انا المذنبه وانت البريء

الـذنب السادس

#انا المذنبه وانت البريء

- قراءه ممتعه لخدودكم الحلوه .
- كاتبتكم فاطمه جميل .

__________________

نهله ..

بدت التحضيرات لخطوبه مسند وفرحانين طايرين بي وهو مورد هل ايام والابتسامه ما تفارك وجهه وكل ساعه يصيحني ساعه يسئلني عليها ..

ساعه يكلي صدك قبلت واضحك علي وافرحله بنفس الوقت ، وبيوم كعدنه اني والبنات سوينه حمله ع بيت كله ..

وردونه الخبر بعد يومين تقريباً كالوا ، العرس بأسرع وقت نريده مانريد الخطوبه طول ومسند
ادخل للغرفه الگى يضحك بحده وفرحانين ع فرحته ..

ونهار كله الاغاني مشغليها ونتراگص والصبح امي راحت الهم انطتهم فلوس لتجهيزات
الخطوبه وحددنه باجر الخطوبه العصر ..

سند مگضيها بغرفته وكل ما ندخل علي نلگاه قافل الغرفه ماعرف شنو الموضوع ..

نهله : خاب منادممم وينجج جيبي الليفه وتعايي

منادم : باعي انتِ المطبخ واني الصاله وحره الطارمه

حره : والفوك وغرفه العريس؟

منادم : الغرفه مالت مسند امي كالت اتكفل بيها ومحد تدخل الها اصلاً

نهله : ليش عود؟

حره : ام تريد تفرح بأبنها خلنها

منادم : حره ترحين لصالون تسوين شعرج ووجهج؟

حره : اي بعد اشوي بليل كلت لعقيل كال روحي اخذ نهله واروح

منادم : واني؟ شنو اشو دوم مستحگراتني انتن

حره : يلا ناخذج ويانه بس اسكتي ام اللسان

ام نبيل : عمه رجلج وين اريده بشغله؟

حره : گال طالع وي مسند مدري وين

ام نبيل : ها يلا كملن انتن ..

____________

مسند..

بدت التحضيرات تتحضر واهلي فرحانين ع فرحتي وذا اكول ما مصدگ محد يصدگني وبيوم ملينه من الگعده قرر عقيل ..

يطلعنه للگهوه رحنه للگهوه اني وعقيل نغير جو وهو كال توديع العزوبيه وبقينه نسولف ونضحك ونشرب نرگيله ..

اتصلت علي امي ماعرف شحجه وياها

عقيل : سند شوي وجايك

مسند : براحتك

بقيت كاعد عين ع عقيل الطلع بره وعين بالتلفون بقى يحجي ويباوع عليه سده
واجه

مسند : وين جنت؟

عقيل : بشغله

مسند : شغلة شنو؟؟

عقيل : ههههه ماكو خصوصيه بالموضوع يعني؟ يجوز طلعت اخابر صديقتي