البارت22🤍📍
اصبحنا واصبح الملك لله ...
صبحات فايقة بكري دارت روتينها صباحي وكلسات شادة مرايتها فيديها كتصاوب فوجها دارت مكياج خفيف ليكغون ديالها كان عندها فلاتغوس فصاكها وماسكارا وكلوس ناضت لبسات دجنيز زرق قصير وتيشورت كحلة وصبادرين كحلة طلقات شعرها هزات صاكها ونزلات فدروج بزززربة تاتلاقات بنعيمة طالعة
نور : نعيمة صباح الخير
نعيمة : صباح النور
تخطاتها نور ونزلات ونعيمة ضارت من موراها كطلعها وتهبطها بقات متبعها بعينيها تاخرجات عاد زادت لبيتها ..
اما نور كانت خدات طاكسي غادة فطريقها الكافي وكتهدر فتيليفون مع فؤاد
نور : راه قلت ليك بغيت نقضي بيها بينما لقيت خدمة ماحسن
فؤاد : كون جات عليا رجعي لكازا وتكملي خدمتك معنا راه ديمة الواليد كيسولني عليك
نور : مبقيتش قادرة نعيش فديك المدينة
فؤاد تنهد : مهم انا غانهدر ليك مع واحد صاحبي تما يشوف ليك خدمة فشي كابيني اما ديك القهوة راه ماشي دوجهك
نور : قلت ليك مغنطولش فيها راه نهار نلقى خدمة مغنبقاش فيها
فؤاد : الى خصاتك شي حاجة متحشميش مني قوليها ليا
نور : عارفة ا فؤاد و لكن دبا ماخصني والو عندي شي حاجة كنت مخبياها فالكونط منها كنصير بيها على راسي وخلصت منها لكرا
فؤاد : مزيان ، سيري دبا شوية ونعاود نعيط ليك باش تعاودي ليا شنو دار معك
نور : وخا
حبسات طاكسي قدام القهوة خلصاتو نور ونزلات منها بقات واقفة كتشوف فيها من برا كانت بقى خاوية رجال قلال لي جالسين فيها .. تنهدات ودخلات عمرها كانت كتوقع توصل بيها الضرورة تخدم فالقهاوي .... خصوصا وقهوة اغلب لي كيجلس فيها غير الرجال ماشي عائلية
بان ليها منير واقف مشات لعندو
نور : صباح الخير
منير : صباح النور .. صاڤا ؟
نور : صاڤا ونت
منير : بخير ... اجي جلسي بينما دخل الشاف
نور : اوكي
جرات كورسي وجلسات كتهدر مع منير لان مزال الكليان ماجاو بقاو كيهدرو حتى شوية هوما يدخلو 3 دالولاد يكونو فأوائل العشرينات هكاك ... واحد منهم شاف فنور هو يحدر راسو بزززربة وبدا يستغفر الله فنفسو الحركة لي خلات نور تزير لانه فكرها بزكرياء وخا هو لاعلاقة له بيه الشاب باقي صغير وزوين وربي عاطيه النور على وجهو صحابو شدو طبلة فين غايجلسو زاد لعندهم وجلس عاطي لنور بضهرو
منير : انشوف دراري آشبغاو خليك هنا صافي
البارت 23🤍📍
هزات راسها بااه وهو مشا يشوف الكليان شنو بغاو
أنت تقرأ
ثبت على يديه
Short Story#قصة_دينية #قصة_مغربية_بالدرجة #قصة_رمضانية ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، لا يلعب بك الشيطان، ويبعدك عن باب الت...
