البارت13🤍📍
فالليل ..
فاطمة : خوك تعطل صوني عليه يجي
نور : خليه وقتما قالها ليه راسو غادي يجي
فاطمة : لطناش هادي ابنتي ومزال مادخل لدارهم ، عنداك تكون واقعة لولدي شي حاجة
نور : آشعندو مايوقع ليه تا نت ايكون شدو شي صاحبو حتى نسى راسو
فاطمة : معاش خدامة غدا
نور : تسعود اماما بحال ديمة
فاطمة : ودخلي تنعسي راه الوقت تعطل
نور وقفات : لقيتيني نايضة نيييت تصبحي على خير
فاطمة : تصبحي على خير ابنتي
جات غادة لبيتها هو يصوني تليفون فيديها شعلاتو لقاتو فؤاد ستغربات ملي كيصوني ليها فهاد الوقت ..
نور : وي فؤاد
فؤاد : نور صاڤا
نور : صاڤا ونتا بخير
فؤاد : مزيان ، نور غاندوز موراك دبا خاصك ضروري تجي الكلينيك
نور : اليوم ماشي نوبتي آش واقع
فؤاد : الولد لي غايشد هاد لليلة مكينش ودبا جاتنا واحد الحالة خاصها ضروري تخيط
نور : وخا انا جاية
فؤاد : غاتلقايني كنتسناك
نور : بلاما دوز موراي غناخد طاكسي
فؤاد : وخا لي بان ليك
قطعات عليه وشافت عند ماماها ...
نور : ماما عيطو ليا من الكلينيك خصي نمشي ضروري
فاطمة : وخا بنتي وردي بالك
نور : وخا ماما
مشات لبيتها بالخف لبسات عليها وخرجات .....
اما فاطمة عيات ما تسنى فولدها يدخل وهي تنوض طفات ضواو ديال الدار كاملة ودخلات لبيتها تنعس
.... فنفس الجهة كان واقف زكرياء وصاحبو مورا الدار ديال نور غير شافو ضواو طفاو عرفوهم غايكونو نعسو
ولكن مرضوش لبال لنور ملي خرجات لانهم كانو واقفين مور دار مراقبين ضواو ديالها ....
زكرياء : دير داكشي لي قلت ليك
صاحبو حرك راسو باه وبدا كيخوي فليسانس حدا الدار ومع الحيطان ورادين البال لايشوفهم شي واحد .. تاضارو على الدار كاملة عاد بعدو ....
هو يجبد زكرياء من جيبو بريكة شعلها ورماها على الدار وهي تشعل العافية ومشااو كيجريو لديورهم قبل مايحصلو
البارت 14🤍📍
عند_نور
كانت فالغرفة مع المريض كتخيط ليه فالجرح حتى بدا تيليفون فجيبها كيصوني ، وهي مدتهااش فيه خدامة كتخيط فالجرح بحذر حتى بدا تاني كيصوني ومكتجوبش وكيعاود يصوني تاني ... ديروونجاات وفؤاد فوق راسها واقف حتى سالات خدمتها ستأذنات وخرجات على برا شعلات تيليفون .. لقات ابيلات ديال واحد بنت جيرانهم استغربات علاش اتصوني عليها فهاد الوقت !!! رجعات كتصوني عليها حتى جوبتها
أنت تقرأ
ثبت على يديه
Nouvelles#قصة_دينية #قصة_مغربية_بالدرجة #قصة_رمضانية ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، لا يلعب بك الشيطان، ويبعدك عن باب الت...
