انا المذنبه وانت البريء

الـذنب الثامن

#نا المذنبه وانت البريء

- قراءه ممتعه لخدودكم الحلوه .
- كاتبتكم فاطمه جميل .

_____________

مسند ..

حجت هيج واغمئ عليها  وطاحت واني ركضت بكل مابيه عليها ضليت اضرب بوجها بضربات خفيفه ماكو رحت ركض للمطبخ جبت مي بارد من الحنفيه ..

ذبيته ع وجهه بدت صحصح..

مسند : غزال سمعيني !

بقت تفتح عين وتسد عين وهي بوسط حضني منا لمن صحصحت صاحت

غزال : وخخخخخررر عنيي

مسند : ع كيفج اخذج للمستشفى بيج شي حاسه بشي؟

كعدت بعدتني عنها..

غزال : مابيه شي وخر عني

مسند : راح اوخر بس كليلي مابيج شي زينه تحسين نفسج

غزال : اي

كالت هيج واني طلعت لطارمه ماخذ تلفوني وتلفونها طحت بتلفونها كسرته وطلعت الخط كسرته ودست علي برجلي ..

رجعت دخلت لصاله اشوفها شونها دخلت لكيتها بعدها كاعده ع قنفه ولازمه راسها بأيديها الاثنين ..

مسند : دگومين اخذج للطبيب ؟

التفتت عليه

غزال : اني اذا اتعب يكوم راسي يدور فه عادي هسه اصير زينه

مسند : زين كومي للغرفه غيري ملابسج ارتاحي شوي

،،

غزال ..

گمت دخلت للغرفه وقفلت الباب نزعت البدله وفليت التسريحه واني دموعي ع خدي ما نشفن
فتحت الكنتور مابي ولا شي الي ..

بس ملابسه طلعت قميص وبيجامه اله جان لون القميص سمائي والبيجامه بيضه لبستهم نفشت شعري كعدت انتچيت ع كنتور ..

مخليه راسي عليّ احجي وابجي بصوت

غزال : اللهي دخيلك ودخيل اسمك شنو هل موقف الي خليتني بي

احجي ودموعي تجري ما اعرف شبيه حاسه راسي حينفجر تمددت ع گاع رغم جانت اكو جربايه بس مابيه حيل اكوم وما حاسه ع نفسي الا وغافيه ..

______________

ام غزال : وججج شون تعوفين اختجج شوننن ابوج ما مودعها لا اخوج لا اني

منال : رجلها اجه واخذاها شسويله مثلا

بقت امي تلطم ودك ع خدوده وتبجي واني دموعي ينزلن سكته مادري وين جان عقلي من اخذاها من ايدي وما ودعتها ولا حتى وصيتها ع روحها !

ام غزال : اخ يا غزله اخخخ رحتي ها يمه رحتي هاي هي يابعدد عيون امجج

رحت لغرفتها ركض مخليه مخدتها ع خشمي وابجي بكل قوه عندي..