البارت41✨
نور : خالتي ندخل نعاونك فالغدا
نجاة : غير خليك ابنتي منعدبكش معيا
نور ناضت واقفة : اشمن عداب اخالتي انا مولفة بالحركة مكنقدرش نبقا كالسة بلاما ندير والو
تبعتها الكوزينة وجلسو على طبلة تما بكراسيها كينقيو فالخضرة .....
نجاة : قولي ليا انور شحال عندك من عام ابنتي
نور : فعمري خمسة وعشرين عام
نجاة : تبارك الله مزالة صغيرة ولدي دابا فعمرو 27 عام مبقا ليه والو ويكملها
نور : اه .. باقي صغير ... ولاادك باقيين صغار اخالتي
نجاة : العمر دغيا كيطير الواحد يستغل داك الوقت لي عندو بحال بدر الدين شحال من مرة هدرت معاه يدير دارو ويكمل دينو مزال حتى لدبا ماتزوج
نور : علاش متشوفيش ليه شي وحدة بنت من العائلة تكون قريبة ليكم زعمة وكتعرفوها
نجاة : مبغاش ابنتي عيييت فيه .... يمكن مزال ملقاش لي تناسبو
نور سرطات ريقها : بصح عندك الحق الزواج دوام الواحد مخصوش يزرب
نجاة : تا انا فاش تزوجت باهم مكنتش كنعرفو كان زواج تقليدي دالعائلة عمري شفتو حتى لليلة عرسنا والحمدلله صدق ولد الناس معيا تزوجنا ودرنا وليداتنا ( علات يديها لسما ) الله يرحمك ويووسع عليك الحاج ... الحنيييين ديالنا
نور : امين
كملو تنقية دالخضرة وناضت نجاة توجد لغدا ونور هزات قرعة دالما من ثلاجة تشرب وهي تفكر محجوبة خاص طل عليها
نور : انا نطلع نشوف خالتي محجوبة
نجاة : سيري عندها الله يرضي عليك
البارت42✨
طلعات نور عند محجوبة لفوق لقاتها متكية فبلاصتها شادة تسبيح فيديها قربات عندها وهي كتنطق
نور : عندك العبارة دلاطونسيون ؟
محجوبة نعتات ليها المجر : شوفيها هنا ابنتي
مشات نور المجر حلاتو وهزاتها وجلسات فطرف السرير
نور : انعبر ليك نشوف يكما طالع
محجوبة : الله يرضي عليك
نور : امين
محجوبة سكتات كتشوفيها شحال ....
نور : سي بون .. مزيان مطالعش عندك نوغمال دقات لي شوية مزال طالعين غايكون بسباب داك دوا لي شربتي بالغلط
نور جات ماشية هي تشدها محجوبة من يدها تاضارت عندها
محجوبة : سمحي ليا ابنتي
نور بتاسمت كطبطب على يدها : ماعندي علاش نسمح ليك الحاجة رتاحي
خلاتها وخرجات دازت لبيت لي عطاوها كتنعس فيه مشات هزات تيليفونها شعلاتو لقات فيه 5٪ قريب يطفا حلات صاكها جبدات منو شارجور ركابتو فالبريز وجلسات شعلات كونكسيون ودخلات الواتساب طلعو لي ميساجات دفؤاد دخلات ليه جاوباتو وخرجات منو ... حطات تليفون وناضت هبطات عند نجاة
أنت تقرأ
ثبت على يديه
Short Story#قصة_دينية #قصة_مغربية_بالدرجة #قصة_رمضانية ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، لا يلعب بك الشيطان، ويبعدك عن باب الت...
