☆ كندا_مدينة أوتاوا
"على لسان سديم"
مروا يومين من الحادثة وطول الوقت البت م بتستجيب لي زول وحلفت كان تزح من الغرفة، زهجتني وجابت كثافتي لمن اتكلمت معاها بقت تبكي، قلت ليها م تزهجيني م تقولي لي ماف زول من أهلك عرف بالحصل بعد انتشر طيب اتكلمي امك وابوك وين؟؟؟
فجأة حضنتني بدون مقدمات وبقت تبكي شدييد قالت لي هي الوحيدة الفضلت لي، انا امها وابوها واخوها قبل اكون اختها هي بتي م بقدر اشوفها كدا، يا ريت لو ماما وبابا ما ماتو خلونا، يا ريت لو مشينا معاهم اليوم داك ومتنا كلنا في الحادث داك ما كان دا حصل💔
م عارف حسيت بالدم وقف في عروقي، أول مرة احس ب قلبي بنبض، حسيت حركتي اتشلت وما قادر ازحها مني!!!
دا شنو يا سديم البتفكر فيهو استغفر الله، البت لو ما واعية انت واعي زحها منك عارف الشي دا حرام...
بلعت ريقي وزحيتها مني، ولسة كانت مواصلة ف بكاها!!
لساني اتربط وما عارف اقول ليها شنو!!
فجأة جات الممرضة بتقول: يا طبيب حالة طارئة، المريضة نبضاتها تتوقف..
الدكاترة بقو بتجارو ف غرفتها والبت بكاها زاد، رغم البرود الظاهر فيني الا جواي كانت نار قاايمة وم قادر اشوف دموعها بتنزل..
قلت ليها م تخافي ح تطلع كويسة، م ردت لي وانا بقيت م قادر اعمل شي، بعرف واحدة ممرضة ف المستشفى اتصلت عليها جات ووصيتها تكون معاها..
مشيت من دربي القسم لقيت تلفون الضحية وصل واتصلت وقتي لي رقم عمتها وكلمتها، رسلت اللوكيشن ف حال وصلوا وبقيت متابع القضية فتشت الرسائل والمكالمات كانت معظمها أليس طلعت رقمها ورسلتو لي مركز البيانات شويتين رسلو لي التقرير كامل دورت العربية واتحركت على جامعة لندن..
في مكتب المدير بعد اديتهم بطاقتي تم استدعائها كانت خايفة وواضح ف عيونها بس عاملة متماسكة، ب برودي داك قلت ليها يجب أن تأتي معنا م سألتني في شنو ودا الخلاني اشك فيها زيادة، لمن جينا طالعين كنت مراقب عيونها وشفتها بتعاين لي زول برضو شكيت في الموضوع كنت ح أوقفوا بس م عندي شي ضدو ولا بعرفو بس رفعت تلفوني رسلت للعميل المعاي
"الشجرة التي على يمينك، يجب أن تراقب الشخص الذي يقف تحتها"
ركبنا العربية واتحركنا على القسم...
_____
☆ السودان
على لسان منال...
كنت مبسوطة شديد والناس كلهم رجعوا بيوتهم بس فضلت معاي منن، وانا ف المطبخ جات جابت لي تلفوني كان رقم غريب قالت لي خلي الباقي بتمو أنا...
مشيت غرفتي رديت
- مرتي البحبها..
* فارس؟
- عيون وقلب فارس انتي🖤
* دا رقم منو؟
- أول مرة ف التاريخ اشوف لي راجل بتكلم مع مرتو ب تلفون اختو عشان مرتو حاظراهو..
