Unicode
" သား ... နေလို့ကောင်းရဲ့လား "
" ... "
အနီးကပ်ရပ်ပြီးမေးလိုက်သော်လည်း ကောင်းကတော့ ဇာနည်၏အမေးစကားကို မကြားသည့်ပုံပင် ။ အမြဲတမ်း သတိဖြင့်နေတတ်သော ကောင်းက ယခုရက်ပိုင်းအတွင်း သိသာစွာမှိုင်တွေနေခဲ့သည် ။ ထိုမှိုင်တွေခြင်း၏ နောက်ကွယ်ရှိအကြောင်းအရင်းကို သိရှိပြီးဖြစ်သောကြောင့် နှစ်သိမ့်စကားဆိုရန်လည်း မစွမ်းသာပေ ။ ကောင်းက သန့်ကိုချစ်၍ သန့်၏ချစ်ခြင်းမေတ္တာကို ကောင်းအားရစေချင်ပါသော်လည်း ကံတရားက အခြားအကြောင်းတရားကို စနစ်တကျထည့်သွင်းလာ၏ ။
ဇာနည်နှင့် လဲ့လဲ့ကျော် တစ်ယောက်ကိုတစ်ယောက်ကြည့်မိကြရင်း သက်ပြင်းကိုယ်စီချလိုက်မိ၏ ။ လဲ့ ကောင်း၏မျက်နှာလေးကို စိတ်မကောင်းစွာဖြင့်ကြည့်ပြီး ပခုံးကိုဖွဖွလေးထိတွေ့လိုက်မှ ကောင်း၏အကြည့်မှာ လဲ့ထံသို့ရောက်ရှိလာခဲ့သည် ။
" သား...ကောင်း ...ဖေဖေ သားကိုစကားပြောနေတယ်လေ "
ယောင်ယောင်မှားမှားဖြင့် ခေါင်းကိုအကြိမ်ကြိမ်ညိတ်လိုက်ပြီးမှ ဖေဖေ့ကို ကောင်း ကြည့်လိုက်မိတော့ ဖေဖေ့မျက်နှာမှာ သိသိသာသာပျက်နေလေသည် ။
" နေကောင်းရဲ့လား သား "
" ကောင်းပါတယ် ဖေဖေ "
ခန္ဓာကိုယ်တွင်ဘာမှမဖြစ်သော်လည်း စိတ်နှလုံးကတော့ ချုံးချုံးကျနေကြောင်း ဖွင့်မပြောချင်သဖြင့် ကောင်းသည်ဟုသာဖြေလိုက်မိသည် ။ အလုပ်ပင်ပန်းနေကြသည့်မိဘများကို သူ့ကြောင့် ပိုပြီးမပင်ပန်းစေချင်ပေ ။ ထိုသို့ပြောလိုက်သော်ငြား ဖေဖေနှင့်မေမေ ယုံမည်မဟုတ်ကြောင်းကိုလည်း အလိုလိုရိပ်စားမိ၏ ။
" သား တစ်ခုခုဖြစ်ရင် ဖေဖေ့ဆီဖုန်းတန်းဆက်လိုက်နော် ၊ ဖေဖေနဲ့မေမေ တစ်ယောက်ယောက် သားဆီကိုလာခဲ့မယ် "
" ဟုတ်ကဲ့ ဖေဖေ "
" အေးကွာ ၊ သင်္ကြန်နီးလာတော့ အလုပ်တွေအကုန်ဖြတ်နေရလို့ သားရာ ၊ ဒါပေမဲ့ ပိတ်ရက်ရတယ်ဆိုတော့လဲ တော်သေးတယ်ပြောရမယ် ၊ အဲဒီရက်တွေကျမှ ဖေဖေတို့ အေးအေးဆေးဆေးစကားပြောကြတာပေါ့...မကောင်းဘူးလား "
YOU ARE READING
သံယောဇဉ်မြစ်ကို လွှမ်းခြုံထားတဲ့ မေတ္တာတိမ်စိုင် (Complete)
Romanceဒီဘဝတွင်တော့ သန့်မင်းဉာဏ်မှလွဲပြီး ဘယ်သူ့ကိုမှ မချစ်နိုင်ပါ... (ကောင်းသုတကျော်) ဒီဘဝတြင္ေတာ့ သန့္မင္းဉာဏ္မွလြဲၿပီး ဘယ္သူ႕ကိုမွ မခ်စ္နိုင္ပါ... (ေကာင္းသုတေက်ာ္) 25/11/2022-----30/6/2023