ثبت على يديه

الجزء 13🤍📍

البارت 33🤍📍
نرجعو شوية قبل ...

نور مع نزلات من لوطو تاع بدر ودخلات حلات لباب ويلاه بغات دخل لبيتها لقات مولات دار حبسات ليها لباب برجلها

نور : نعم ختي نعيمة

نعيمة : شريفة انا محلاش دار دعارة هنا باش كل مرة تجيبي ليا طموبيل فشكل قدام داري

نور هدرتها فكرتها غير فهدرت زكرياء وصحابو وخوها زيرات على يدها وكمشات عنيها بالاعصاب ومع هي كانت اصلا مغلغلة بسباب عمر واش دار معها بحلا جات نعيمة فوقت باش تبرد فيها  كاع اعصابها هزات صبعها فوجها

نور: حتارمي راسك العقروشة اش اسحاب ليك راسك حتا تهدري عليا هكا  وبشمن حق

نعيمة: كتهزي عليا فصبعك من لفوق وباغية تعرفي بشمن حق كنهدر بحق راكي ساكنة فداري وداري ماشي ديال دعارة ودبا اتجمعي حوايجك وتخرجي عليا من هنا 

دفعات نعيمة نور على برا معطتهاش فرصة فين تبرر ولا تهدر مزال رمتها على برا  ودخلات بدات تهز فحويجها وترميهم ليها من شرجم رمات ليها صاكها حتا هو   وسدات عليها شرجم

نور حسات بالحكرة خصوصا فاش شافت حويجها مشتتين فالارض وناس كيطلو عليها من شراجم  بداو دموعها انزلو  وجلسات الأرض كتجمع فحويجها وكتخمم فين اتعطي براس فهاد الليل   حتا بان ليها خيال واقف ورها وغمضات عنيها فاش شمات ريحتو لي مخفياش عليها حسات بيه جلس قفازي جنبها وشافت يدو لي تمدات كتجمع معها فالحوايج وكتحط فصاك   حتا جمع ليها كولشي وسد صاكها وهزو بلا ميدوي معها وتمشا بكل رزانة غادي جيهت لوطو تاعو

نور بقات جالسة شحال شوية وقفات وتبعاتو فاش شافت ناس لي مزال كيطلو عليها  بلا  متنطق حلات لباب  وركبات  جنبو وبدات كتبكي بالقهرة والحگرة  تاحسات بطوموبيل تحركات ....  شوية هو يفراني جنب طريق ونزل من طوموبيل ونور غير  كدور فعنيها مفهمات والو حتا لقاتو حل لباب لي جيهتها وهو أمد ليها سلهام تاعو باش تغطا بيه حيت يديها وصدرها كيبان من لقميجة لي  تقطعات على لحمها
شداتو من عندو  وهي تغطي بيه رتسها  وتكمشات فيه بقات متبعة ليه لعين كيفاش دار وركب تاني جنبها  

بدر الدين بلا ميشوف فيها مد ليها تليفون : تليفونك طاح ليك  فطوموبيل عندي وكيصوني جيت نردو ليك

نور : شكرا  (شدات تليفون من عندو  وهي تنطق) وخا تديني شي اوطيل رخيص شوية

بدر الدين رمقها بنص عين وهو انطق : علاش جراو عليك  مالين داركم

نور شافت  لعندو ونطقات بصوت مبحوح بالبكا : ماشي مالين دار هدوك انا غير كرية تما وفاش شافتني سيدة لي كرية عندها نازلة من  طوموبيل ديالك ضنات بلي انا كنت معك

بدرالدين : ملي   مولات دار  جرات عليك بسبابي ف انا لي انوفر ليك فين تباتي هاد لليلة حتا نقلب ليك على كرا جديد