"هل فعلاً في نهاية المطاف الواحد حيلاقي شخص يطمنو ويطبطب عليه؟ شخص تقدر تقول ليه كل شي في بالك من غير أي أحكام من غير ما تخاف تقول الجزء ده؟ هل حيكون في شخص يحتويك ويكون جنبك وينظر ليك نفس النظرة بدون تغيير مهما حصل؟"
خلود...
م كنت ماشة الشغل الا بعد قرار محمد الرسلو لي ف الايميل إني ح امسك الإدارة العامة لأنو جاهو ظرف طارئ اضطر يسافر وما معروف يقعد كم، وطلب مني أعين مدير مؤقت لي القسم الشرقي اللي هو أصلا منصبي لغاية ما هو يرجع..
لبست ومشيت جيت راجعة بعد يوم متعب وزهجانة وأخلاقي ف مناخري وقفلها معاي زيادة أنس القاعد عزموهو غدا لأنو مسافر تقريباً، قلت سلام عليكم بس وطلعت غرفتي بعد اخدت دش بابا جاني ف الغرفة قال لي..
عايزك ف كلمتين يا بتي زي م شايفة إنو اتخرجتي وكونتي نفسك واسمك وبقيتي امرأة ناجحة على قولك م حاسة انو الوقت ماشي وانتي لسة م عرستي؟
م بقول ليك كدا عشان تفهمي غلط بس من باب خوفي عليك يا بتي، عايزك تتزوجي وعايز افرح بيك لا أنا ولا امك دائمين ليك واخوك زاتو اختار شريكتو كلها فترة ح يعيش بعيد مننا..
* انت مالك الليلة يا بابا، كلامك د ما ساي في شنو؟
- أنس..
مما سمعت اسمو كشرت وقلت ليهو مالو؟
* اتقدم ليك و...
- م عايزاه يا بابا وماف زول يحاول معاي ف الموضوع دا
عاين لي مسافة وقال لي ح اخليك تفكري براك كم يوم وطلع ..
زهجت زيادة وقلت ف نفسي د الفضل كمان الاغبياء يتقدموا لي...
قعدت مسافة ما بين زهجانة ومصدعة مشيت المطبخ اجيب لي عصير وموية عشان أخد لي بندول، وانا طالعة من المطبخ لاقيت أنس شايل ليهو كباية ف ايدو وجاي الثلاجة، اتجاوزتو وكنت ح اطلع على طول بس هو وقفني..
- خلود ممكن نتفاهم دقيقة؟
* ما عندي معاك اي تفاهم واصلا ماف شي يتفاهمو فيهو...
- عايزك بس تسمعيني دقيقتين ممكن؟
* قول العايزو سريع انا م فاضية ليك
ختى الكباية مسح وشو ب يدو وقال لي شوفي من الآخر يا خلود انا بحبك، من زمان كمان انتي وانا عارفين حاجة زي دي وعارفين كمان انك بتتجاهلي الحاجة دي، د كلو م ضايقني ولا مرة بالعكس كل مرة بقوول بعد اكون نفسي حتى اجي واقيف بكل ثقة عشان اطلب يدك و...
* ثقة؟؟
من وين جايب كل الثقة دي وواثق كمان اني ح اوافق عليك؟
تفتكر علشان سافرت وعملت ليك شوية حجات ممكن أوافق عليك؟
تفتكر واحد م عندو شهادة ممكن اعاين ليهو؟
علشان انت ود خالي واثق يعني؟
اصلا خالو رئال م خاتي عليك انت عمرك م ح تكون زول وما تفتكر اني ممكن أوافق عليك خالص وم تفتح الموضوع دا مع زول من اهلي امشي شوف ليك واحدة أهلها ناس الصاج والكانون بدوك ليها بكون تردد...
