Unicode
သန့်မင်းဉာဏ်၏ပုံစံက လူသေကောင်လိုမျိုး အပြုံးအရယ်မရှိဖြစ်နေကာ စကားကိုလည်း တစ်ခွန်းမှမပြောပေ ။ တွန်းလှန်ချင်သော်လည်း အခြေအနေမပေး၍ငုံ့ခံနေရသည့် အရိပ်အယောင်မျိုးကိုလည်း သန့်မင်းဉာဏ်က ပီပီပြင်ပြင်သရုပ်ဖော်၏ ။ စိတ်မတိုမိအောင် မည်မျှပင်ထိန်းထိန်း ၊ ကောင်းသုတကျော်နှင့် သန့်မင်းဉာဏ်ကို တူယှဉ်တွဲပြီးမြင်လိုက်သည်နှင့် မွေးမြူထားသည့်စိတ်ကောင်းလေးမှာ အစအနရှာမရအောင် ပျောက်ဆုံးသွားရပြန်သည် ။
မီးပွိုင့်မီးနီသွားသဖြင့် ကားကိုအရှိန်လျှော့၍ရပ်လိုက်ပြီးမှ သန့်မင်းဉာဏ်၏မျက်နှာကို အချိန်ခဏကြာအောင်စိုက်ကြည့်မိ၏ ။
" သန့်မင်းဉာဏ် "
" ... "
မကြားသည်လား ၊ မကြားဟန်ဆောင်သည်လား ။ သန့်မင်းဉာဏ်က နဂိုအတိုင်း ခေါင်းကိုငုံ့ထားဆဲ ။
" သန့်မင်းဉာဏ် "
အသံကိုနည်းနည်းထပ်ကျယ်ပြီးခေါ်လိုက်မှ ခန္ဓာကိုယ်မှာတစ်ချက်တုန်ယင်သွားသလို မျက်လုံးအပြူးသားဖြင့် သူ့ကိုကြည့်လာလေသည် ။
" မင်းမျက်နှာက ဘာဖြစ်နေတာလဲ "
ခေါင်းကိုသာခါပြလာသဖြင့် ဆွဲဆန့်ထားသည့် စိတ်ရှည်မှုများမှာ ကတ်ကြေးဖြင့်ဖြတ်လိုက်သလိုမျိုး ပြတ်တောက်သွား၏ ။
" ပါးစပ်ကဖြေ "
" ကျွန်တော် ဘာမှမဖြစ်ပါဘူး "
" အဲဒါဆိုရင် ဘာဖြစ်လို့ လူသေကောင်လိုမျိုးလုပ်နေရတာလဲ "
" ဗျာ "
" ငါ့ဘေးမှာနေပြီး မျက်နှာသေနဲ့နေနေတာက ငါ့ကိုစော်ကားတာပဲ သန့်မင်းဉာဏ် ၊ ဘာလဲ...ဟိုကောင်နဲ့အတူတူမသွားရလို့ အသံတိတ်ဆန္ဒပြတာလား "
" မဟုတ်ပါဘူး "
" အဟင်း...ဟင်း...ပါးစပ်ကနေသာ မဟုတ်ဘူးငြင်းနေတာ ၊ မင်းမျက်နှာက ငါ့စကားမှန်ကြောင်း သက်သေပြနေတာပဲလေ "
ညစ်နေသည့်စိတ်မှာ ပို၍ညစ်နွမ်းရသည် ။ တကယ်လည်း သန့် ထက်ဘုန်းနိုင်နှင့်အတူတူမသွားချင်ပေ ။ ထို့အတွက်ကြောင့် " ပူလို့ပါ " ဆိုသည့် စကားကိုသာပြောလိုက်မိပြီး ခန္ဓာကိုယ်ကိုလည်း ထိုလူနှင့် ဝေးသထက်ဝေးအောင် ဘေးဘက်သို့တိုးကပ်မိ၏ ။
YOU ARE READING
သံယောဇဉ်မြစ်ကို လွှမ်းခြုံထားတဲ့ မေတ္တာတိမ်စိုင် (Complete)
Romanceဒီဘဝတွင်တော့ သန့်မင်းဉာဏ်မှလွဲပြီး ဘယ်သူ့ကိုမှ မချစ်နိုင်ပါ... (ကောင်းသုတကျော်) ဒီဘဝတြင္ေတာ့ သန့္မင္းဉာဏ္မွလြဲၿပီး ဘယ္သူ႕ကိုမွ မခ်စ္နိုင္ပါ... (ေကာင္းသုတေက်ာ္) 25/11/2022-----30/6/2023