#تُمطر_حُباً19
بقلم: سمر مختار
الدوحة
10 pm
كان ممسك كوب قهوتهِ وهو يجلس على شرفة المنزل يضع سماعات بلوتوث ويتحدث مع مدير الاستخبارات..
* سيد وليام لقد أتممت مهمتي سحبت معلومات كنت أتوقعها سيدي والآن اتسمح لي بأن أكمل ما بدأته بمفردي؟.
_ حسناً سيد سديم، ولكن مهمتك لم تكتمل بعد بالرغم من ذلك فقد أبليت بلاء حسناً بتبليغك عن عملية تسليم الأسلحة فقد تمت مداهمتهم البارحة في مصنع الطلاء غرب لندن، هذه ضربة قاضية بالنسبة لهم..
* أقصد لك بأن مهمتي مع ليونيل قد انتهت لا أريده ماذا نفعل به، وأيضاً أسرته في قبضتنا..
_ أترك هذا الأمر لي، فقط عند مساء اليوم خدّرهم جميعاً سوف يتم ترحيلهم على أنهم في قبضة الأعداء وأنت عليك إتمام المهمة في سرية تامة..
* لم يتبقى إلا القليل، سأتصرف بشكل يليق بمكتبنا سيدي، فقد أعلم أن هذه المهمة بقدر أهميتها فهي صعبة، يعني أنها قد تستمر ليوم، شهر، أو حتى سنة وأنا لن أعود لندن حتى أنتهي، في هذه الفترة سأستقر هنا في الدوحة سيدي
_ حسناً سيد سديم، سأغلق ف كبير الأمن يتصل بي
* حسناً سيدي إلى اللقاء
بلسان سديم...
قفلت منو الخط وحسيت إنو هم وانزاح مني، طلبت من الحرس يختو منوم قوي جداً لي ليونيل واسرتو فعلاً خلال ساعة واحدة كل شي بقى جاهز وتم ترحيلهم وبكدا مهمتي معاهم انتهت، صاح هو أنا قلت لي وليام الكلام القالوا لي ليونيل، بس في حاجات اتحفظت عليها وما ح أشارك بيها زول ولا حتى فارس، دا ما عدم ثقة بس أنا عايز المهمة الأخيرة لي تكون اجتهادات فردية مع إنو كل المهمات كانت فردية بس برضو بستشير فارس فيها..
ايوااا المهمة الأخيرة لأني ناوي أقدم إستقالة بعدها ما عارف السبب بس حاسي إني إكتفيت، وبكدا ح تبدأ رحلتي هنا معناها ح أغير إسمي وأشوف لي شغل منها أغير هويتي وما كانت حاجة صعبة..
بعد يومين راحة خلصت إجراءات الهوية الجديدة بعد عملت انترفيو في شركة وبعد اسبوع جاني رد ف الايميل بتاعي ب إنو قبلوني، اليوم البعدو مشيت أجرت شقة قريبة من الشركة وكويس إنو منصبي الاخدتو ما مُلاحظ على قدر كدا ...
يوم بعد طلعت من الشركة غشيت لي مطعم لأني كنت جعان م فطرت، بعد اتغديت وحاسبت كنت طالع بس سمعت صوت بنادي علي أتلفت لقيتو باسم معاه أمو قام جا علي...
* يا حبيييب كيييفك؟
_ سدييم كييفك؟
إن شاء الله بخير متين الجية يا زول ما شاء الله منوور
* جيت قبل اسبوعين كدا..
_ اتفضل اتفضل معانا نطلب ليك حاجة ما محظوظ أسي اتغدينا..
* لالا والله أنا ملان زاتي اتغديت اسي والله
_ اي برضو اتفضل عليك الله ما بتمشي ساي
