البارت 8🤍📍
نور كانت واقفة فالكلوار كتاخد قهوتها هي باش كتبقى شادة فراسها ... وتقدر تسهر .... تابانت ليها .. وحدة من صحاباتها لي معاها فالخدمة جاية وفيديها لكافي
سميرة : اووووف عيييت امتى غير توصل تسعود نمشي فحالي نعس
نور : بقات ساعة صبري دبا دوز
سميرة : امضرا كاين شي جديد ولا والو
نور : آش غايكون فنظرك بحال ديمة
سميرة غمزتها : ولد المدير
نور عقدات حواحبها : مالو ؟
سميرة : كولشي كيهدر عليكم
نور علات حواجبها بجوج : اش كيقولو علينا
سميرة قربات عند ودنيها وهمسات ليها : شاكين واش بيناتكم شي حاجة
نور : منيتهم هادو ... اشغيكون بيني وبين الولد فؤاد راه بحال خويا
سميرة : اوا هادشي لي قالو
نور : قلا&وي حاضيين غا تبرگيگ ... وااش لي ملقا مايدير يحضي نور ..
سميرة : ششش خفضي صوتك لايسمعونا
نور : مادابيا يسمعوني باااش هاد المرة ميعاودوش يهدرو عليا يحضيهم غا راسهم اما نور عارفة راسها آشكتسوا
سميرة : صافي بدلي الموضوع حسن
نور : غانمشي نقود فحالي قبل مانقود سوايع مع شي واحد
سميرة : فمك خاسر آصاحبتي
نور : انا هاكا دايرا للي مبغانيييش يبعععد عليا
تخطاتها ومشات كتمايل فمشيتها .....
ضربات دورة على جميع المرضى تاوصلات تسعوود پيلا مشات حيدات طبيليتها وخرجات لقات فؤاد قدام باب لكلينيك كيتسنى وصلها حتى لدارهم .... غير نزلات وهي تجي عينيها فعينين زكرياء نيشان سدات الباب بقات واقفة تاديمارا فؤاد ... عاد زادت تقابلت مع زكرياء كطلعو وتهبطو وهو حدر عينيه غاض بصرو وهو يسمعها ضحكات بسخرية
نور : داير فيها فقيه زعما حادر عينيك غا قدامي اما مورا ضهري تبقى حاضي ترمتي وهي كاتمايل
زكرياء : اعود بالله من شيطان الرجيم ، آش هاد الهدرة كنسمع
نور مجوباتوش دازت من حداه ومشات دخلات لدارهم وهن بقى واقف كيستغفر فنفسو ومشا الوجهة ديالو
البارت 9🤍📍
دخلات نور نيشان لبيتها بدلات حوايجها وطاحت دودة من العياا معقلاتش على راسها تاداتها عينيها ... اما زكرياء مشا عند صحابو كلس معهم وهو مزال كيستغفر
- : مالك آشواقع
زكرياء : داك البنت شحال مابقات غاتجيب لينا شوهة لهاد الحومة
- : وصلها شي واحد تاني ؟
زكرياء : تلاقيت بيها نازلة من طوموبيل ولباسها كامل مكشوف دازت من حدايا قالت شي هدرة مافيها ما يتگال
- : خاصنا شي حل ميمكنش نبقاو ساكتين ليها راه لابقات كادير هاكا كاع بنات الحومة اتخرج عليهم وغايوليهم يديرو بحالها
زكرياء : الحمدلله ، بناتنا مكيخرجووش لزنقة اما كون ولااو يقلدوها فكولشي
- : اليوم غانهدرو مع محسين ... داك ختو لازمنا نديرو ليها حد لافعالها الشيطانية والى مقدرش خوها عليها حنا بيدينا انتصرفو بحال هادو مخصهمش يبقاو عايشين معانا
زكرياء : محسين غايكون باقي ناعس شوية صوني عليه يجي ولا نصيفتو موراه
- : ان شاء الله
عند نور ...
فاقت مخسرة على صوت تيليفونها ، مدات يديها الكوافوزة طلعات ليها نمرة دسميرة ساطت بجهد وجاوبت
نور : آشش باغا على صباح
سميرة : ناعسة !
نور : آشبغيتيني ندير نشطح احيدوس !!! ...
سميرة : شبان ليك نفطرو على برا
نور : نفيق ويحن الله خليني دبا نعس
سميرة : طناش غاندوز موراك صافي
نور : اوكي
قطعات عليها ورجعات نعسات ....
البارت 10🤍📍
خرج محسين من الدار صباح فايق على غير عادتو تاجه الوجهة ديالو حياهم وجلس معاهم
محسين : لقيت الابيل ديالك ياكما كاين باس
زكرياء : واش نت راضي على هادشي لي كادير فيه ختك ؟
محسين كان غيجغم من قهوتو غير سمع هدرة زكرياء ردها من فمو ....
محسين : نعام !
زكرياء : واش نت راضي على ختك
محسين سكت مدة : لا
زكرياء : ملي كنشوفو شي واحد كيعصي الله شنو المطلوب منا حنا
محسين : نردوه لطريق المستقيم
زكرياء : وعلاش مطبقتيهاش على ختك
محسين : هي مبغاتش شغندير ليها انا
زكرياء : الى مبغاتش بخاطرها اتبغي بزز منها و اول خطوة خاصك دير هي تحبس ختك من الخدمة وتكلسها فالدار وتخرج نت تخدم عليهم نتا اللي راجل ماشي ختك
محسين حدر راسو مراضيش
زكرياء : ملي كنتي نتا غادي فطريق الانحراف شكون عاونك حتا رجعتي الطريق الله
محسين علا راسو فيه : انت
زكرياء : وحتى دابا هادشي لي خاصك نت تقوم بيه بصيفتك خوها خاصك ترد بختك لطريق الله متخليهاش تبقى غادة فطريق الشيطان
محسين : غانحاول معاها
زكرياء بحدة : الى بقات ختك غادة فديك الطريق منبغيش نعاود نشوف وجهك هنا
محسين مجاوبوش جمع الوقفة وناض مشا فحالو ساخط
- : حنا ماقلنا باش رديناه لصفنا نضتي نت جريتي عليه
زكرياء : ماعندو فيه يزيد مرجوعتو لينا
- : اهاه
زكرياء : غنصبرو عليه يوماين الى مدارش لي قلت ليه حنا غانتصرفو
- : آش ناوي دير
زكرياء : منبعد اتعرف
أنت تقرأ
ثبت على يديه
Conto#قصة_دينية #قصة_مغربية_بالدرجة #قصة_رمضانية ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، لا يلعب بك الشيطان، ويبعدك عن باب الت...
