مرداتش عليها عطات دوا المحجوبة وناضت الكوزينة خلاتها قريبة طرطق ....
ربيعة : وااا شوفلك صوبييييصة ولا هي خلاتني بلاكة والله ماردات عليا صوبيصة وناقصة ترابي من لفوووق
محجوبة : عوض ماطلبي معها الله يهديها جالسة تهضري فيها فضهرها
ربيعة : كون جات عليا نشوفو ليك شي فرملية من غيرها تقابلك وجريو عليها من دار
محجوبة : خلي عليك لبنت فتيقار راها مسكناااش عندك باش تنوضي تجري عليها نور هنا غاتبقا وهي لي غتقابلني ولي ماعجو الحال الباب وسع من كتافو
ربيعة : ياك امي انا جاية حتى لعندك نشوفك ودبا كتجري عليا
محجوبة : انا ماجريت على حد بغيتي تبقاي جلسي ولكن باش تبداي تهضري فالبنت قدامي مغنسكتش ليك
ربيعة : ياك ... امِّي .. ياك ... ضاربة طريق على قلبي وجاية حتى لعندك نحي معكم صلة الرحم دبا كتجري عليا
محجوبة : داك لسان لي عندك ماضي وكيجرح جمعيه ماحدك هنا ونهار تمشي فحالك هضري فمن بغيتي قدامي لا
خرجات نجاة كتجري ملي سمعات هدرتهم وغوات ختها واصل عندها الكوزينة .....
نجاة : مالكم ياك لاباس
خرجات نور تاهي من الكوزينة
ربيعة : واجي تسمعي ... مًي شكتكول ... ولات كتجري على بنتها على قبل لبراااني ...
محجوبة : داك لبنت مبرانياااش علينا راها ولات بحال بنتناا
نجاة : نعلو شيطان وستغفرو الله ونتي راه ماجرا عليك حد دار راها دارك ونتي ختي وهي مي ونور راه مقابلة مِّي
وبحال بنتنا مغنفرطووش فيها
نور بقات كتشوف فيهم وتنهدات فلخر حطات سربيتة من يديها ومشات الباب باغا تخرج هي توقفها نجاة
نجاة : نور رجعي ابنتي فين غادة
نور : غادة فحالي اخالتي
وحلات لباب وخرجات ونجاة مشات كتجري موراها وكتغوت بسميتها ترجع .... ونور مدتهاش فيها غادة ومعرفااش فين غتعطي راس تاسمعات كلاكسون دشي طوموبيل ... موقفاتش بقات ماشية حتى حبسات عليها طوموبيل طريق .... علات عينيها هي تبان ليها طوموبيل دبدر الدين ساطت النفس بجهد وقلبات دورة هو يستوقفها صوتو
بدر الدين : فين غادة بديك الحالة
53✨
نور : ماشي سوقك
وكملات طريقها غادة تاسمعاتو نطق بحدة
أنت تقرأ
ثبت على يديه
Conto#قصة_دينية #قصة_مغربية_بالدرجة #قصة_رمضانية ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، لا يلعب بك الشيطان، ويبعدك عن باب الت...
