انا المذنبه وانت البريء

الـذنب الـ ٤٧

#انا المذنبه وانت البريء .

- قراءه ممتعه لخدودكم الحلوه .
-علقوا بين الفقرات عيوناتيي .
- كاتبتكم فاطمه جميل .

________________

منال ..

دخلنا للبيت صوت صريخهم واصل لسابع شارع لگينه تابوت بوسط الصاله وكلها متربعه علي عمتي دك وتلطم وشاگه ثوبها وضاهر جسمها مسند يصيح بقوه وملخ شعره ..

نهله مزلغه خدودها دخل عبد يصيح ويبچي كعد بنص التابوت يطلع بيها ويحجي ويبچي

عبد : ولج ندممم لحگتي ابووووييي ما تكدرين ع فراگه لحگتييي

رشا : ولج يمه خل نستوعب صدمه ابوج يا يمه وين مغربه بهل گبر المتره يمه ويننن رحتيييي !

مسند : منادممممم لا تسوينها صدك وتكسريناااا ولج انتِ ضوه لبيت وينن رايحهه يبعد اخوج مو تكولين اريد اطلع اعفاء بالخامسسس

الغريب من عبد وخر البطانيه الي مخليها عليها ، ضهرت بطنها بس عجيب !

منفوخه بطريقه مو طبيعيه عبالك حامل بشهر التاسع ..

وجهه مشحوب و ابيضضض ناصع البياض لدرجه خفت حيل اول مره اشوف جثه ميت ..

صريخهم اخترق مسامعي كل واحد يصيح ويبچي بصفحه لمن شالوا التابوت كلهم فزعوا واحد يجر والثاني يسحب وصارت بهذله ..

اهلي موجودين وشرف ونهله ونبيل اعرفه لن ينطي شبه بعقيل وعمي كلش وعرفته من ضخامته ..

واكف فوك راس امه ويبچي دموعه ينزلن عشره عشره ..

بقيت متكتره عنهم وابچي بهدوء ما مصدگه قبل اشوي البنيه چانت يمي وكالت بشرينه بلكي بنيه لحتى اربيها انا ..

طلعوا كلهم البيت بقى هادى تحول من صريخ ورهبه ودموع الى بيت خالي من اي ضجه وصوت ..

عزلت كل البيت ورتبتها وصار اليوم الثاني الفاتحه رجعوا كل الولد وعمتي بس نهله بقت ويانه وحتى مرت نبيل ويانه تشتغل وتلم بالبيت ..

ملثمين وعيونهم منفخه وحالتهم حاله كعدوا بالغرفه مثل الاجتماع العائلي رحت عليهم اني وحره وسمعتهم يسولفون

عقيل : اخذناها للطب العدلي لگوا بطنها قابضه ومن گد ما انتفخت رادت تنفجر من غسلوها

عبد : صاير عدها قبض حاد وهي تاكل وما تخرج بطنها وكل هذا بسبب التراب الي تلهم بي لهم لگوا معدتها مزرفه وعباره عن طين طين ع حيلها

عقيل : يمه ندم اليوم تبات هناككك يمه ندم يم ابوي يمه

جرها لصدره وبقوا يبچون ، تلاثتهم لابسين دشاديش سود وملثمين بشماغ اسود ضاهره بس عيونهم ..

اثناء هل كلام ندگ الباب ودخلت مرت نبيل ريحانه

سلمت ع عمتي وع ولد واشوف وجوهم ثگيل عليها ..