Unicode
ဖုန်းမြည်သံကျယ်ကျယ်ကြောင့် နှစ်နှစ်ခြိုက်ခြိုက်အိပ်ပျော်နေရာမှ အလန့်တကြားနိုးလာရပြီး မျက်လုံးတစ်ဖက်ကိုသာဖွင့်၍ ဘေးဘက်တွင်ထားထားသည့်ဖုန်းကို လှမ်းယူလိုက်ရသည် ။ သည်အချိန်ကြီး သန့်ဆီသို့ ဖုန်းမလာဖူးသလို အိပ်ချင်မူးတူးလည်းဖြစ်နေသဖြင့် မျက်လုံးတစ်ဖက်ဖွင့်လျက်ဖြင့်သာ ဖုန်းခေါ်ဆိုနေမှုကိုလက်ခံလိုက်၏။
" ဟယ်လို "
ဟု ထူးလိုက်ချိန် တစ်ဖက်မှ
" အိပ်နေတာလား "
ဆိုပြီး မေးလိုက်သံကြောင့် တစ်ဖက်ပွင့် ၊ တစ်ဖက်ပိတ်ထားသည့် မျက်လုံးများမှာ တစ်ပြိုင်တည်းပွင့်လာရတော့သည် ။ အသံနှင့်အတူ မျက်နှာကိုပါမြင်ယောင်လာတော့ ထိတ်လန့်ကြောက်ရွံ့မှုမှာ သူ့ကို ဝါးမျိုသွားပြီး ထိတ်ထိတ်ပျာပျာဖြစ်သွားသလို ပက်လက်အိပ်နေရာမှ ရုတ်ခြည်းငုတ်တုတ်ထိုင်လိုက်မိ၏ ။ ယခင်ရက်များတွင် လုံးဝအိပ်မပျော်ခဲ့သလို ယနေ့ညတွင်လည်း ခဏမျှသာအိပ်ရသေးသောကြောင့် ဆတ်ခနဲထလိုက်သည့်အခါ ခေါင်းထဲမှာမိုက်ခနဲမူးဝေသွားလေသည် ။
" ကိုထက်ဘုန်းနိုင်လား "
စုတ်သပ်သံတစ်ချက်က ဖုန်းထဲမှကျယ်ကျယ်လောင်လောင်ထွက်ပေါ်လာခဲ့သည် ။
" ဟိုရက်ကတော့ မသိလို့ထားလိုက်တော့ ၊ အခုဟာကျတော့ နည်းနည်းလွန်သွားပြီနော် သန့်မင်းဉာဏ် ၊ မင်း ကိုယ့်ဖုန်းနံပါတ်ကိုမှတ်ထားရမှာ...မဟုတ်ဘူးလား "
" မှတ်လိုက်ပါမယ် "
" ဖုန်းပြောပြီးတာနဲ့ တစ်ခါတည်းမှတ်လိုက် "
" ဟုတ်ကဲ့ "
" ဘယ်လိုမှတ်မှာလဲ "
" ဗျာ "
" ကိုယ့်နာမည်ကို ဘယ်လိုမှတ်မှာလဲ မေးတာ "
" ကိုထက်ဘုန်းနိုင်လို့ပဲ မှတ်လိုက်မယ်နော် "
" မကြိုက်ဘူး... အဲဒီလိုမျိုး မမှတ်နဲ့ ၊ နောက်ပြီးတော့ ဘယ်လိုဖြစ်ပြီး ကိုထက်ဘုန်းန်ိုင်ဖြစ်သွားရပြန်တာလဲ "
" ဗျာ "
" အရင်က အစ်ကိုလို့ ခေါ်နေကျလေ "
" အဲဒါက... "
YOU ARE READING
သံယောဇဉ်မြစ်ကို လွှမ်းခြုံထားတဲ့ မေတ္တာတိမ်စိုင် (Complete)
Romanceဒီဘဝတွင်တော့ သန့်မင်းဉာဏ်မှလွဲပြီး ဘယ်သူ့ကိုမှ မချစ်နိုင်ပါ... (ကောင်းသုတကျော်) ဒီဘဝတြင္ေတာ့ သန့္မင္းဉာဏ္မွလြဲၿပီး ဘယ္သူ႕ကိုမွ မခ်စ္နိုင္ပါ... (ေကာင္းသုတေက်ာ္) 25/11/2022-----30/6/2023