انا المذنبه وانت البريء

الـذنب الثالث

#انا المذنبه وانت البريء

- قراءه ممتعه لخدودكم الحلوه .
- كاتبتكم فاطمه جميل .

___________

فراس ..

استمريت بالاتصال وماكو رد ! وين اروح هسه شكول لامه اخخ منك مسنددد اخخ ، طلعت متوجهه للكورنيش دائماً نكعد بي هم ماكو ..

رحت لبيته هم ماكو ماخليت مكان يعتب عليه طلعت تلفوني اتصلت مره ومرتين لمن انفتح حجيت بعجل والخوف مسيطر ع نبرة صوتي ..

فراس : مسندد الو تسمعني مسنددد وين انت؟

مسند : يم بيتها

حجاها بضحكه وصوته مبحوح طاغيه عليّ نبرة حزينه !

حجيت بعصبيه

فراس  : شارب مووو جايك ماتوب جايك

سديت الخط رحت لدراجتي ركض شغلتها وعطت بيها وصلت للبيتها اباوع محد بشارع ساعه وحدة بليل اكيد محد بـ شارع ضليت اصيح بكل علو صوتي نسيت العالم نايمه بهيج وقت !

فراس : مسندد، مسنددد وينكك!!

اباوع الگا مقابيل بيتها رحتله لگيته لازم بطل ويشرب وبملابس شغله حجه بصوت عالي وضحكته ماليه وجهه !

يا يدوب يبتسم بس من صير السالفه بيها هي يضحك والابتسامه تنرسم بكل ترحيب ع وجهه ..

مسند : هذا شارعكم وصلته وجايب وياي الخريف وعلمت روحي الشجاعه ههههههههه وبطلت بطلت من الرجيف وخفت الباب ادگه وكمت ادك على الرصيففف

فراس : كوم يلا كوم شسويت بروحك شيسوي بيك ابوك هسه

ع طاري ابوه اجه اتصال منه من صفحه هذا منتكي عليه وبين الكاعد وبين النايم يطوطح ومن صفحه اذا افتح خط شكله اكله يم بيتها يذبحني ويسويني غده فردوس ..

ابو نبيل : ها بويه لكيته وين؟

فراس : اي عمي بعدين اكلك اليوم يبات يمي،

كلت كلمه الاخيره وسديته بوجه لن اعرف حيعارض وطفيت التلفون عام مالتي ومالت مسند صعدته ع دراجه كتله تمسك بيه حيل ..

وصلنه للبيت وهو ملتهي يهلوس بكلمات تافهه ويضحك ويبتسم بحده دخلته للبيت ..

دخلنه للغرفه خليته ع جربايه غيرتله ملابسه وشربته كوب مي وبي ليمون حت يصير زين، بقيت كاعد يمه عيني تغفه وارجع افتحها ..

وهو مستمر بقول الكلمات المعتاده الي دائما يكولهم وخاص يمي نمت ما سيطرت ع نفسي ..

فزيت اباوع لساعه 6:30 الصبح سمعت صوت كبل عيني اجت علي لكيته كاعد يبدل باوعلي وكال

مسند : صباح الخير

فراس : صباح النور وين رايح؟

مسند : لشغل يعني وين رايح