ثبت على يديه

🤍📍الجزء 22

🌓تبت على يديه🌓
💎بقلم : ايمان العماري💎
✨الجزء : 81✨
داز الوقت  .....

دازت يوماين ووصل عقد قران بدر الدين و نور .. طول هاد ليوماين مكنتش كتشوفو من غير لامجعاتهم الماكلة كانت كتحاول .. تفداه باش متساطحش بيه .... وبدر كذلك من داك الموقف لي وقع داك لليلة مهضرش معها وحتى لاشافها  كيبدل البلاصة  .... باش مينفاردش بيها لانه باقي هاز فخاطرو ...  الموقف ديال ديك لليلة مزال متنسااش ليه داكشي لي خلاه يقلب عليها باش تراجع نفسها وتعرف الغلط لي دارت ......

عند نور ...

كانت فبيتها جالسة مخرجاتش منو ملي فاقت حتى الفطور منزلاتش تفطر معهم  ...

هاد اليوماين كاملة للي دازت وهي كتفكر فهاد الزواج لي مكنتش دايرا  بحسابو ومعرفاتوش منين خرج ليها  كتحس براسها حايرا وخايفة معرفاش حياتها منبعد هاد زواج كيفاش غتولي تعيشها .......

الزواج والمسؤولية لي كانت  كتسمع بيهم غير من بعيد من عند صحباتها ولبنات لي خدامين معها هاهي غتجريهم دبا ! ...  ومعامن مع راجل ماشي مدة طويلة باش عرفاتو !!!!  .......

تنهدات مطولة وعلات عينيها فسقف كتشوف فيه مدة تابداو عينيها كيتغرغرو بدموع ملي تفكرات ماماها

نزر :  ماما اليوم بنتك غتزوج ... (  عضات على شفتها و دموعها نازلين بغزاارة من عينيها )  ماما انا عارفة واش  كتشوفيني وكتسمعي فيا   ...   بنتك اليوم غتزوج .. بنتك نور لي كنتي ديما كتحلمي تشوفيها عروسة اليوم لليلتها 
( شهقات بحرقة ) كان حلمك تزوجيني وتشوفي حفايدك ولكن ربي محقفش ليك حلمك ( زيرات على عينيها ورجعات حلاتهم ) كنت كنتمناااك تكوني معيا فهاد النهار
كيف ما حتا نتي كتمناااي ... بنتك اليوم غتزوج من واحد  ماشي مدة باش عرفاتو ومكتبغيهش ... مكنبغيهش ا ماما كيفاش اندير نتزوج بيه  ( شهقاااات بججحهد وبدات كتبكي بحححرقة ) انا ماشي غير مبغهاااش كنشوف راسي منستاهلوش اماما .. هو بعيد عليا وتا انا بعيدة عليه
تا العالم ديالو ماشي بحال العالم ديالي لي كنعيش فيه هو رجل دين مثقف ومتاقي الله زوين ولكن انا نور .. نور لبنت لي كتبرج وتعري لحمها وتخرج .... انا منستاهلوش اماما ( كتبكي بجهد وتشهق ودموعها كيسيلوووو )
  شفتي ... شفتي ربي شحال حنين اماما وخا كندير هادشي كامل ربي لاقاني براجل تحلم بيه اي بنت ولكن انا ماشي هاكا كنت باغا نتزوج .... ( هبطات راسها بين رجليها كتبكي ) كنت باغا ندي واحد لي يكون كيبغيني ونبغيه ( رجعات علات راسها لفوق  كتخاطب ماماها بحالا كتسمعها )  .. زعما يكون هو كيبغيني هادشي لي خلاه يتزوج بيا ولا غير حيت بغا يستر بنتك اماما !!!

سمعات دقان فالباب مسحات دغيا دموعها ووقفات ماشية تفتح الباب حتى تحل عليها

🌓تبت على يديه🌓
💎بقلم : ايمان العماري💎
✨الجزء : 82✨
نهيلة : نور نتي هنا !